ارجو المساعده بخصوص شوزن ام حبه ( ام سيلان ).

[هزاع المطيري]

السلام عليكم ورحمه الله وبركاته
اخواني ابي مساعدتكم
ودي اشتري لي ام سيلان مستعمله
ووش الفشق الزين لها




يمنع منعاً باتاً التطرق إلى الاسعار
مشرف الخيمة رحال

[هم الشمالي]

هلابك اخوي هزاع ام سيلان من الشوازل الطيبه ونا انصحك بها ولا تعداها وحسن فشق لها 36 او 32 وفشق النص مايركب عليها لانه صغير اتمنى اني افدتك

[بارق الحفن]

36-32
أحسن شئ
وفالك الصيد

[ابو جوااهر]

السلام عليكم ورحمه الله وبركاته
اخواني ابي مساعدتكم
ودي اشتري لي ام سيلان مستعمله
ووش الفشق الزين لها


الله يمسيك بالنور والرضى

اخوي اذا تبي تشتري ام سيلان ام سيلان تجي نوعين ام سبع ابر وام اربع ابر الي يفضلونها الناس ام سبع ابر

زي ما قالو الاخوان 32 و 36

اخوي فشق النص ما يركب عليها بس فيه قطعه ممكن انك تحصلها بالقصيم تركبها ببيت النار تصير تلقم فشق نص واذا بغيت ترمي بفشق شوزن تشيل القطعه هذي

تقبل مروري

[جذآآآب]

طيب يا خوان كيف اعرف ام سبع ابر وام اربع ابر
وين مكانهم بالبندقيه علشان اعرفهم

[هزاع المطيري]

مشكورين علا اللافاده وما قصرتو
بس وش نوع الفشق الزين لها ووش لونه

[shabah]

الله يمسيك بالنور والرضى

اخوي اذا تبي تشتري ام سيلان ام سيلان تجي نوعين ام سبع ابر وام اربع ابر الي يفضلونها الناس ام سبع ابر

زي ما قالو الاخوان 32 و 36

اخوي فشق النص ما يركب عليها بس فيه قطعه ممكن انك تحصلها بالقصيم تركبها ببيت النار تصير تلقم فشق نص واذا بغيت ترمي بفشق شوزن تشيل القطعه هذي

تقبل مروري



السلام عليكم ورحمة الله

ابو جواهر

على حسب علمي ام سيلان ماهي ام سبع ابر الله يغفرلك

[السلطان2011]

ام سبع ابر انقليزية من شركة ونشسز

ام سيلان امريكية مت شركة ونشسز

الفرق واضح

افضل فشق اﻷرسي اﻷصفر 7.5 32

بس احسب حساب الندف

[القداااااح]

خذ ضغط 36 وعندك كاكا القديم وعند ميراج وعندك ال بيبي

[أبو محمد....]

بداية
السلام عليكم

توضيح بسيط

ام سبع ابر انجليزية من شركة ونشستر

ام سيلان امريكية من شركة ستيفينز الامريكية


بالنسبة للفشق عندك الارسي 32 7.5 الاصفر

والكاكا 36 6 الازرق

اتمنى اني افدتك

[ستيفنزالقصيم]

عندك الامبروا جدا رائع لها36.6او7.5

[ابو جوااهر]

الله يعطيكم العافيه على التوضيح
وبيض الله وجيهكم
بس الي انا اعرفه ان ام سيلان امريكيه وتجي نوعين نوع سبع ابر وشلون تعرفها عليها سبع خطوط
والنوع الثاني ما يجي عليها خطوط بعض الشباب من اخويانا يسمونه ام اربع ابر وممكن تختلف التسميه من اشخاص وا اشخاص

بس المفضله ام سبع ابر

ومشكورين على التوضيح

[السلطان2011]

شكرا على التصحيح يا أبو محمد

[ابو جوااهر]

المهم اخوي السلطان 2011
اذا غلطت المعذره وجلى من لا يخطاء
المهم اخوي كم ماصورتها وكم انش وسع الماصوره

شف كم وسع الماصوره 3 انش ولا 2ونص وكل ما ضاقت الماصوره يكون افضل

[أبو محمد....]

السلام عليكم

اخوي ابو جواهر والسلطان ٢٠١١ شكرا على تفاعلكم والشرف لي بردي عليكم

ام سيلان تجي بــ ٣ أنواع للمواصير
١- ٣٠ انش
٢- ٣٢ انش
٣- ٣٦ انش

سعة حجم بيت النار 3/4*2

يعني انها ترمي تقريبا إلى ضغط ٤٦

لكن تخوف جميع ملاكها من رمي هذا الضغط بها خوفاً من انفجار الماصورة الله يكفينا الشر
وحرارة رميها تغنيك عن الضغوط

اما بالنسبة لانها تجي نوعين لا علم لي بهذا

أتمنى إني أفدتكم

ان اصبت فمن الله و إن أخطأت فمن نفسي والشيطان

[Messerschmitt]

باختصار شديد

المسيطر على سوق ام وحده نوعين من الشوازل

الاولى : ستيفنز (ام سيلان)

تحصل عليها خطوط فوق السبطانه من اولها الى نصف الماصوره.

الديك (ابرة الرمي) يجي امام قفل الماصورة.

الثانية: ونشستر (ام سبع ابر)

تجي على جمب الماصوره سبع خطوط صغيره.

الديك (ابرة الرمي) يجي خلف قفل الماصورة.

الاداء:

اداء البندقين ممتازه ولا افضل اي منها على الاخرى.

الفشق المناسب:

RC sipe

32/6

[س ل ط ا ن sul]

ما قصروا الأخوان أفادوك

[ابوتركي83]

السلام عليكم ورحمة الله وبركاته
ام سيلان موديل 94 تجي 2.3/4 و3 انش
وسلامتكم.

[دوااس الظلمى]

أنصحك لاتفوتك أم سيلان تراها طيبه مره وصيدها مايروح بأذن الله مرمى كايف عندي وحده لها أكثر من 15سنه وأستخدم كل أنواع الفشق مايضرها ولو يعطوني عشر الاف ماأبيعها ورخصتها كمان وتقبل مروري

[ابو جوااهر]

اخوي هزاع المطيري ولا يهونون الربع

وانا اعرف بام حبه وحبيت اتدخل معك بالموضوع لعلي اقدر افيدك بشي بتسميها لقافه بتسميه اي شي انت ابوه وسمه :D

لاني سالت واحد من الشباب اليوم اعلم مني بهالامور
قلت له ام سيلان مو هي ام سبع ابر قال لا فيه ناس تسمي ام سبع ابر ام سيلان لانه مشابهه له بس بالاساس ام سبع ابر من شركه وام سيلان شركه ثانيه

فالمعذره يا جماعت الخير اني اخطيت وحقكم علي وابشرو بالحق

وجلى من لا يخطاء

عاد انا جيت مدرعم مطفي النوووووووووووور :D

[م ا ج د]

ام سيلان يجي الديك امام اللي يفهق الماصوره

[القنص عشقي]

ياجماعة مساكم الله بالخير

لو سمحتو عند سؤال مهم جدآ
عندي أم سيلان موديل 94 خشبها لون الكاكو
مشتريها تو مالها شهر معي
ابسأل عنها هي أم مسحل اللي يقولون عنها
أفيدوووني والفشق رقم كم اللي أرمي في هو 36 او32
والله يسعدكم جميع أخوكم أبوجمال

[الشيخ الظريف]

ام سيلان وأم سبع ابر كلاهما صناعة امريكيه ولكن من شركتين مختلفتين00ولعدم معرفة الناس بالقراءه للغه الانجليزيه يقومون بعد الشرطات والتي عددها سبع شرطات تفصل بين الكلمات ويسمونهاا ابر لأنهم سابقا لا يعرفون الشرطه باللغة العربيه ويسمونها انجليزيه وهي امريكيه من شركة ونشستر التي لا تزال تصنع00 وتتفوق ام سبع ابر على جميع البنادق بالسوق ولكنها ترجف وكذلك ابرتها معقده من الصعب اصلاحها000اما ام سيلان فمن السهوله اصلاح ابرتها00هذا ما لدي من تجربه وشكرا