الشنــــــــــــــاذره

[501]

السلام عليكم ورحمة الله وبركـــــاته


موضوعي يتكــــــــــــــلم عن الشناذره ويلحق من سوء استخدامه اثناء اعطائه الطير
سواء طبيه /صناعيه العاديه
وياما طير نادر راح من اسباب الشنــــــاذره وطيور عليها الكلام
ولايخفى عليكم قرب نقلة الطير والكثير من اخواني الصقاقير مستعجلين على شناذرة الطير مع ان الجو لازال حار ورطوبه والبعض منهم بدء في دعو طيره واقول لبعض اخواني الصقاقير قليلين الخبره في استخدامه خذو الحذر من سواء استخدام الشنـــــــاذره
وهذه صوره توضح ارشادات الاستخدام


http://www.mekshat.com/pix/upload01/prof022/mk20805_1 (600 x 500).jpg

اتمنى اني وفقت في توضيح بعض ما ياتي من سوء استخدام الشنــــــــاذره وما تلحق
ببعض الاضرار بالطيور
501

[احمد الحاسي]

بارك الله فيك ياخوي المعلومات الطيبه

[(بوسلطان)]

أهم شيء بعد ألشناذره إعطاء ألطير حبوب التهاب لمدة يومين أو ثلاثه

يعطيك العافيه ولاهنت

[عاذي]

الله يعطيك العافية ماقصرت

[@السيف@]

بيض الله وجهك ورحم الله والديك

[ابو عضيله]

الشناذر شر لابد منه

[(هزاع)]

الله يعطيك الصحه والعافيه ولايحرمك الاجر

[خيال سهيل]

الشنذره زينه وتعدل نفسيت الطير وتخليه يطيع لحاجته لك بعد حذف الشبيكيه ولاكن لاتشنذر الطير
اذا ما كانت ضروريه واهم شي ان الجو يكون مساعد يعني برد واقصد بالبرد البرد الي عليه العلم
يعني من شهر 11 ميلادي ورى اما الوقت الحين حار وجوف الطير حار والشناذر حار
كذا بتطبخ كبد الطير وبالنسبه لطبيعيه مره حده تكفي اما الصناعيه اذا كررتها عليه بعد 3 او 4 ايام
مافيه مشكله

بس ياشباب نصيحه في كل امور دنياك وخاصه الطير

الهون ابرك ما يكون
ارحم من بالارض يرحمك من في السماء

[ايزاك]

الله يعطيك العافيه وعليكم بالطبيه

[القنــ أبو تركي ـــاص]

الله يعطيك العافيه
بس عندي سؤال ؟
ايهما افضل ؟؟؟
العام عندي طير وكري اللى بالتوقيع عطيته من الشناذر الصناعيه (كبسوله)
نتيجتها ما كانت مرضيه بالنسبه لي
تحياتي لكم

[طاسان]

الشناذره الطبيه فيه كبسوله حمراء وكبسوله بيضاء الحمراء على مااعتقد اقوىوللعلم الكبسوله الطبيه مميزاتها مشيول من الشناذره مادة الكبريت السامه التي عاده تسبب موت كثير من الطيور هذا للعلم
واتمنى ان شاء الله موسم مبارك للجميع

[أبو فااارس]

الشناذره البيضآ الطبيه مفعولها طيب ولكن أهم شي استخدامها يكون بالوقت المناسب ليا رمى الطير روباجته صقطها بحلقه واشغله بالعلف ليا احترت عليه علشان مايرميها بس لا ينتش من العلف شي وفيه نقطه مهمه قبل لا تصقط الشناذره اسق الطير ماآ ولاتكثر وخل الطير يتريح ليا احترت عليه وان شاء الله إذا طبقت الطريقه هاذي راح تضمن بعد الله صحة الطير ونفسيته راح تزين

[اقدم صقار]

نصيحه الجو حار لحد يشنذر طيره

الجو حار والطير حار والشناذر حار وعسى الله يرحمنا بس ، درجة الحراره يا الربع 48 درجه مئويه

وعسى الله يوفق الجميع

[باترول هدد]

يعطيكم الله العافيه
الشنذره لابد منها ولكن لآن صعبه شنذرة الطير لأن الجو حار ومعرض الطير للمضايقه وللكفخ وإذا كفخ الطير أطلب خلفك من الله

اللي يبي يشنذر لا يستعجل الدعوى كلها دعو ومادعو ولا تستوجب الشنذره , جوع الطير وادعه أبرك له من الشنذره بها الوقت الحار .

وأنا حسب خبرتي أنصح بالكبسوله الحمراء مفعولها ممتاز وخفيفه على الطير أما الطبيعيه خطيره على الطير

أعرف لكم كم واحد راح طيره بسبتها .

[صقار أبوظبي]

جزاك الله خير وجعله الله في موازين حسناتك

[وسًاام]

جزاك الله خير

[سعود ابوراشد]

انصح الاخوان بالكبسولات البيض علشان اذا طلع دم يبين فيها. الثانيه حمرا مايبين فيها الدم
جزاكم الله خير

[الطبشي]

الله يعطيك العافيه
كلام سليم
والله يكفيناشرالشناذر

[بو عزه]

الشناذره شر لابد منه
هههههه

احلى موضوع قريته اليوم

[فيصل الجربوعي]

الشناذره شر لابد منه

حلوه يابو عزه

نصيحة الي يبي يشنذر
وانتوا الي تعلمونا
يحط الطير في مكيف باردة جدا
واهم مايكون المكان مايكون حار
ويكون دعوا الطير بعد مايرتاح 4 ايام بعد الفجر
ولاتنسى بعد الشناذرة بنص ساعة خل فية لحمة حاطها في حليب بوني او السعودية لمدة نص ساعة تبرد على جوف الطير بعد الشناذر

والطريقة هذي مجربها من سنين

[ابوحزااااااام]

جزاكم الله خير

[محمد النعيمي]

جزاك الله خير على التوظيح

[برق المغيب]

ما قصرت على هالموضوع وماقصروا الاخوان في شرع الشنذرة ووقتها لان بعض القنوص تفوته بعض الامور يمكن يضيع فيها طيره ... جزاكم الله خير

[ابوحسن144]

جزاكم الله خير على المعلومات الطيبة
الحقيقة .. موضوع مهم
.. ..

[ابوفيحان11]

عليكم بعد خروج الطير من الربطه الفيران البيض الي تجي في النفود او الجرابيع تغرف الي في معلف الطير
كرر كم مره وشف خاطر الطير بعدها اما ا اذا جاء الواحد يشنذر الطير لايستعجل الى بعدما ينقز الطير على يدك ويطيح الطير وقبل ماتنزل عدته عليك بشنااذرت الرشيدى

[ابو وافي00]

يعطيك العافيه وماقصرت الله لايهينك
تحياتي

[الجره جديده]

ياكثر الطيور اللي ماتت والسبه الشناذر والله يعطيك العافيه يا صاحب الموضوع
ما شاء الله وشمعجلكم على الشناذر تشنذرون بدري واذا قام الخرب يدرج وجنب الطير عنه قمنا ندور اعذار
تو الجو حار وللمعلوميه ترا مستحيل الطير بعد ماتنقله وتشنذره انه يحذف شبيكى
لازم ينزل الطير ويصير وزنته وزنتة هدد واليوم اللي انت بتنشنذره يصير قبله بيوم معلف الطير لحم صافي
يعني انت بتشنذره يوم السبت يكون عشاه الجمعه لحم صافي وبعد ما يحذف الشبيكى عطه شي بسيط لحم بدون عضم وريش مدة ثلاثه ايام ويكون الطير مريح والماء عند خشمه ويشرب منه
واذا الطير رص. على الشناذر ما حذفها وشفتها تاخرت اذبح حمامه واسحب دمها. في برواز وضف الطير واسقه من الدم عطه كميه مناسبه لحجم الشناذر اللي اخذها
او عطه حليب سعودي تراه ممتاز
ويستحسن بعد الشناذر باربعه ايام تعطيه حبتين سكر نبات وتسقيه.
ويالله بالخرب العاصي بعدها عشان تشنذره قبل تهده هههههههههه
ادري اني دخلت في موضوع غير الموضوع وشطحت بس الشكوى لله

[AZOZ9091]

جزاكم الله خير

[اماراتي 10]

الطبيه البيضا افضل بعد يعق الطير روبايته وبعدها تسقيه ماي وتخليه كذا ساعه وبعدها تعطيه لحم بلا عظم ولا تكثر له ومن حسنات الشناذرة انها تطرح الشحم والدهون ومن سيئاتها انها تجرح في بطنه فا علاالاقل تعطيه يومين علف بدون عظم

[شلهووب]

لاهنت موضوع مفيييد وبارك الله فيك

[نجم404]

الله يعطيك الصحه والعافيه وﻻ‌يحرمك اﻻ‌جر

[عواد الشمري2]

بنسبه لي لا اشنذر ولا انصح بشنذره