برادو قطري

[mohaon]

احواني السلام عليكم
اليوم لقيت برادو قطري بطاقه جمركيه وبغيت رايكم قبل لا اشتري
المواصفات :
الموديل 2008 , فئة vx3 سته سلندر , جير توماتيك , ممشى 79 الف كيلو
لون اسود , تانكي واحد , مكيفين , مراتب جلد , فتحه , جناح , ثلاجه , دفلوك , هيدروليك , وازره وفراتات عند القير كثير ماني عارف وش هي حقه
المحركات جميعها على الشرط ولا يحتاج اي شي سوى طقم كفرات , جميع عدة الوكاله معه والكتالوج , تضليله خلفيه
العيوب :
رفرف يمين جاته دقه شالت البويه قام غيره وكاله , والدقه لم تتعدى الرفرف على قولة المهندس اللي كان معي
جينا للحوسه السعر !!
سعره 97 الف ريال ؟؟؟؟؟؟؟
وش تقولون؟ يستاهل ولا خله يصدي ؟
انا حاط ذا الموضوع في معرض تويوتا وقلت خلني احطه هنا مرة ثانيه هنا , فاذا كان هذا الشيء مخالف فارجو من الاداره انها تختار لها واحد من الموضوعين وتقوم بحذفه, مع الاعتذار

[mohaon]

ردوا علينا يالربع

[إبن الحجاز]

تقريبا هذا سعره يزيد او ينقص..

ولكن لو كان انا المشتري ما اخذته..
لان الشكل الجديد افضل منة.

[مخترع]

خذه ولاتشاور
2008 افضل من الجديد
وبعدين في هالمواصفات يجي تانكيين بنزين
وثلاجه لكن تاكد

[mohaon]

اخوي ابن الحجاز
الشكل الجديد ماهضمته مع ان داخليته اتوقع انها افضل من القديم مدري تراني ما جربتهم بس اشوفهم صور
اخوي مخترع
الاستبنه جايه تحت فاكيد انه تانكي واحد بالنسبه للثلاجه موجوده , بس ما كنه غالي ؟

[ابوصنهل]

انا اشوف ان سعره مناسب جداً في ظل الأسعار المرتفة في سوقنا الموقر ..

أستخر ربك .. وتوكل على الله ..

[PRADO VX]

وعليكم السلام
اخوي سعره جدا مناسب ..
لو نزلت للمعارض وشفت الأسعار ما تشاورت فيه
مبروك مقدما ً

[اتجاه السحاب]

غااالي على مواصفاتة ونظافتة

[سيوف الدهناء]

غاااالي
فيه رفرف
ولونه أسود

ورايي لك الدفك وال وال
مواصفات الفل الكامل
متعبة بالصيانة

وفقك الله

[mohaon]

مساكم الله بالخير

اليوم لقيت موترين

الاول

2006 , سعودي , لون كحلي , فتحه , جناح , هيدروليك , مراتب مخمل , ثلاجه , اشارات على المرايا الجانبيه , يعني جميع مواصفات الفل كامل ماعدى الجلد , بودي بلد , ومحركات ميه ميه , ممشى 105 الف ,,, السعر 75 الف , وراعيه يقول لو فيه ادنى شيء يتكفل بقيمة الفحص

الثاني
مثل ذا الصوره بالزبط, مع الاعتذار لراعي الموتر ,

http://im24.gulfup.com/2012-06-21/1340257535661.jpg

المواصفات

2008 , لون عنابي , كويتي تانكيين اسبير علاق , فتحه , بدون ثلاجه , مراتب مخمل , ازرار تحكم في الطاره , بودي بلد ومحركات ميه ميه , ممشى 79 الف ,,, السعر 95 الف

ما الرأي جزاكم الله خير ؟؟؟؟؟؟؟

انا بريح الثلاث ايام الجايه لاني انهلكت من الفرفره في المعارض , بياعين البليه صاروا خوياني ضحك وسواليف على كيف كيفك , حتى اني صرت ما احس بالغربه وانا في المعارض كني قاعد في البيت , الشريطيه يناظرون بنص عين يحسبوني نيو شريطي , فكيت زحمة مرور مرتين , فارعت في مطاقه واصلحت بينهم , والحمد لله يمكن نص المعارض صليت فيها , يعني خلاص قربت اصير شريطي باقي خطوه وحده بس... اني اكذب !!!!!!

[أبوبشير العنزي]

لاتستعجل سعره غالي في قطر المفروض ارخص من كذه قطر معروفة برخص الجيوب غريبه في شي؟!!!!

[FAHAD - 506]

هههه ^^^ الله يعينك ويسهل عليك يفيدونك من لهم خبره في البرادو

[راعي طفات]

الرجال اشترى الموتر الكحلي

الله يبارك له فيه ويعطيه من خيره ويكفيه شره