مشكله بالباترول يااخوانـــــ فزعتكم

[. ذيب ساحوق]

بسم الله الرحمن الرحيم


يسعد مساكم يالربع المشكله ومافيها ان الموتر قبل يوم غرس بطعس وانا خابر الدبل شغال ميه ميه ومركب له فرارت له تقريبا كم شهر برزيليه السود جدد الوكاد يوم قدر الله وغرست واشغل الدبل والفرار ومايشتغل واسمع صوت كان العمود حق الدبل يدور محله مع قرقره بسيطه تسمع عند الفرار الايمن وبعد ماطلعت الموتر واشغل الدبل الثقيل احس الموتر ثقيل بس الكفر مايلف ابد ابد ووديه مهندس ,, وقال مشكله فرار خراب :confused:,, وقلت مالي غنا عن طيور شلوى اهل مكشااات لان الفرار مااشتغل غير ثلاث او اربع مرات بس

وبعد يالربع الي عنده علم عن سعر الرفارف الاماميه للباترول 97 بالقصيم لاني لقيتها بالمدينه بسعر يخلع:looney:


والسلام عليكم ورحمة الله وبركاته

[sgl2002]

اللي خربه انك ماشبكت الفرار من اول.


المفروض تشبكه ثم تدخل الطعوس

لانك اذا غرزت وشبكته وشغلت الدبل يتعرض للكسر

[. ذيب ساحوق]

طيب وش وضعه هالحين انكسر او ايش بالظبط ووش السواهـ ارشدوني يالربع لاهنتو

[رعد الفيافي]

:confused::looney:

[. ذيب ساحوق]

وين الحل يااالربع ماهي عادتكم يالمطانيخ خابركم تخلون الصعايب سهاله ومايهونون الاخوان الي ردو على الموضوع

[ls1.5700]

هي الي خربانه ماغيره
فكه ورجعه وكاله ويظبط ان شاءالله

[xp.vip]

السلام عليكم
لا يضيق صدرك ونا اخوك
المشكلة صارت معي
الفرار في ياي او سبرنق اوي مدري وش تسمونه
المهم هو اللى يسحب الفرار ويرجعه اذا فريت الفرار
المهم ان الياي هذا او السسته او السبرنق يكون منطلق
ان كان لك بالفك والربط ترى موضوعه سهل جدا
لا تفرط بفراراتك

[ls1.5700]

المشكله عندك العكس مكسور داخل الدفرنس هو الي ماسك الكفر مايلف
فكه والله يعينك وغيره ولا تعود الفرارات
هذا والله اعلم
ارجو من الله اني افدتك

[. ذيب ساحوق]

الله يعطيكم العاافيه يااخوان على المشااركه

[طيار ارضي]

يالغالي فك الفرارات وشوفها اذا سنونها متكسره غيرها واذا سنونها تمام شيك على سبرنقاتها والرفارف اذا كنت تقصد الي فيه فتحات صطبات ما يحتاج تشتريه روح لاقرب سمكري وقله يسوي لك فتحات بالرفرف الي عندك وركب الصطبات .... وبــس

[ls1.5700]

بشر وشصار على موترك انحلت المشكله او مازالت

[. ذيب ساحوق]

بااذن الله اذا انحلت المشكله ابلغكم يااخوان واكتب ماذ فعلت لكي تعم الفاايده كل الاخوان

اما الرفارف اقصد العايديه دون فتحات لان احد الرفارف قدر الله وصدمت فيه وانطعج وقلت خلني اغيره بوحد جديد على بالي زي حق الددسن 60 ريال بس المشكله سعره غالي حيل واسال الله ان لايري احد مكروهـ ودمتم بحفظ الرحمن

[sgl2002]

فك الفرارات وشغل الدبل

اذا اشتغل فمعناه المشكلة من الفرار

[YUKON_GMC]

الفرار منكسر .. ودايم تحدث ؟؟ قد صارت معي بس انا يوم غرزت وانكسر فكيته محله وركبت حق الوكاله واطلعت ؟؟

الفرارات ضعيفه ومع اللفات تنكسر

دايم خل حق الوكاله معك وذا انكسر وانت مغرز رجع حق الوكاله ترى كلها 4 مدري 6 مسامير صغيره مقاس 10

[. ذيب ساحوق]

طيب يالربع الفرار اذا انكسر خلاص ما منه فاايدهـ خمس مية ريال طارة بالهواء او كيف ؟؟

[ls1.5700]

الحمدلله انه انحلت مشكلتك
انا مااايد اللي يركبون الفراراة الي هي التحضيره
مشاكله كثيره وخاصه عند التغريز على طول تنكسر
ولا تحمل الجور

[YUKON_GMC]

خمس مية ريال رخيصه مقارنه مع اللي يركبون ب 2000 ريال ولكن الله يعوض عليك ولو الموتر مافيه رجه مع الممشى ماله داعي تركب فرارات

الفرارات اذا ماهي من النوع الغالي والمجرب والمشهود له تتكسر دايم ..

وللمزيد حول الفرارات اقرا الموضوع التالي http://www.mekshat.com/vb/showthread.php?t=506121


وبالنسبه لقولك ان الموتر يثقل في الدبل الثقيل ... ترى الثقيل فقط يقوي عزم الموتر .. حتى لو الدبل مفصول بدون عمود مجرد يقوي عزم المكينه سواء الدبل شغال او عطلان

[. ذيب ساحوق]

عز الله انها ماتتحمل الجور وانا شبه اسبوعيا مع ردميات على 90 و 100 كيلو وماتحملت معناهـ انها مالها فايدهـ ابد ابد يغير للناس الهاديه ومااظن احد معه جيب ويمشي صحراء 40
واي مطناج او مطب قوي يكسرها العوض على الله بســ