★۞★(( مامعنى صايد ومعنى صايد الثلاث)) ★۞★

[(هزاع)]

السلام عليكم ورحمة الله وبركاته
تكثر المصطلحات في لغتنا ولهجاتنا ومسمياتنا
ماشاء الله نحن نعيش بالجزيره العربيه وكل منطقه يعرف الرجال من يوم يتكلم من لهجته اوحتى بطريقة لبسه
قبل فتره كان لي موضوع حول المثلوثه
وهل الخليج يسمونها تبع بحريه
اليوم الموضوع
(صايد وصايد الثلاث)
وهل لاصاد طيري ارنب بريه فقط او كروان فقط او اي طير بري من المهاجر مايطلق عليه صايد
وهل لازم ولابد ان يصيد طيري الحبارى خص بالروض لاجل اطلق عليه مسما صايد مع العلم ان به طيور مهاجره ااااكبر من الحبارى
او انه لاصاد طيري طير مهاجر او ارنب اطلق عليه صايد
وهل لازم ان نتفق على مسمى واحد بكل مناطق المملكه ودول الخليج

[شليويح511]

السلام عليكم الطير اليا صاد الحبارى بالروض يقاله صايد اما ليا صرت فاكله حبارى وذبحها تعتبر علمه ولا يعتبر صايد واما اللي يقاله صايد الثلاث هو اللي صاد الحبارى والكروان والارنب وسلامتكم

[(هزاع)]

ولاصاد ياشليويح طيري من ذالطيور المهاجره اللي اكبر من الحبارى
اقول ماصاد
والارنب تهقا انها مهي من الصيد والكروان مهو من الصيد والبط المهاجر مهو من الصيد
اما صايد الثلاثه
معروفه لاكن لاصاد غيرها اكماه ولا اقوله
وش تقولون ياهل العرف

[ربع خالي]

وعليك السلام ورحمة الله وبركاته

هلا يابو مشعل
من عرفنا الطير ونقلته ! الـطـيـر له ثلاث صيدات معروفه
وغيرها تكون خارجه عن المعتاد
وقولت الـطـيـر صايد ! ماهي باللازم انه صايد الثلاث وأيظا مـا هو باللازم انه يجب ان يكون صايد حباري لجل ان قلت صايد فهو صايد حباري .
اليا قلت صايد ! يجب اتبعها بتحديد الصيده اللي صايدها
أما اليوم فجت صقارة الالفيه الجديده ، ولا تستغرب شي فيها يابو مشعل
أما مسميات الطيور ! فهيه قديمه في الخليج ولا فيها أي حرج .
تقبل مروري

[شليويح511]

طال عمرك كلها صيد ولاكن يجب انك تحدد وشهي الصيده ..نفرضطيرك صاد سمانه وجاك واحد يبي يشري الطير تبي تقوله طيري صايد . طبعاً لا ولكن راح تحدد وش صاد طيرك كذالك البط والطيور الاخرى المهاجره لانه ماكل طير هد على البط والطيور المهاجره راح يهد على الحبارى .

[باترول هدد]

وعليك السلام ورحمة الله وبركاته



هلا يابو مشعل
من عرفنا الطير ونقلته ! الـطـيـر له ثلاث صيدات معروفه
وغيرها تكون خارجه عن المعتاد
وقولت الـطـيـر صايد ! ماهي باللازم انه صايد الثلاث وأيظا مـا هو باللازم انه يجب ان يكون صايد حباري لجل ان قلت صايد فهو صايد حباري .
اليا قلت صايد ! يجب اتبعها بتحديد الصيده اللي صايدها
أما اليوم فجت صقارة الالفيه الجديده ، ولا تستغرب شي فيها يابو مشعل
أما مسميات الطيور ! فهيه قديمه في الخليج ولا فيها أي حرج .

تقبل مروري



كلام سليم
100%

[(هزاع)]

ههههههههههه
ياشليويح المناقشات دروس وناخوك
تخبر شيبانا يوم يقولون لنا ذي وش جرته
تهقا انهم مايعرفوها
مقصدهم دروس الله يرحمهم

[ابو محمد1111]

كلام اخوي الربع الخالي سليم

و انت يا ابو مشعل مدرسة نتعلم منها

[هاوي الصلفات]

السلام عليكم ورحمة الله وبركاته
حياك الله اخوي ابو مشعل وسلمت على هذا الموضوع الى اتوقع هو للفايده والايضاح
اولاً اعتقد ان الطير لا صاد صيده اقل في الاهمية من الحبارى والكروان والارنب ما راح تضيف له الكثير عند اي صقار خبير
لأنها ليست من الطرائد الاساسية التي نشئت عليها الصقاره
ولأن كل صقار يصقرفي الوقت الراهن كي يضفر بهذه الطرائد الثلاث الجزلة عموماً
والحبارى خصوصاً لأنها تمثل العقبه الاكبر من هذه الطرائد والاصعب
والاندر بسبب قلتها وقل الطير الذي يصيدها وهي بمثابة الحلقة الاخيرة من بطولات الطير الطيب .
لكن هناك طرائد مثل الحبرو لوصادها الطير لكان فوز ونصر كبير للطير وصاحبه
وصيده جزله تحسب للطير وهي نادره .
ولا تقارن صيدة الطير للغرنوق مثلا او الحويمه او السمان كصيده ماسبق ذكره من طرائد .
اسف على الاطاله وارجو ان اكون قد افدت

[القنــ أبو تركي ـــاص]

صباح الخير عليكم جميعاً

وحياك الله يـ ابو مشعل

طال عمرك هذي الكلمه تعلقت بنوع واحد من الطيور وهي الحرار

ومجرد ما ينطق كلمه صايد ..نترجمها حنا بإنه صايد الحبارى ..

يعني ضمنت الغداء او العشاء ههههههههههه فهو صاد الطير الحبارى وانت اكلت من صيده

طبعاً ينطبق الكلام على صايد الثلاث ..لانك واقصد الانسان ياكل الارنب وياكل الكراوين وياكل الحبارى

وتشتهيها النفس ...لكل قناص ------> فهمتو على

عكس لاصاد البط او الكرك او طيور البحر عامه ------> ما تجيلها نفس عند بعض او اغلب القنوص

اتمنى اني وضحت وجه نظري

والله يرزقنا هذي السنه بالمقناص الطيب

تحياتي لكم

[سلطان 1]

يابو مشعل

والله وانا خووووووك من عرفنا العلم
آليا قال الطير صاااااايد فأدر انه يقصد الحبااارا
يعني كلمه صاااايد ماتطلق الا علي الطير الصايد الحبارا.
اما غيرها من الصيداااات ماتطلق عليه كلمه صااااايد.

والصيدات الثلاث قالوها الربع.

[عابر الموج]

يابو مشعل

والله وانا خووووووك من عرفنا العلم
آليا قال الطير صاااااايد فأدر انه يقصد الحبااارا
يعني كلمه صاااايد ماتطلق الا علي الطير الصايد الحبارا.
اما غيرها من الصيداااات ماتطلق عليه كلمه صااااايد.

والصيدات الثلاث قالوها الربع.

:good2::good2::good2::good2::good2::good2::good2:: good2:

[عاذي]

وعليك السلام ورحمة الله وبركاته



هلا يابو مشعل
من عرفنا الطير ونقلته ! الـطـيـر له ثلاث صيدات معروفه
وغيرها تكون خارجه عن المعتاد
وقولت الـطـيـر صايد ! ماهي باللازم انه صايد الثلاث وأيظا مـا هو باللازم انه يجب ان يكون صايد حباري لجل ان قلت صايد فهو صايد حباري .
اليا قلت صايد ! يجب اتبعها بتحديد الصيده اللي صايدها
أما اليوم فجت صقارة الالفيه الجديده ، ولا تستغرب شي فيها يابو مشعل
أما مسميات الطيور ! فهيه قديمه في الخليج ولا فيها أي حرج .

تقبل مروري


صح السانك على ماقلت

[راشد الهاجري999]

ابو مشعل تحيه طيبه والسلام عليكم جميع
انا او غيري من الصقاقير لما تتصل وتقول فيه حبارى وفيه كرك كلنا بنقول تكفى وين الحبارى فيه :redcar:
عشان كذا ولان الحبارى هي المطلب الرئيسي اذا نشدوا صائد. فالمقصود الحبارى بدون شك وايضاً فيما مضى كانوا الشيبان ما يدورون غير الثلاث. الارنب. الكروان. الحبارى
انا هديت على زرقي ومعي أبوي تدري وش قال
انت سفيه :confused:

[بوخالد الكعبي]

هلا بالغالي و تسلم على الموضوع الجميل

الطير صايد الثلاث : يعني لحباره و الكروان و الارنب

اما طير صايد لازم اتحدد وش اللى انتي هاد عليه الطير ارنب كروان حباره هذا المقصد يالغالي


اما عندنا الطير اللى مايصيد حباره ماله سوق و سعر عندنا في قطر لازم يكون صايد

اما صيدات الثانيه مثل كروان و ارنب بس هذا سعر

و سعر الطير اللى صايد لحباره غير


اما الطيور الثانيه المهاجره هذه تعتبر صيده للطير ولكن ليست من ضمن الثلاث اللى الله خلق الطير و المقناص لها


و جزاك الله خير

[alrefai]

جزاك الله الف خير

[(هزاع)]

الحقيقه ياخوان ان مجالس الرجال
(مدارس)
ونا اعتبر ان خيمتنا هذه مدرسه كبيره
نعم لانشدت راعي الطير طيرك صايد واجاب نعم صايد
اول مايتبادر لك انه صايد الحبارى
لان الحبارى هي المطلب الاول للصقار وياتي بعدها جميع الصيد
اما ان نشده طيرك صايد قال نعم مردف نعم بالصيده اللي صادها هذا يقاله صايد الشي اللي ذكره
اما الثلاث /فالثلاث معروفه الحبارى والكروان والارنب
والمجالس مدارس
وطرح المواضيع المفيده قد يتعلم منها اشخاص يستحون من السؤال ويبقون على جهلهم
وهذا مغزى الموضوع

[مازن الصعب]

السلام عليكم

هلابك ياهزاع

بالنسبة لموضوعك في بيع وشراء الطيور انا دخلت على انها صايدة الحبارى

وشفت الرد بينك وبين العضو ولاحبيت اعلق لانها صفحة خاصة بالبيع والشراء

بس دامك فتحت الموضوع

اذا قيل ان الطير صايد معناها انه صايد الحبارى سواء كان شيهان او حر او وكري

اما الكروان والارنب فأغلب الطيور تصيدة الا ماندر

اما صايد الثلاث فمعروف ان المقصد انه صايد حبارى وكروان وارنب

طبعا موضوعك لم يكن الاول في خيمة البيع والمشترى فكذا موضوع فتحته لاعتقادي انها صايدة الحبارى

مجرد رأي وتوضيح معلومة كانت عندي وتعارفنا عليها

لك ودي وتقديري

[قرناس حوران]

السلام عليكم ورحمه الله وبركاته
الصراحه مابقيت شي نقوله يابو مشعل والاخوان ماقصروو
والي نعرفه في نجد وما جاورها ان صايد الثلاث واضحه ومعروفه الي هي الحباري والارنب والسمق والله يجزاك خير على ماطرحت من مواضيع

[قرناس حوران]

السلام عليكم ورحمه الله وبركاته
الصراحه مابقيت شي نقوله يابو مشعل والاخوان ماقصروو
والي نعرفه في نجد وما جاورها ان صايد الثلاث واضحه ومعروفه الي هي الحباري والارنب والسمق والله يجزاك خير على ماطرحت من مواضيع

[اقدم صقار]

لاهنت يا ابو مشعل

وما قصروا الاخوان على التعليق والتوضيح ولو اني لحقت على بداية الموضوع بقول الهوااايل

ههههههههههههههههههههههههههه


لاكن رحمك الله

اخوك ابو منصور

[النداوي712]

لا تعليق ما قصروا الاخوان بالتوضيح والارشاد
والله يجيب لنا الحباري مانبي غيرها ههههههههههههه