تقطيع في باترول99 بعد ما تمسك فيه خط

[ابوبدرالعريمه]

السلام عليكم ورحمة الله وبركاته...أخواني باترول موديل99 اذا مسكت فيه خط ودخلت المدينه وتنقلت من محل الى محل تبداء مشكلة التقطيع عندما احرك الموتر بواحد او اثنين يعني تحس الموتر يبداء يرجف او ازود السرعه وهو واقف تجيه المشكله وزنتة ابلوف غيرت بواجي فحصت كمبيوتر ما فيه فايده اذا مسكت خط رجع الموتر طبيعي نبي مشورتكم

[ls1.5700]

غير البانزين حطه 91 ونظف الفلتر حق الهواء
وغير الصفايه او نظفه ونفخه وشوف كانه مسكره
استبدله بصفايه اصلي
ياليت توضح لنا هو بخاخ ولا كبليتر

[ابوبدرالعريمه]

هلا بك الموتر بخاخ وغيرت البنزين 95وتحسن بعض الشئ ولم تختفي

[sgl2002]

طيب الحركه هذي والبنزين ع الربع والا فل

تاكد

لان البنزين لما يكون قليل والطرمبة ماتلقى مايبردها وهي حامية فتسبب المشكلة

ايضا بلف الراجع يسبب نفس المشكلة لكن يحصل تعليق في الدعسه

[ابوبدرالعريمه]

جته المشكله باقي أقل من الثلث المهم وقفت عند المحطه بعبي بنزين ويقوم لك انبير الكمبرسر يرتفع وينزل وتنخفض سرعة المكينه لين طفئ شغلته اشتغل والسرعه تزيد وتنقص من حالها أول ما عباء صفى الموتر مشيت عليه احسن من أول بشئ بسيط

[ls1.5700]

االله والعالم ان المشكله الي عندك في البخاخات
او واحد منهم مبطل مو شغال او ضعيف او مسكر من الشواب
اول شي انت بنفسك افحصهم شغل السياره وفك الفنش حق البخاخ
واحد واحد انتبه مو كلهم وشوف واسمع صوت المحرك يتغير مع فك البخاخ
او لا - بس ركز ونت تفك فنش البخاخ لاحظ صوت المحرك او الشكمان او ارتعاش او اهتزاز المحرك
اذا صار كل الي ذكرته معناته البخاخات سليمه
واذا تفكه مايتغير شي يافصلت الفنش فانه هو العله فكه بنفسك فكه سهل
فيه مشكبيه حديد نص حلقه زي الكلبس نقزه بسكروب وفك الخاخ بيدك يمين يسار مع سحب فوق
يطلع معك وحذفه طول يدك
اذا كان الي ذكرته كله تمام وفاحصه مفيه شي
ترجع لفحص الثروتيل وحساس القربه الي في خرطوش الهوى
اذا كانو كلهم تمام ارجع للهات يمكن فيها اوساخ او كربون نظفها
وان شاء الله تنحل امورك

[sgl2002]

ابو بدر

حط ببطنك بطيخه صيفي وارتاح


الباترول اذا وصل البنزين ربع تحتر الطرمبة ويقوم يقطع ويلعب عداد الضغط

وتطفيه وتعبيه بنزين يضبط

فارتاح

بس تاكد من بلف الراجع ان مابه مشكلة

[ابوبدرالعريمه]

شكرآ لكم جميعآ

[ابوبدرالعريمه]

اSgl2002مشكور وماقصرت وفعلآ اذا جاء حول الربع جته المشكله طيب لو اغير الطرمبه يضبط وتقبل تحياتي×

[sgl2002]

^^^
لا لاتغيرها

انا غيرتها وما استفدت

هذي الطرمبة الكهربائية اذا احتمت والبنزين قليل تبدا تقطع

لان البنزين هو اللي يبردها

وعلى فكرة ترى المشكلة بعد تصير لو كان البنزين ربع وانت لفيت لفة طويلة او فوية زي كبري او مديور

فالبنزين يبعد عنها فتحمى ويقوم الموتر يقطع

[ابوبدرالعريمه]

المشكله تجي لما أجي احرك من عند اشارة يبداء الموتر يتفتف وينزل انبير الضغط وكذالك اذا وقفت ودعسة دعسه خفيفه يبداء ينتفض ادوس قوة تروح