الذيب مايضحك (مكرم الضيف)

[مكرم الضيف]

كل عام وانتم بخير وأعتذر للجميع عن الغياب. واليكم هذه القصيدة المتواضعه

ارجو ان تعجبكم


http://www.mekshat.com/pix/upload01/prof022/mk138009_dddddddddd.jpg



الذيب مايضحك احذرك ياخي=أخاف يغتالك بنهشة سنونه
ماياكل الحرجه ويهجم على الحي=مترفعن عن الرخم والمهونه
يطوي فيافي فوق رجليه يمشي=ماقال لاحدن فزعة(ن) او معونه
لحظات يسرع بعدها يبطي شوي=يشرف على المرقاب لايغلبونه
مع الذي ياقف معه دوم وافي=يعرف خويه بالخلا مايخونه
نهاره بضلعن تحت صخره وفي= يبدل النظرات لايخدعونه
وبالليل الاسود لاعكس فيهن الضي=بالغاب معروف(ن) بحمرة عيونه
عيونه اللي صعب تفهمهن بشي=فيهن دها قليل من يعرفونه
ان خاف ولا جاع بالبر يعوي=لجل الرفاقه والسند يدعمونه
درب الجهل واللعب والهزل والغي=يعافها سرحان لاتظلمونه

[ابو هارون]

وانت بخير وصحه وسلامه
صح لسانك على هالجزله يالذيب

[خوي الذيب2]

ابيض وجه وماقصرت

[MANSOR QATAR]

ارحب تراحيب المطر وصح السانك على القصيدة الرائعة

[مكرم الضيف]

وانت بخير وصحه وسلامه
صح لسانك على هالجزله يالذيب


حياك الله اخوي" ابو هارون" وصح بدنك ودمت بالف خير

[SAS2]

الذيب مايضحك احذرك ياخي
أخاف يغتالك بنهشة سنونه

والله يابن الحلال ما نيب مجاملك قصيدك ذي مدري وين موجهه كلام ماله معنى

واسف على صراحتي اذا ابتزعلك

[مكرم الضيف]

ابيض وجه وماقصرت


ووجهك ابيض اخوي خوي الذيب ودمت غالي

[مكرم الضيف]

ارحب تراحيب المطر وصح السانك على القصيدة الرائعة


حياك الله اخوي منصور وصح بدنك ودامت لك الصحه والعافيه

[مكرم الضيف]

الذيب مايضحك احذرك ياخي
أخاف يغتالك بنهشة سنونه

والله يابن الحلال ما نيب مجاملك قصيدك ذي مدري وين موجهه كلام ماله معنى

واسف على صراحتي اذا ابتزعلك


الذيب ونا اخوك تنادى وتلقب به الرجال لجل طبعه وفعله. فلو قلت لرجال ياذيب مايزعل بل يفتخر. لكن لو قلت ياكلب ولا ياذيخ الله يكرمك والسامعين بتزعله (واسف على صراحتي اذا بتزعلك)

[يوسف الخليفة1]

حياك الله أخي الفاضل مكرم الضيف

[قوافي ( أم نهار )]

السلام عليكم ورحمة الله وبركاته
وأنت بخير أخوي ابو نادر
كلمات وابيات جميله صح لسانك وسلم الله فكرك وبنانك
تحياتي.اختك
..قوافي..

[نديم المجره]

صح لسانك
وانا يعجبني الشخص اللي يمدح جماعته
وهذا يدل على الطيب والوفاء وصلة الرحم مع الاقارب
تحياتي

[مخلب الصقر-]

صح لسانك أبيات جزله

[س.س.التميمي]

صح السانك يابو نادر

[حرش الكفوف]

صح السانك ، أبيات جزلة
القصيدة رائعة ، هذي صراحتي وآسف اذا بتزعلك
هههه

[حربي الحرة1]

صح لسانك وقصيده منتازه

[حربي الحرة1]

و ماقصرت ولايهونون الشباب

[مكرم الضيف]

شكرا لك ياحربي الحرة 1

وفعلا ماقصرت ولا يهونون الشباب وانشغالي عن الردود ماهو قصور بأحد والجميع على راسي من فوق . وللظروف أحكام وهم يعذروني ويعرفوني بسرعة ردودي على الجميع بدون استثناء

[مكرم الضيف]

حياك الله أخي الفاضل مكرم الضيف


ابقاك الله يابوعبدالله ودمت بصحه وعافيه

[مكرم الضيف]

السلام عليكم ورحمة الله وبركاته

وأنت بخير أخوي ابو نادر
كلمات وابيات جميله صح لسانك وسلم الله فكرك وبنانك
تحياتي.اختك

..قوافي..


وعليكم السلام ورحمة الله وبركاته
شكرا لك على ماقلتي
وعلى كلماتك الراقيه

[مكرم الضيف]

صح لسانك

وانا يعجبني الشخص اللي يمدح جماعته
وهذا يدل على الطيب والوفاء وصلة الرحم مع الاقارب

تحياتي


صح كلك ياخوي أحمد

وهذا من طيبك واصلك الطيب ياشاعرنا

و(نبي من جديد الفرايد شي)

شوف حطيت لك لون أخضر بالرد.

(لون علم الوطن)

ألله يحفظه من كل سوء

[مكرم الضيف]

صح لسانك أبيات جزله

شكرا لك اخوي وصح بدنك ودمت بكل خير

[مكرم الضيف]

صح السانك يابو نادر

صح كلك يالحبيب وتقبل تمنياتي لك بكل خير

[مكرم الضيف]

صح السانك ، أبيات جزلة
القصيدة رائعة ، هذي صراحتي وآسف اذا بتزعلك
هههه

صح كلك يالغالي على ماقلت والكلمه الطيبه صدقه

وترى ازعلتني صراحتك بالحيل وكثر منها
:D

[ابوعيينه]

صح لسانك يالذيب
مايوصف بالذيب الاالشجيع الفطن

[مكرم الضيف]

صح لسانك يالذيب
مايوصف بالذيب الاالشجيع الفطن


صح كلك اخوي وكلامك صحيح ارجو لك كل خير

[هبوب الشمااال]

صح للسااانك

[شاعر الساحل]

صح لسانك مليووون ولايكفووون يامكرم الضيف. شاعر جزل ومبدع وقد احسنت في وصف الذيب في ابيات رائعة تقبل مروري وتحياتي اخوكم شاعر الساحل من الشمال الغربي

[مكرم الضيف]

صح للسااانك


صح بدنك اخوي وحياك الله وجزاك الله خير

[مكرم الضيف]

صح لسانك مليووون ولايكفووون يامكرم الضيف. شاعر جزل ومبدع وقد احسنت في وصف الذيب في ابيات رائعة تقبل مروري وتحياتي اخوكم شاعر الساحل من الشمال الغربي
صح كلك ياشاعر الساحل وجزاك الله خير على ماقلت

تقبل تحيتي