شوزل بلجيك فيوجن ..... اللي له خبره بتصليح البنادق الله لايهينه يتفضل

[عاشق تشاد]

السلام عليكم

بندقي فيوجن بلجيك ... مركب عليها مخزن عشر طلقات ولها سنتين معي ماتلك ابد ولها الحين تقريبا حول الشهر اذا مليت البندق فشق المكينه تضعف اذا عشقتها توقف المكينه ولازم احركها

واذا رميت الفارغه تردها الفشق الثانيه .. يعني الفشقه الثانيه تنزل قبل الفارغه تطلع

حتى بدون ماارمي يعني اذا مليت البندق وبطلع الفشق لازم الفشقه الثانيه او كل بعد فشقه تنزل قبل تطلع اللي ببطن النار

علما بأني غيرت سستة المخزن والمشكله مهيب بالمخزن بس المشكله وين مااادري

اللي له خبره يفيدني الله لايهينه

[ابوعاشة]

اخوي هل نضفتها من اول ماشريتها وهل تزيتها وتنضفها بشكل مستمر

[معزز رماي]

البندق اذا رميت وطلعت الفارغ تلك معك البندق
اذا لكت يبيلها تنظيف وتزيت زي ماقال ابو عاشه

[قدها ونص]

يخوي لازم تنضفا وتحط زيت لاصلي
فيه انواع من الزيوت هي سبب اللكه انتبه
لاتشتري الاالاصلي

وبتروح سلام سلام

[عاشق تشاد]

ياهلا والله فيكم

من ناحية التنظيف لاتسئل مره .. مهوب بس بالبخاخ الاصلي افك مكينة البندق وانضفها كل بعد فتره وارجعها . مااتوقع المشكله من التنضيف لاني حريص على نضافتها


واحيا

[vvkk]

اهاااااااااااااااااااااااااااااااااال

[جهق//حايل]

التنظيف اهم شي وانا من قرادة حظي نظفت السلاح بزيت عافيه
والله لايوريكك:(

[قاهر البدن]

وش الزيت اللي يصلح لام خمس

[الفهد-08]

السلام عليكم ورحمة الله وبركاته ...
اخوي اتوقع من الشريط حق الخزانة ضعيف والله اعلم .
تقبل تحياتي ..

[هولوكس2005]

جربها بدون مخزن وراح يبين لك من وين الخلل

[عاشق تشاد]

السسته جديده وماخذ الاصليه

لاكن مثل ماقال اخوي هولوكس بجربها بدون مخزن ان شاءالله واشوف الخلل من المخزن ولالا

[محمد الهديب]

يمكن من السبرنق حق المخزن .. احتمال يكون مرتخي اذا هو قديم او مشدود اذا كان جديد ..

[رحال]

الله يمسيك بالخير يالغالي
بالنسبة لي امتلك الفيوجن افلوف وسوف اعطيك تجربة المعاناة قبل ان اعرف السبب ومثل مايقولون اذا عرف السبب بطل العجب :) ..

المهم لما ارمي تطلع الفشقة الفارغ وتلقم الفشقة الجديدة عادي ولكن اجد فشقة جديدة بجانب تكرمون رجلي يعني تنزل فشقة كيف ما ادري وكثير عانيت من هالمصيبه وياكثر مايروح علي فشق في الماء :(

لكن اتضح لي في الاخير ان السبب الخابور هذا ناظر الصورة كان مرتخي وطالع ويوم دقيته انحشر صح ومن يومها وانا مرتاح انا اقول تأكد لايكون مشكلتك نفس مشكلتي ..

http://www.mekshat.com/pix/upload06/images/2012/09/mk1258_ffy.jpg

دمت يالغالي بود
اخوك بوخليفة

[عاشق تشاد]

الله يمسيك بالخير يالغالي

بالنسبة لي امتلك الفيوجن افلوف وسوف اعطيك تجربة المعاناة قبل ان اعرف السبب ومثل مايقولون اذا عرف السبب بطل العجب :) ..


المهم لما ارمي تطلع الفشقة الفارغ وتلقم الفشقة الجديدة عادي ولكن اجد فشقة جديدة بجانب تكرمون رجلي يعني تنزل فشقة كيف ما ادري وكثير عانيت من هالمصيبه وياكثر مايروح علي فشق في الماء :(


لكن اتضح لي في الاخير ان السبب الخابور هذا ناظر الصورة كان مرتخي وطالع ويوم دقيته انحشر صح ومن يومها وانا مرتاح انا اقول تأكد لايكون مشكلتك نفس مشكلتي ..


http://www.mekshat.com/pix/upload06/images/2012/09/mk1258_ffy.jpg


دمت يالغالي بود
اخوك بوخليفة

ياهلا ومسهلا اخوي ابو خليفه

لا المشكله مهيب نفس اللي عندك لاني شفت الخابور بمحله ماتغير
لاكن مشكلة بندقي اذا رميت اول طلقه او ثاني طلقه الفارغه ودها تطلع لاكن تجي وحده من المخزن وتخلي الفارغه ناشبه بالنص يعني الجديده والفارغه تشوفهن حول بعض

[مدور الخيرة]

جرب بمخزن الوكالة وشف وش يصير معك

إذا صلحت معنى هذا إن السبب المخزن وسبرنقه

إذا استمر الحال على وضعه فيه نقطة ثانية حصلته معي بالبيكال

قريب من الإبره ورده صغيرة تطيح أو تنكسر من التنظيف

لكن جرب بدون مخزن واذا ماصلحت شوزنك باصور لك الورده إذا كانت تشابه للبيكال