استفســار عن كفرات التـاهو ارجو الأفـادهـ

[Ping.1]

الســلام عليكم ورحمة الله وبركاتة

اسعــد الله آوقاتكم بكل خيـر

ابي آسآلكم عن كفــرات التاهو من موديل 2007 وطالع وش النوع الأفضل انا بحثت بس مالقيت جواب كآفي

(لو ماتعددت الاذواق لبارت السلع )

انا جنوطي مقاس 17
ومركب عليها قودير ومانسبتني بعد 4 شهور تقريبا قامت تطلع صوت وغير كذا تتآكل بشكل غير طبيعي وصارت قاسيه ومره فكيت الكفر ابي ارقعه من جوا انقط من الطرف والي في البنشر يقولي شي طبيعي


وميشلان يقولون كويس ورائع في الخطوط بس مشكلته ماينفع اذا جيت على ردميه
والجنرل مرره ناشف
فـا احترت في هذا الموضوع مابي ادفع مبلغ اخر شي ما استفيد شي

لآني كل فتره في مكان مره في شارع مره في ردميه مره على النفود ومسافات طويله


فيه ناس نصحو في التويو والهانكوك وكفرات انتركونتيننتال والماكسس

ابي رائيكم يالخبرا يالمجربين نوع وماغيروهـ ياليت تفيدوني واسف عـلى الآطاله ;)

[Chevy VP]

الهانكوك اشوف انه هو الوحيد الي راح يجمع لك ما بين نفود وردميه وخطوط

بس مشكلة الهانكوك انه يلقط المسامير سريع لانه نوعا ما لين واذا ما ناسبك شف

البرجستون بس قاسي شوي

بالتوفيق إن شاء الله

[7ابو نواف7]

الميشلان ممتاز جداً خصوصاً إذا كانت طلعاتك للبر قليلة
وإما إذا كنت تستعمل الموتر بشكل كبير على مختلف الطرق فعندك البريجستون والدنلوب الأصلي وارد بن زقر

[مسير عليهم]

جرب اليوكوهاما نقشته تميل للخشونه ومجربه على موتري الجمس وكمل سنه والحمدلله سافرت عليه وكشت عليه وممتاز جدا وشفت كذا يوكون وتاهو مركبين مثل اللي معي وسعرها وقت شرائي لها بـ 600 وشوي قبل سنه وكم شهر

[Ping.1]

يعــطيكم الف عـافيه حبآيبي وشكله اليوكوهـاما هو الآفظل

[ابو فهد...]

يوكهاما او دنلوب

[Ping.1]

طيب وش رايكم في المكسس ؟؟

[العنقري]

يب وش رايكم في المكسس ؟؟,,,,,'', المكسس ممتاز وسعره. ٤٥٠ ريال

[كبسولة2]

ماكسس برافو 760 ممتاز جداً

مركبه للجمس من عام 1430 هـ ولازال فيه ثلث عمر

ساااافرت عليه جيزان تبوك الدمام الرياض القصيم .....الخ

بر وخط كان سعره 380 ريال وقتها

[Ping.1]

يعني يتحمـــل مطباتنا وحفرنا وردمياتنا

شفت كثير يمدحونه وهو تيلندي اتوقع
رحت بآخذ يوكوهاما مالقيت الأ دعسه حجريه ومبالغ بسعرهـ

ونصحوني في البرجستون والماكسس

ياليت الي مجربه يقولي كيف الكفر لين ولا ناشف يتحمل طرقنا

[ابو فهد 1]

ماكسس افضل شي

انا مركبة له الان سنتين قد ومد

وسعرة الان 450