برادو قطري

[mohaon]

احواني السلام عليكم
اليوم لقيت برادو قطري بطاقه جمركيه وبغيت رايكم قبل لا اشتري
المواصفات :
الموديل 2008 , فئة vx3 سته سلندر , جير توماتيك , ممشى 79 الف كيلو
لون اسود , تانكي واحد , مكيفين , مراتب جلد , فتحه , جناح , ثلاجه , دفلوك , هيدروليك , وازره وفراتات عند القير كثير ماني عارف وش هي حقه
المحركات جميعها على الشرط ولا يحتاج اي شي سوى طقم كفرات , جميع عدة الوكاله معه والكتالوج , تضليله خلفيه
العيوب :
رفرف يمين جاته دقه شالت البويه قام غيره وكاله , والدقه لم تتعدى الرفرف على قولة المهندس اللي كان معي
جينا للحوسه السعر !!
سعره 97 الف ريال ؟؟؟؟؟؟؟
وش تقولون؟ يستاهل ولا خله يصدي ؟

[عاشق القرى]

ماانصحك به غالي مره ..

خذلك فروشنر اخف واوذف .. بس لاتاخذ الا6 سلندر

تحصل نظيف بحدود ال65 موديل 7 او 8 ..

والله يكتب لك الخير ولاتنسى الاستخارة ..

[mohaon]

جزاك الله خير اخوي
بس الفورشنر مالي فيه ابد , انا قلت بعد ما اشوف نصايح الاخوان هنا واذا قالوا ماينفع فاني بقلب على فورد اكسبلور
تصدق لي اكثر من ثلاث اشهر ادور وافحط على ذا البرادو واسعاره نااااااااااار موديلات قديمه بالسبعين و 2007 ليس فل وانما ربع فل ب 85 الموتر الوحيد اللي لقيته بهالمواصفات هو ذا الاسود يوم ركبت الموتر حسيت اني راكب موتر طالع من الوكاله , مرتب كهرب ودلع ممشاه عاجبني لكن لونه غاثني لكن مواصفاته فل الفل وحاس انه غالي , واقول في نفسي يمكن الموتر يستاهل , فانا متبرجل وغشيم في المواتر فقلت مالي الا الاخوان هنا اكثر خبره وهم اللي ان شاء الله بيزيلون عني التردد يا اشتري يا اقلب , والاستخاره ولله الحمد مرتين ثلاث في اليوم بس ما بين معي شي

[عايش اللحظة]

اسمع وانا اخوك السيارة من ناحية غلاء فهي غالية لكن الغلاء ما هو في السيارة هذه بس الغلاء في السوق كلة شوف 2009 كم وصل وبعدين انت رجال قناي ما انت شريطي وانا اشوف ان القيمة مقبولة لكن اللون الاسود حاول قدر المستطاع انك تبعد عنه حتى لو دفعت اكثر

[mohaon]

اخوي عايش اللحظه فعلا كلامك صح كلش غالي
تصدق يوم الخميس اللي طاف في معارض الشفا برادو موديل 97 مسيوم قدامي من واحد شايب ب 35 الف وجلس يفحط عند راعيه يبيه يبيعه ولا قبل
فعلا اللون الاسود كثير قالولي ابعد عنه ونصحوني باللؤلؤي , بس وين تحصل نظيف مواصفات واللون اللي تبي , واهم من كذا حاس انا ان سعره مبالغ فيه صح اني شراي مو شريطي بس بالمعقول

[كثير السؤال]

قطر يكسرون السيارات افحص مظبوط قبل الشريه

[الشامخ 66]

كانك صامل على البرادو عندي برادو نضيف مره

[mohaon]

هلا اخوي الشامخ
صامل شديييييييييييييييييييييييييييييييييييد
بقولك وش اللي ابي بالزبط
الموديل من 2005 وفوق - نظيف - ممشى قليل - مافيه سمكره نهائيا
سته سلندر-قير توماتيك- تانكيين اسبير علاق - فتحه - ثلاجه - لونه مقبول

[mohaon]

قطر يكسرون السيارات افحص مظبوط قبل الشريه

يعني قصدك يكرفونها ؟

[أبو هشام راشد]

اخوي mohaon ربي يوفقك باللي فيه الخير لك

[الشامخ 66]

عندي 2009 لؤلؤي سته سلندر ماشي 24000الف

[mohaon]

عندي 2009 لؤلؤي سته سلندر ماشي 24000الف
وش مواصفاته؟ السعر؟

[الشامخ 66]

سعودي بديه مافيه شي
ثلاجه كشافات جنوط كروم 17 خطوط جناح مسجل سيدي وكست وبلوتوث مكيفين
سيم بي 117000

[mohaon]

مساكم الله بالخير

اليوم لقيت موترين

الاول

2006 , سعودي , لون كحلي , فتحه , جناح , هيدروليك , مراتب مخمل , ثلاجه , اشارات على المرايا الجانبيه , يعني جميع مواصفات الفل كامل ماعدى الجلد , بودي بلد , ومحركات ميه ميه , ممشى 105 الف ,,, السعر 75 الف , وراعيه يقول لو فيه ادنى شيء يتكفل بقيمة الفحص

الثاني
مثل ذا الصوره بالزبط, مع الاعتذار لراعي الموتر ,

http://im24.gulfup.com/2012-06-21/1340257535661.jpg

المواصفات

2008 , لون عنابي , كويتي تانكيين اسبير علاق , فتحه , بدون ثلاجه , مراتب مخمل , ازرار تحكم في الطاره , بودي بلد ومحركات ميه ميه , ممشى 79 الف ,,, السعر 95 الف

ما الرأي جزاكم الله خير ؟؟؟؟؟؟؟

انا بريح الثلاث ايام الجايه لاني انهلكت من الفرفره في المعارض , بياعين البليه صاروا خوياني ضحك وسواليف على كيف كيفك , حتى اني صرت ما احس بالغربه وانا في المعارض كني قاعد في البيت , الشريطيه يناظرون بنص عين يحسبوني نيو شريطي , فكيت زحمة مرور مرتين , فارعت في مطاقه واصلحت بينهم , والحمد لله يمكن نص المعارض صليت فيها , يعني خلاص قربت اصير شريطي باقي خطوه وحده بس... اني اكذب !!!!!!

[PATHFINDER 4]

ههههههه الله يوفقك وييسر امرك ويرزقك الموتر اللي تمناه
البرادو ماشاء الله من اكثر المواتر اللي تمسك السعر وكل ريال فيه مب حسوفه ابد

[Topstars]

مساكم الله بالخير

اليوم لقيت موترين

الاول

2006 , سعودي , لون كحلي , فتحه , جناح , هيدروليك , مراتب مخمل , ثلاجه , اشارات على المرايا الجانبيه , يعني جميع مواصفات الفل كامل ماعدى الجلد , بودي بلد , ومحركات ميه ميه , ممشى 105 الف ,,, السعر 75 الف , وراعيه يقول لو فيه ادنى شيء يتكفل بقيمة الفحص

الثاني
مثل ذا الصوره بالزبط, مع الاعتذار لراعي الموتر ,

http://im24.gulfup.com/2012-06-21/1340257535661.jpg

المواصفات

2008 , لون عنابي , كويتي تانكيين اسبير علاق , فتحه , بدون ثلاجه , مراتب مخمل , ازرار تحكم في الطاره , بودي بلد ومحركات ميه ميه , ممشى 79 الف ,,, السعر 95 الف

ما الرأي جزاكم الله خير ؟؟؟؟؟؟؟

انا بريح الثلاث ايام الجايه لاني انهلكت من الفرفره في المعارض , بياعين البليه صاروا خوياني ضحك وسواليف على كيف كيفك , حتى اني صرت ما احس بالغربه وانا في المعارض كني قاعد في البيت , الشريطيه يناظرون بنص عين يحسبوني نيو شريطي , فكيت زحمة مرور مرتين , فارعت في مطاقه واصلحت بينهم , والحمد لله يمكن نص المعارض صليت فيها , يعني خلاص قربت اصير شريطي باقي خطوه وحده بس... اني اكذب !!!!!!

الله يوفقك اخوي Mahaon
والله قطعت بطني من الضحك عالعموم البرادو سيارة حلوة بس انا أِشوف انك ماشاء الله شريطي ونص بس ناقصك زي ماقلت الخطوة الأخيرة...اتوقع لو تروح الشارقة بتحصل سيارات كثيرة وبتحصل بالسعر اللي يناسبك لو ماتقدر تروح للشترقة انا أعرف واحد في الأمارات يشتغل في السيارات وخذت منه باص قبل 9 شهور أتوقع انه يقدر يخدمك بس وقت الشراء لازم تروح وتشوف السيارة وتجربها. دامك قاعد تدور برادو نصيحة غير ال 2010 VX لا تدور وتتعب بعده.

الله يوفقك دنيا واخرة

[اتجاه السحاب]

إذا يهمك الرساوة والراحة لا يقربك ..
أنا معي الآن برادو ٢٠٠٨ مليت منة متعبة قيادتة بالطريق إذا كان فية هواء والراحة غير مريح بالنسبة للباترول
والغلطة الكبيرة إني شريته عقب الباترول

[خلاوي3]

أنصح باللون الابيض او الذهبي لأن يتحمل الشمس ، خابر لك 2007 خليجي نظيف

[ابوعبدالله 00]

اخوي صراحه موتر حلو اذا تبي ٢٠٠٩ لؤلؤي ماشي ٤١ الف وعندي ذهبي ماشي ١٤٠ هذا رقمي ٠٥٥٥٢٦٢٢٢٧