حرش الكفوف
02/09/2012, 11:09 PM
الجير مخبور بالرّيشة وبالصّيدة = والحرّ فعله ثبت من عدّة أزماني
لكن مصيري على طيرين ماريده = واعيش باقي العمر من دون شيهاني
مازال عامٍ مضى أرويه واعيده = أيّام بحري وفيٍ خرْش الأعياني
وازينه اليا انتفض وازين ترديده = وازينه اليا نقلته بين خلّاني
وافي وكافي وعنده كفِّ هبِّيدة = له مخلبٍ ياكثر ما قصّ شرياني
نطْلب له سبوق عقبانٍ لتقييده = ونْقيس وزْنه على ميزان الإنساني
إن طار يفْرض على الأجواء توطيده = وان حلّ بين القشع مازال سلطاني
نونٍ لنحْوَ القنص ياتي لتوكيده = ركنه واذا طاح ، طاحت كلَّ الأركاني
ويقَهْويَ الخرب من فنجان توريده = والخرب ماهو كفو يشرب من الثاني
من سرعته شال من قاموسي (بعيدة) = كنّه شهابٍ وكنَّ الصّيد شيطاني
بنْيان ربّي وسامي دوم تشْييده = ربّ الحَجَر والبَشَر ورَبَّ الأكواني
بامره شُؤونَ العمُر قصْره وتَمديده = والموت للطّير كُن ربِّي وقد كاني
والله ما شاء للمخلوق تخْليده = الكلّ فاني وكل يومٍ نرى فاني
وسلامتكم
أخوكم/ أبوعصام
لكن مصيري على طيرين ماريده = واعيش باقي العمر من دون شيهاني
مازال عامٍ مضى أرويه واعيده = أيّام بحري وفيٍ خرْش الأعياني
وازينه اليا انتفض وازين ترديده = وازينه اليا نقلته بين خلّاني
وافي وكافي وعنده كفِّ هبِّيدة = له مخلبٍ ياكثر ما قصّ شرياني
نطْلب له سبوق عقبانٍ لتقييده = ونْقيس وزْنه على ميزان الإنساني
إن طار يفْرض على الأجواء توطيده = وان حلّ بين القشع مازال سلطاني
نونٍ لنحْوَ القنص ياتي لتوكيده = ركنه واذا طاح ، طاحت كلَّ الأركاني
ويقَهْويَ الخرب من فنجان توريده = والخرب ماهو كفو يشرب من الثاني
من سرعته شال من قاموسي (بعيدة) = كنّه شهابٍ وكنَّ الصّيد شيطاني
بنْيان ربّي وسامي دوم تشْييده = ربّ الحَجَر والبَشَر ورَبَّ الأكواني
بامره شُؤونَ العمُر قصْره وتَمديده = والموت للطّير كُن ربِّي وقد كاني
والله ما شاء للمخلوق تخْليده = الكلّ فاني وكل يومٍ نرى فاني
وسلامتكم
أخوكم/ أبوعصام