تبديل مكينه من 6 سلندر الى 8 سلندر ؟

[FaisalA]

السلام عليكم جميعا×

لدي gxr /2006 / 6 سلندر اوتوماتيك وفيه مشكلة صرفية الزيت للمحرك
واعتقد انه شنبر وان التوضيب لا بد منه×

السؤال

×هل استطيع وضع مكينة 8 سلندر بدلا من 6 سلندر ؟×

وان كنت استطيع ..

هل يتحمل القير والدفرنس هذا التبديل ؟×

واخيرا×

عند الرغبة في البيع ، هل يؤثر التبديل في قيمة السيارة ؟×

والشكر لمكشات اللي جمع الطيبين×
والشكر كذلك لمن لديه اي اضافه او معلومه تفيدني والجميع×

[GMC89]

اخوي نصيحه لوجه الله
السته سلندر اصبر واقل تكلفه وقطع غيار ارخص وسهوله تغير القطع

[Vortech]

السلام عليكم جميعا×

لدي gxr /2006 / 6 سلندر اوتوماتيك وفيه مشكلة صرفية الزيت للمحرك
واعتقد انه شنبر وان التوضيب لا بد منه×

السؤال

×هل استطيع وضع مكينة 8 سلندر بدلا من 6 سلندر ؟×

وان كنت استطيع ..

هل يتحمل القير والدفرنس هذا التبديل ؟×

واخيرا×

عند الرغبة في البيع ، هل يؤثر التبديل في قيمة السيارة ؟×

والشكر لمكشات اللي جمع الطيبين×
والشكر كذلك لمن لديه اي اضافه او معلومه تفيدني والجميع×
عليكم السلام يا مرحبا

قير الفي اكس ار يجي 5 نمر ولكن موترك 4 نمر بس...
ثاني شي لازم تغير الكمبيوتر والظفيره ... واحتمال كبير الطبلون الداخلي بعد لانه ما بيقدر يقرى ضغط الآيل حق المكينه
ثالث شي لازم ترهم اشياء ثانيه مثل كراسي المكينه وغيرها والامر ما يستاهل.

حرام ترهم وتغير في موترك وتخسر فلوسك والموتر للحين موديله حديث...

و100% راح ياثر على بيع الموتر بعدين... سلباً.

لانه كمثال لو رحت وحصلت الموتر هذا في السوق فما راح تشتريه وتترك شد الوكاله....

مووووووفق ان شاء الله

[FaisalA]

اخوي نصيحه لوجه الله
السته سلندر اصبر واقل تكلفه وقطع غيار ارخص وسهوله تغير القطع

اخوي Gmc نصيحة طيبه ، وقبلت نصيحتك ، جزيت خيرا وزوجت بكرا :good2:

[FaisalA]

عليكم السلام يا مرحبا

قير الفي اكس ار يجي 5 نمر ولكن موترك 4 نمر بس...
ثاني شي لازم تغير الكمبيوتر والظفيره ... واحتمال كبير الطبلون الداخلي بعد لانه ما بيقدر يقرى ضغط الآيل حق المكينه
ثالث شي لازم ترهم اشياء ثانيه مثل كراسي المكينه وغيرها والامر ما يستاهل.

حرام ترهم وتغير في موترك وتخسر فلوسك والموتر للحين موديله حديث...

و100% راح ياثر على بيع الموتر بعدين... سلباً.

لانه كمثال لو رحت وحصلت الموتر هذا في السوق فما راح تشتريه وتترك شد الوكاله....

مووووووفق ان شاء الله

اخوي Vortech يعطيك العافية على المعلومات اللي كنت محتاج اعرفها ، والشكر لك كذلك على النصيحة الطيبة كفيت ووفيت :good2:

السؤال الآن اين اجد ورشة ثقه في الرياض ؟

[ls1.5700]

اول شي القير مايتحمل قوة المكينه
ويلازم سنتره للمكينه على الشاصي وتركيب كراسي او رباط
ويبيلك تحويله ( بليته ) على شان تركب المكينه على القير
وتركيب ظفيره مختصره وكمبيوتر وبرمجه على الدانيو
وطرنبة بانزين
بختصار يكلفك بحدود 35000 الف
وكل يوم خراب
ابعد عن الترهيم مافيه خير خساير على الفاضي
حرام عليك تعدم موترك وهو جديد
تبي ترهم خذلك باترول قديم ورهم عليه
وتمتع

[FaisalA]

اول شي القير مايتحمل قوة المكينه
ويلازم سنتره للمكينه على الشاصي وتركيب كراسي او رباط
ويبيلك تحويله ( بليته ) على شان تركب المكينه على القير
وتركيب ظفيره مختصره وكمبيوتر وبرمجه على الدانيو
وطرنبة بانزين
بختصار يكلفك بحدود 35000 الف
وكل يوم خراب
ابعد عن الترهيم مافيه خير خساير على الفاضي
حرام عليك تعدم موترك وهو جديد
تبي ترهم خذلك باترول قديم ورهم عليه
وتمتع

كلامك اخوي ls1 ونصيحتك تطابقت مع الاخوان ، وان شاء الله سيتم العمل ، وشكرا لك على زيادة المعلومات والفائده ..

كنت اتعامل ميكانيكا مع شخص افغاني كان يشتغل بالقصيم ومن ابرز عملاءه الشيخ محمد بن عثيمين رحمه الله وانتقل للرياض له كم سنه وله كم شهر ضائع بافغانستان مارجع الله يذكره بالخير..

قبل امس مغير الزيت ، واذا شيكت على الزيت الصباح القاه ناقص بشكل عجيب رغم مراعاتي للسياره يعني مانيب راعي سرعة وقومات (هرمنا) وودي بورشة ثقه لان من نقص الزيت اتوقع لازم تتصلح سريع فمن يعرف يفيدني واللي يطلع على الموضوع ، وشكرا لكم جميعا على النصائح القيمه

[ls1.5700]

شف اخوي ان شاء الله موترك مافيه الا العافيه
اول شي تاكد من عدم تهريب بالكرتير او السره صامولة الزيت
او الوجيه للكرتير او السيفون يهرب الي هو المصفي
ثاني شي قد يكون عندك جلد البلوف تبي تغيير وهي تسبب نقص في الزيت
كيف تفحصه خل الموتر شغال مدة 10 دقايق او اكثر شوي
من ثم ادعس بانزين وناظر الشكمان اذا طلع دخان ازرق وبعد ماتشحط الموتر كثير تنقطع هذي جلد البلوف
وهي المتسببه في نقص الزيت
اما الشنبر او التخبيط الدخان ماينقطع دايم مستمر مع الدعس على السياره
والشي الاخير يمكن تحط زيت خفيف ويتبخر مع الحراره
جرب زيت التراء سفن 20+50 او زيت جي تي نفس الازوجه
هذا والله اعلم
ارجو اني افدتك

[mekshaat]

أول شئ تأكد من جلد البلوف مثل ماذكر أحد الاخوان في رده عليك وتأكد من التهريب
اذا مافيها شئ من الناحيه هذي معناها عندك شنبر وفيه ماده تحطها مع الزيت ترمم
التآكل اللي جوا المكينه ولها طريقة استخدام معينه وممكن تمشي امورك وتحل مشكلتك
بدون توضيب واذا أنت مصر انك توضب أخبر لك ورشة مهندس سعودي عنده عمال فلبينيين
جيدين وأكثر شغلهم بالتوضيب جميع انواع السيارات واذا جبت لهم قطع غيار أصلي يعطونك
ضمان 6 شهور على التوضيب ومكانهم بالرياض.

[FaisalA]

شف اخوي ان شاء الله موترك مافيه الا العافيه
اول شي تاكد من عدم تهريب بالكرتير او السره صامولة الزيت
او الوجيه للكرتير او السيفون يهرب الي هو المصفي
ثاني شي قد يكون عندك جلد البلوف تبي تغيير وهي تسبب نقص في الزيت
كيف تفحصه خل الموتر شغال مدة 10 دقايق او اكثر شوي
من ثم ادعس بانزين وناظر الشكمان اذا طلع دخان ازرق وبعد ماتشحط الموتر كثير تنقطع هذي جلد البلوف
وهي المتسببه في نقص الزيت
اما الشنبر او التخبيط الدخان ماينقطع دايم مستمر مع الدعس على السياره
والشي الاخير يمكن تحط زيت خفيف ويتبخر مع الحراره
جرب زيت التراء سفن 20+50 او زيت جي تي نفس الازوجه
هذا والله اعلم
ارجو اني افدتك

بالنسبه سلمك الله للتهريبات لاتوجد حاليا كان فيه تهريب في صفوة طرمبة الزيت الاماميه واتصلحت ورغم ذلك النقص موجود

واستخدم لها لزوجة الزيت اللي ذكرت بترومين 20+50

وابجرب طريقة اختبار جلد البلوف وعساها تطلع هي

واكرر شكري لك اخوي