المساعد الشخصي الرقمي

مشاهدة النسخة كاملة : حل عاجل فكسار2000 يتمايل في الخط يلعب وليس حذف


أبوتركي V8
30/08/2012, 10:35 PM
السلام عليكم

شباب عندي فكسار القير عادي 2000 فل كامل هيدروليك

المشكله في الخط يلعب يعني في المنعطف يتمايل وليس خذف

اذا مسكت خط وتمشي 140تلف بطاره شوي تحس الموتر يتمايل يمين ويسار وإذا جا منعطف بسيط سهل على 160 وانا امشي 140 اهدي 100 او 120 احس الموتر يلعب

هل احد مرة عليه المشكله هذي للعم ان الموتر وكاله
ls1.5700
31/08/2012, 12:52 AM
فيه عدت اسباب
الموتر عندك غير متساوي يعني فيه واحد من الكفرات الهدروليك حقه
فيه خلل يمكن فيه تنسيم
عاين الموتر هو واقف متساوي ولا لا
وشيك عليه عند اقرب ميزان يشوف لك الاذرعه
وعمود التوازن الامامي ولاخلفي
وشيك على الكفرات نفس المقاس ولا لا
هذا والله اعلم
ارجو اني افدتك
مسمار شداد
31/08/2012, 07:13 AM
كان عندي مشكله اذا دعست وانا مشي احس الموتر يتمايل او يزوك وكذالك عند دعس البريك خصوصا مع السرعه وطلع من ربلات الشدادات التي تمسك الدفرنس الخلفي في البدي والشاص,,, ولاتغير الا ربل اصلي التايون ماجلس معي شهر واحد,,,,,,,,,,,,,,,,,,,,,,,,,,,,,,,,,,,,,,,,,,,,,,
شيك على المساعدات وشيك على ربلات عمود التوازن الذي يجي زي الماصوره مايله خلف الدفرنس الخلفي
والله يوفقك
وطني
31/08/2012, 10:15 AM
كان عندي مشكله اذا دعست وانا مشي احس الموتر يتمايل او يزوك وكذالك عند دعس البريك خصوصا مع السرعه وطلع من ربلات الشدادات التي تمسك الدفرنس الخلفي في البدي والشاص,,, ولاتغير الا ربل اصلي التايون ماجلس معي شهر واحد,,,,,,,,,,,,,,,,,,,,,,,,,,,,,,,,,,,,,,,,,,,,,,
شيك على المساعدات وشيك على ربلات عمود التوازن الذي يجي زي الماصوره مايله خلف الدفرنس الخلفي
والله يوفقك


أوافقك الرأي
تأكد من ربلات الشدادات للدفرنس الخلفي والشدادات الأمامية ..
أبوتركي V8
31/08/2012, 10:29 AM
بيض الله وجيهكم على التفاعل وان شاء الله راح ابلغكم واحد واحد


الشيء الثاني

الطبلون يطفى فجئه كل سنه ونص او سنتين يقول راعيه لاول حصلت معه يبيله برمجه

في احد حصلت له
أبوتركي V8
31/08/2012, 02:22 PM
للرفع

الشيء الثاني

الطبلون يطفى فجئه كل سنه ونص او سنتين يقول راعيه لاول حصلت معه يبيله برمجه

في احد حصلت له
عقيل التميمي
04/09/2012, 03:24 PM
صارت معي نفس المشكله غير الشيالات اللي وراء ويسمونه مقصات خلفيه سعر الاربع 1300 غيرتهن وارتحت لان الربله اللي داخل الشيال تخرب ولازم تشتري الشيال كامل
الريصي
09/09/2012, 01:38 AM
مساء الاخير افادوك الاخوان المشكله عندك المقصات الخلفيه يجن اربعه اخي ٢ طوال و٢ صغار شيك على الربلات الي فيهن وغير الربلات تظبط امور الموتر المشكله اخوي الربلات مايباعن الا تجاري وانصحك ابعد عنه التجاري ولا تخسر لي تجربه وركبت ربلات تجاري وماصبرن ٣ شهور الا رحعت المشكله واظطررت اغير المقصات كامله ٢ طوال خلف ب٥٠٠ ريال ومشت الامور على احسن وجه اعانك الله وسدد خطاك واتمنى عليك اخي امنيه ارجوا تحققها لي وطلب تكفى خفف السرعة والله مافيها خير حماك ربي وسلمك من مخاطر السرعة واسف على تدخلي بشؤنك
أبوتركي V8
03/04/2014, 08:50 AM
تم الحل والحمدالله مشكلة التمايل يمين ويسار

السبب الكفرات عايرت الكفرات لقيت الكفر الأول 10 وثاني 20 والثالث 15 ورابع 10

تم تعبة الهواء 30 مسكة خط والحمد الله اختفة المشكله تمام

شاكرلكم ع جهودكم :)
البرغي
03/04/2014, 09:32 AM
الله يهديك ويصلحك خليتنا نتفاعل مع موضوعك واخرتها الكفرات على الجنط:mad::)
talal999
03/04/2014, 12:45 PM
بالنسبه لعداد السرعه بالطبلون يفصل بسبب ترس السرعه ( ترس بلاستيكي صغير )
سعره 55 ريال اصلي ويركبونه ب 50 جنب القير وسهل في دقيقه يركب .
دعواتك
أبوصالح9
03/04/2014, 02:39 PM
انا من يوم قريت اسم الدولة اللي انت كاتب بالمعرف حقك وانا حاس انك وسيع صدر

اجل تمشي 140 وكفراتك بهن 10 و15 ولا تبي الموتر يلعب - بس تدري عاد اثبت للجميع انك محترف سواقه ههههههههههه- الله يسعدك ويستر علينا وعليك
اخوك / ابوصالح
أبوتركي V8
07/04/2014, 08:56 AM
ابوصالح
جزاك الله خير والله يوسع صدرك ان شاء الله :)