ارتفاع الحرارة في الفورد ..!!

[شخصية محترمة]

تحيه طيبه وبعد ..


لدي سياره فورد جراند ماركيز 96


في الآونه الأخيره صارت ترتفع درجة الحراره بشكل كبير علماً أن الأديتر جديد ( الوكاله ) ولا يوجد به أي تهريبات ..


توقعت أن بلف الحراره به خلل فقمت بإخراجه نهائياً .. واصبحت السياره بدون بلف حراره ولكن مع ذلك لازالت الحراره ترتفع .. علماً أن موية الأديتر لاتنقص !!


علماً أن ارتفاع الحراره غير مستقر فمره ارتفاع ومره انخفاض ..


ياترى وش المشكله ..؟

[ls1.5700]

هلا شخصيه مهمه
لازم تقول لنا المشكله بالتفصيل على شان نقدر نفيدك
كم ياصل عداد الحراره
المراوح كهرباء اوكلتشات

[عبقري91]

كان معي واحد مثله واذا مسكته خط ترتفع واذا وقفت تنزل
غيرت اديتر اصلي وثبتت
لاكن الحراره عندك من الوقفه ولا بلمشي
ووين تاصل اذا قبل النص بشرطه عادي
والخرطوش يحجر

[ماجد بيك]

مرحبااا

من واقع تجرربة اذ ماء الرديتر ينقص بشكل اسبوعي
اتوقع المشكله في الثلجه
كنت عندي نفس المشكله في الفورد وغيرت الثلجه طلع فيها تنسيم

[رفيع المقام]

تاكد من كلتش المروحه ..
فرّ المروحه والسياره طافيه اذا كانت تدور بسهوله فالكلتش متعطل اذا فيها ثقل ما فيها شي ..

[ملك الفكتوريا]

بصراحة معلوماتك ناقصه


لكن التشخيص الاول كلتش المروحه بالنسبة لموديل سيارتك


طبعا قبل الخساير اول شئ نفصل سلك المروحة اللي يجي من فوق علبة زيت الدركسون حسب موديلك اذا هو مثل 99


او رح لكهربائي يففصله لك


اذا ضبطت الحرارة تراه من الكلتش تبع المروحه


والامر الاخر اذا فصلت السلك المكيف ما يشتغل

[ابوعزام2012]

تأكد من طرمبة الماء أو المروحه

[ابو صالح 871]

اذا كان الاديتر مركب له اكثر من 5 شهور صيخ الاديتر احتمال يكون مملح

[مركز حراره]

اذا كان الاديتر مركب له اكثر من 5 شهور صيخ الاديتر احتمال يكون مملح
ممكن اذا حط ماء عادي

[علوش1]

المروحة لها 3 سرعات ..

احتمال المروحه ما تشتغل الا على اقل سرعة ..

[الريصي]

مساء الخير اخي حبيت اشارك بموضوعك بقصه حدثت لي كنت متجه للقصيم وبالطريق وجدت صاحب فور متعطل ومعه عائلته وبعد الوقوف عنده وسؤاله عن العطل اخبرني ان الحراره مرتفعه جدا ولا فيه تهريب بماء الرديتر اضطررت اسحبه ١٠٠ كيلو لصناعية بريده والامر المفاجئ كان سبب المشكله فيوز محترق هذا مااخبرني صاحب السياره بعد ماكلمته هاتفيا شيك اخي على الفيوزات كلها وربي يهديك ان شاء الله للعطل

[اسم قديم]

دامه فورد فيه عدة اشياء تفقدها

1- فيش الكهرب الموصل للمروحه يمكن من الحراره ماع ولا يوصل كهرب
2- شيك داخل الدعاسه الارجل هل يوجد ماء اذا وجد فالسبب الثلاجه تهريب
3- تاكد من غطاء الرديتر بعد ما تمشي خط استخدم ماء وصابون ع الغطاء

[فورد ماركيز]

الاخوان اللى يقولون افصل سلك المروحة
هذا موديل 96 مروحته بدون كهرب مروحة ميكانيكية

اخوى بحسب الموديل لابد من فحص كلتش المروحة ثم فحص طرمبة الماء ضرورى
وانت لم تذكر كم لك مغير الاديتر اذا اكثر من سنه فسيخه

[ابو صالح 871]

صيخ الاديتر حتى لو انه الماء اللي سبق انك حطيته غير عادي يمكن الاديتر موب اصلي وكذا يملح بشهر والله اعلم وباتوفيق