أفضل شوزن تركيه على الأطلاق

[الشرطه]

السلام عليكم ...

عن تجربه AKM (ميراج سابقآ) هي أفضل شوزن صنعت في تركيا
مميزاتها خفيفه رمي حار قليلة الأعطال ملقاط واحد
فقط ماعليك الأ تتوكل على الله وركب شوك رقم 2

... تقريبا جربت اغلب الشوازن التركيه فرسان القديمه والجديده
والرد ولف وام بطه وام ذيب واوسكار والهقلو واليزدك وسردار
واسكورت وارتميس ... الموسبيرغ يمكن هذا اسمها ماجربتها والمكسيما ايضآ
وجاري البحث عن ستوقر 3500 لأقتنيها ومقارنتها مع الميراج


حاليآ املك 3 انواع منهن ترايستار وبلاك ولف والـ AKM
البلاك ولف احبهن لقلبي لكن الميراج افضل بالآداء هذا والله أعلى وأعلم ،،

[هولوكس2005]

السلام وعليكم ورحمة الله وبركاته
لاوسكار وش وقعه ام ثمان

[قرناس حوران]

السلام عليكم ورحمه الله وبركاته
اخوي الشرطه حياك الله البنادق التركيه اشتهرن في الفتره الاخير بالرمي والسوق والحراره
وانا من فضل الله امتلك وحده ارثمس وتراها جديده علي مارميتبها الا دستتين ولا ازود على كلامك شي بس ليتك تزودنا بمعلومات عن الارثمس بحيث انك تمتلك وحده وليش انت صنفت الميراج بينهن
وشاكر لك ومقدر

[shabah]

السلام عليكم ورحمة الله وبركاته

افضل سوجل على الاطلاق افضل سوجل على الاطلاق

يا جماعة الخير ما في شي اسمه افضل سوجل على الاطلاق

هناك منافسه قويه جدا جدا جدا من بين اعرق شركات الاسلحه

ولا يمكن لاحد ان يقول ان هذه افضل سوجل ولا احد يستطيع ان يحدد

حتى خبراء الاسلحه في حيره

حتى السواجل التركيه بدأت تنافس وبقوه

تحياتي

[الشرطه]

هولوكس2005 .. وعليكم السلام ورحمة الله وبركاته
الاوسكار فيها خشونه بالسحب والتلقيم حديدها الداخلي لك عليه
ومنظم الغاز ردي الافضل تبديله عند اي مخررطه

[الشرطه]

قرناس حوران ... وعليكم السلام ورحمة الله وبركاته
ارثميس ممتازه رميت بها تجربه ولاعليها فيه شريطي
اساله عن الستوقر 3500 يقولي فيه اطيب منها
قلت له وشهي قالي ارثميس والبندق للحين محد جربها
والحلو فيها ان قطع البنلي تراكبها ..

عندي اكستريم400 وقع الحلبي بشوزن الميراج افضل منها
مع انه الاكستريم استخدمت شوك 1 والميراج شوك 2
وهي وجهة نظري ،،

[قرناس حوران]

قرناس حوران ... وعليكم السلام ورحمة الله وبركاته
ارثميس ممتازه رميت بها تجربه ولاعليها فيه شريطي
اساله عن الستوقر 3500 يقولي فيه اطيب منها
قلت له وشهي قالي ارثميس والبندق للحين محد جربها
والحلو فيها ان قطع البنلي تراكبها ..

عندي اكستريم400 وقع الحلبي بشوزن الميراج افضل منها
مع انه الاكستريم استخدمت شوك 1 والميراج شوك 2
وهي وجهة نظري ،،
الله يعطيك العافيه وشاكر لك اخوي

[قناص الأشهب]

وش تقييمك للأستوقر 2000 وش حصلت منها من عيوب بما انك جربتها

[الشرطه]

قتاص الاشهب ..
شريتها مستعمله ولاجازلي رميها استخدمتها في طيور الربيع قبل موسمين
ارميه اللي في بطن البندق والصيد لايذكر .. شريت وحده بقراطيسها وبعتها
ماكملت دستين الجديده لاحضت نثر الفشق 85٪ من يسار الهدف ..
عموما ثنين من عيال عمي كل واحد عنده فرسان القديمه ومتجودن فيها
واكيد انهم مقتنعين فيها ،،

[ستيفنزالقصيم]

هلا اخوي الشرطة...انا معي تركيه ترايستار حدثنا عنها ووش افضل تشوك لها ..ووش رايك فيها

[الشرطه]

هلابك اخوي ستيفنز طيبه بالحيل مايحتاج
والظاهر ام بطه مقلده عليها
الشوزن مقطوعه من السوق انصحك لاتفرط فيها
اللي عندي سيمت قبل فتره فوق 7000
فقط تحتاج تنظيف مستمر بالتوفيق ان شاء الله ،،

[تربة الشمال]

انا عندي كورال ارمس فايبر ام بطه فيبروالثانيه برضه كورال ارمس خشاب وكلهن طيبات عندي من العام الماضي ودسمن شنبي وبيضن الوجه عند اخوياي حرارة رمي وسوق الهوايل الله يكفيني شرهن

[falconry_q8]

السلام عليكم

عندي شوزن سردار مقنم سبطانه ٣٠ انش

شنو يركبلها قطع غيار

وشلون اداء الشوزن

انا جربته مره يحذف الفشق ومره يلك ومره تنحشر الفشقه داخل السبطانه

حاشتك هالمشكله من قبل ؟

[ااااابو فيصل]

ابشركم انا شريت استوقر موديل 2000 وللحين ما ركبتها والله يعطيني خيرها ويكفيني شرها ومسكت بتوصية قرناس حوران انا فديته وش رايكم فيها يالربع وكيف احافض عليها وش الي يصلح لها من الفشق
الله يحفظكم ويبارك لكم فيما تملكون

[الحا ير]

السلام عليكم ...

عن تجربه AKM (ميراج سابقآ) هي أفضل شوزن صنعت في تركيا
مميزاتها خفيفه رمي حار قليلة الأعطال ملقاط واحد
فقط ماعليك الأ تتوكل على الله وركب شوك رقم 2

... تقريبا جربت اغلب الشوازن التركيه فرسان القديمه والجديده
والرد ولف وام بطه وام ذيب واوسكار والهقلو واليزدك وسردار
واسكورت وارتميس ... الموسبيرغ يمكن هذا اسمها ماجربتها والمكسيما ايضآ
وجاري البحث عن ستوقر 3500 لأقتنيها ومقارنتها مع الميراج


حاليآ املك 3 انواع منهن ترايستار وبلاك ولف والـ AKM
البلاك ولف احبهن لقلبي لكن الميراج افضل بالآداء هذا والله أعلى وأعلم ،،


نطلب منك أخي الكريم شرح مفصل عن كل نوع مواصفات وعيوب الشوزن

[عاشق هدد 6]

انا انصح بستوقر 2000 صرحه شوزن رميهاا حار ولا يوجد بها خربات

[ابو صقر 111]

مثل ما قلت لك بالسابق اقرب من الخوف تامن 000ومعي ام بطه جديده 30 انش الاحظ عليها عندما استمر بالرمي اكثر من عشر طلقات تميل لليمين 000فهل جربتها 00لك تقديري