وينكم يأهل الخبره

[عاشق الطير999]

السلام عليكم يقول من شاورك دخل ذمتك وانا ابي استشير الي قنى او عرف احد قنى الطيور الي من مزرعت نكلس الحوسي ابيه يفيدني بعلوم الفعل والسبق وهل تنصحوني اقني الطير الي من هالمزرعه

[(هزاع)]

الله يرحم الحال
ماتقدر تمدح اوتذم ذود ابل بتلقا بها الطيبه والوسط واللي يمشي حالها
وكذلك بالطيور تقلى عند بعض المزارع شي فاخر وتلقى وسط وتلقى نفو
لاتاخذ الا على شوف طيار الطير والفحص البيطري
هذا شوري والله الموفق

[راكااااان]

اخوي عاشق الطير مساك الله بل خير الطيور مي بواحد اتكلم عن نفسي انا عندي حر. وجير حر من نكلس اخذتهن من صاحبنا وخونا ابو ناصر الله يشفيه رصيدهن من الحباري ولكراوين عدد ريشهن ماشاءلله تبارك الرحمن ولحمام السوادي يعلقه بلغيم ولحمد لله وشكر الي عندي شهاده حق وفي ناس مايمدحونهن واجد وهي بل أخير الفرس من خيالها ونا اخوك وتقبل مروري

[ابو عضيله]

والله ياخوي عاشق الطير دلو ماء ودلو طين يختلف طير عن الاخر ولك تحياتي

[راعي لادن]

عليكم السلام ورحمة الله

طيوره زينه اوله باع طويل في مجال التهجين الطير الي في التوقيع من مزرعته سبوق حشر معي في مقناص العراق تحياتي

[عاشق الطير999]

بيظ الله وجيهكم وكثر من امثالكم كفيتو وفيتو

[أبو أمين]

ما ازيد على الاخوان

واللي فارقها عن المزارع الاخرى ايام وكيلها الحواسي ابو ناصر الله يذكره بالخير ويشفيه

الاسعار جدا مناسبه وفي متناول الجميع

واللي صقرت منها حول ١٠طيور ما فيها الردي و٤ منهن مسكته

والعلم سلامتك

[أبو معاذ 2006]

الله يجزاكم خير

[عاذي]

واحد من الربع شاري من عندة طير فرخ طلع طير طيب وفعل وسبق .

[خيال سهيل]

الحواسي ونعم الرجل
واما طيوره ماني ببخصه بالحيل لاكن العام ثنين اعرفهم شرو منه فروخ وتبي الصدق كلهن كفو
ومدحو فالها وشوف عيني على الحمام طرد يروع مع ان واحد منهن امدحوه على الكروان والثاني مهو ردي
والله اعلم