أين أجد مولد كهربائي يانمار أو روبن ؟ [الأرشيف]

مشاهدة النسخة كاملة : أين أجد مولد كهربائي يانمار أو روبن ؟

واعد21

03/09/2012, 01:00 AM

السلام عليكم ورحمة الله وبركاته //

صباحكم سعيد جدا

أخواني // احتاج مولد كهربائي أصلي ( ياباني ) شاملا المواصفات التالية :

1 - من شركتي يانمار أو روبن أو ما يماثلهما بالجودة

2 - 6000 وات أو 6 ك

3 - يشتغل بالريموت كنترول والمفتاح .

4 - يشتغل بالديزل .

ارجو المساعدة بتحديد المكان - السعر التقريبي والتجارب إن وجدت ولكم عظيم الشكر وصادق الدعاء

المموه

03/09/2012, 07:40 AM

معليش ماحد جوابك .
اذا كنت من سكان الرياض تحصلها في شارع الريل .

اصيل نجد

03/09/2012, 08:20 AM

نعم اخوي فيه بشارع عمر المختار ( الريل ) المطلوب وعندك طريق الخرج بس الافضل شارع عمر المختار وفقك الله

Magellan

03/09/2012, 09:12 AM

اذا تبي ديزل ، لاتاخذ ياباني فاشل جدا
خذ انجليزية تبريد هواء من نوع ليستر يجي لونها اخضر
لكن ترى اسعارها غالية
وترى الديزل غثيث مو مثل البنزين يحتاج صيانة كثير
فنصيحتي اذا كان مخيم او مكان اقامة مؤقت يعني ماراح تشغله كل يوم فخذ بنزين افضل بكثير
اما اذا كان عند عمال او مكان اقامة دائم يعني كل يوم يشتغل فخذ مكينة حتى لو تلقاها مستعملة توضبها وتعيش
وعندك كذلك بيركنز الامريكية ودويتس الالمانية ممتازات تبريد هواء،،
طبعا المكاين ماتباع بالريل ولكن مع وكلاء الحراثات الزراعية مثل الخريّف على طريق الخرج او طريق خريص،،،
ومثل ماقلت اذا تبي بنزين خذ ياباني لكن ما اتوقع تحصله لأنه الحين كله تجميع واماكنهم في شارع الريل،،،
فانت حدد استخدامك وعدد الاجهزة المركبة ونفيدك بإذن الله

ابولولو

03/09/2012, 09:15 AM

فيه وكيل عبدالله هاشم وانتبه فيه هندى

الوكاله بشارع الريل وانت نازل غرب يجيك اشاره تقاطع الفرزدق مع الريل شفع على يدك اليمين اذا اتجهه جنوب يفتح شرق

واعد21

03/09/2012, 09:41 PM

فيه وكيل عبدالله هاشم وانتبه فيه هندى

الوكاله بشارع الريل وانت نازل غرب يجيك اشاره تقاطع الفرزدق مع الريل شفع على يدك اليمين اذا اتجهه جنوب يفتح شرق

أخوي ما قصرت وصف دقيق الله ينور دربك

معليش ماحد جوابك .
اذا كنت من سكان الرياض تحصلها في شارع الريل .

ما قصرت ومشكور على المبادرة يابعدي

نعم اخوي فيه بشارع عمر المختار ( الريل ) المطلوب وعندك طريق الخرج بس الافضل شارع عمر المختار وفقك الله

وأياك ما قصرت

اذا تبي ديزل ، لاتاخذ ياباني فاشل جدا
خذ انجليزية تبريد هواء من نوع ليستر يجي لونها اخضر
لكن ترى اسعارها غالية
وترى الديزل غثيث مو مثل البنزين يحتاج صيانة كثير
فنصيحتي اذا كان مخيم او مكان اقامة مؤقت يعني ماراح تشغله كل يوم فخذ بنزين افضل بكثير
اما اذا كان عند عمال او مكان اقامة دائم يعني كل يوم يشتغل فخذ مكينة حتى لو تلقاها مستعملة توضبها وتعيش
وعندك كذلك بيركنز الامريكية ودويتس الالمانية ممتازات تبريد هواء،،
طبعا المكاين ماتباع بالريل ولكن مع وكلاء الحراثات الزراعية مثل الخريّف على طريق الخرج او طريق خريص،،،
ومثل ماقلت اذا تبي بنزين خذ ياباني لكن ما اتوقع تحصله لأنه الحين كله تجميع واماكنهم في شارع الريل،،،
فانت حدد استخدامك وعدد الاجهزة المركبة ونفيدك بإذن الله

هلا بك أخوي // فعلا ليستر غالية

لكن بيركنز ودويتس ما جربتهم ولا شفتهم عند أحد قبل . . . لكن إذا كان سعرهم حول الياباني والجودة أعلى فأكيد بيكون الخيار الأفضل . . .

طبعا استخدامي // تشغيل غطاس ( 3 بوص ) لمدة ساعتين في اليوم ( غير متأكد من الوات )

عمق البئر 25 متر

الميزانية من 5000 ريال إلى 6000 ريال ومشكورين مرة أخرى على مروركم الكريم

Magellan

04/09/2012, 01:49 AM

حبيبنا اللستر اجود وافضل من الياباني وقطعها موجوده وانا تندمت ماشريتها كانت معروضة علي واخذت ينمار عللني بقطع غياره وخرباته مع انه ياباني ياباني
وتوضيبه عله وقطعه محتكره عند هاشم حق هوندا تصور بستم اخذت 7 اسابيع عشان يوفرونه
واللستر غير غير له شعبيه واصحاب العرف مايوفرونه لو لقوه نظيف وانا ناوي عليه
بس خذ تبريد هواء يعني مافيه رديتر+ قلص بمعنى يصير راكب على قلص مثل الصورة تحت لو احتجت لصيانته:
http://www.mekshat.com/pix/upload06/images/2012/09/mk11979_1333753175813.jpg
طبعا الشركات الثانية الكاتربلر والبيركنز والدويتس عادة شغلهم ثقيل يعني مع اصحاب المشاريع والشركات اللي يحتاجون 50 كيلو فما فوق إلا الموديلات القديمة تحصل مكاين صغيرة ،
عندنا في المزرعة ايام الزراعه مكينة كتربلر امريكية تشتغل حريقة ماقالت اح وقت الطفرة بالزراعه ،لأنها كانت صناعات اصلية ،،الحين صارت تجي مجمعه من كوريا وغيرها
لكن انت لابد انك توضح اكثر وش نشاطك يعني بس غطاس ماراح تشغل مكيفات فريون او لمبات لأنك لو حصرت نفسك بها الشيء بعدين تندم تقول ليتني ماخذ اكبر حجم لو تجدد عليك شيء من اضافات،،،
وخذها قاعده الغطاس اللي عندك كبير 3 بوص وحسب ما اعرف ان مثلا القراندفوس يستهلك كهرب اكثر ولو كان يستهلك 5000 واط فأنت تحتاج لمكينة اكثر من 8000 واط لأنه راح يضيع الكهرب بالأسلاك بالإضافة لو لقيت مكينة ولنفترض قوتها 8000 شمعه(واط) فعادة يسمى الخرج الأعلى او peak watt يعني اقصى شيء لكن الحقيقة لو قستها يمكن ماتجيب 6500 وات لأنه لو تشغلها تجيب 8000 ثم تنزل ل6500 واط فخذ حسابك لهذي الناحية ومع تقادم عمر المكينة تنزل قوتها،،،
لكن اشور عليك انك تبحث شيء مستعمل وتسأل مثلا عن اسعار قطع غيار التوضيب ،لأنها اذا وضبتها رجعت جديدة وبكذا توفر من شراء جديد يكون سعره مره غالي

جواد النفود

05/09/2012, 07:44 AM

احتمال كبير عند معرض الفانوس في شارع الريل

واعد21

06/10/2012, 10:02 PM

وصلت شارع الريل وجدت أسعار الينمار حول 12000 ريال والوات 5500 ديزل مفتاح

البنزين بحدود 6500 ريال لنفس الحجم والمواصفات ( قال البائع أنه تجميع هندي )

الروبن الديزل حوالي 7500 ريال ( غير متأكد )

البنزين لنفس الحجم والشكل 5700 ريال

لكن أحد المهندسين قال لكي تشغل غطاس بقوة 3.5 كيلو لا بد أن يكون قوة المولد 12 كيلو طبعا من كلامه مبالغ بشكل كبير أو أنا مخطيء ؟؟

رأيكم بالأسعار وكلام المهندس

ajaa2009

07/10/2012, 07:21 AM

اخي لاتوهق بشرا الماطور حتى تتأكد من الغطاس كم فاز لان حسب اعتقادي الغطاس 3بوصه ثلاث فاز(3اسلاك حار)
والمواطيرمثل الروبن والهوندا كلها اثنان فاز من7كيلووات مايجي الا اثنان فاز(2سلك حار)

نجم الصداوي

22/02/2013, 02:12 AM