المساعد الشخصي الرقمي

مشاهدة النسخة كاملة : عندي مشكله بالفرامل ابي الحل الله لايهينكم كامري 2000


يو انت يو
03/09/2012, 02:17 AM
السلام عليكم ورحمة الله وبركاته

المشكله ان الفرامل يحجر علي فتره بسيطه وانا ماشي

وبعد فتره اسمع صوت تحت عند دعسة الفرامل زي كأن دعسة الفرامل كانت داخله ورجعت فوق
ويرجع الفرامل زي اول طبيعي وكذا وتتكرر السالفه وانت ماشي

بعض الورش قالو الباكم وبعضهم قالو علبة الفرامل ولكن الاغلبيه قالو الباكم

تكفووون الي يعرف لايقصر علي
ls1.5700
03/09/2012, 10:26 AM
لما تدعس على الدواسه تسمع صوت تنسيم زي تنسيم الكفر او لا
الدعسه ثقيله او لا نوع السياره وشي
ارجو التوضيح في انتظارك
يو انت يو
03/09/2012, 12:24 PM
لا مافي صوت تنسيم والدعسه تكون محجره بس يمسكك الفرامل يعني مايحتاج بقوه اضغط عليه واحيان يرجع طبيعي مايكون محجر

السياره كامري موديل 2000
ls1.5700
03/09/2012, 01:05 PM
شوف حبيبي اذا الدعسه قويه كانك تدعس على رضمه
معناته الباكم هو الي خربان
وفيه طريه ثانيه
شف الباكم فيه هوز هوى راكب فيه جاي من الثلاجه
فكه من عند الباكم نفسه والسياره شغاله وشوف يسحب هوى
او لا
يو انت يو
03/09/2012, 02:48 PM
فكيته ويسحب هوا
ls1.5700
03/09/2012, 03:05 PM
الباكم خرابه يصير ثقيل بس مايحجر للموتر ابد
الي يحجر للموتر كاتالي
1 هوى داخل مواصير الفرامل
2 الكليبر في بعض السيارات اذا خرب القماش يحجر
جرب تفرغ الهوى من عند العلبه ومن عند الكفرات فيه مكان
زي البز بكل كفر نحصله ورى الهوب مباشره
يو انت يو
03/09/2012, 03:26 PM
جربت فرغت الهوا من عند الكفرات وضبطت يومين ورجعت نفس المشكله

بس من عند العلبه مافرغت الهوا ... كيف افرغه من عند العلبه لاهنت ؟؟

اعذرني على كثر الاسئله بس ماودي اروح ورشه ودي انا اصلحه
ls1.5700
03/09/2012, 03:54 PM
نفس العلبه الي يوضع فيها زيت البريك
بعض السيارات يجي فيها مسمار على شكل بز هذا مخصص لتفرغ الهوى
اذا مافيها مكان لتفريغ الهوى شف المواصير الي راكبه بالعلبه
بعض السيارات تجي ماصوره والبعض تجي ماصورتين شابكه بنفس
العلبه
الطريقه
دبل عددة مرات حتى ينحشر الزيت
ومن ثم امسك على البريك لاتخليه
حتى يقوم احد يساعدك يرخي المسمار
حتى يطلع الزيت مره وحده
وشده زين
وكرر العماليه مرتين بنفس الاسلوب
يو انت يو
03/09/2012, 05:17 PM
فرغت الهوا من العلبه بس للحين نفس المشكله

اتوقع انه زي ماقالو من الباكم بس ابي اعرف اذا ممكن فيه شرح فك وتركيب الباكم

وهل فيه وزنيه ولا لا

ويعطيك الف الف الف عافيه اخوي ls1.5700 ماقصرت والله
ls1.5700
03/09/2012, 10:27 PM
اجل هو مافيه غيره
من اول ماقريت موضوعك
عرفت انه هو المشكله بس قلت ابي اتاكد
المهم توكل على الله وركبه بنفسك قسم بالله مافيه اسهل
من تركيبه لاوزن ولا يحزنون
كله اربع مسامير
وتفك الملقاط من الدعاسه وتخرجه برا
وتركب غيره
بالتوفيق والله يستر عليك
واي خدمه انا حاضر
يو انت يو
04/09/2012, 12:18 AM
الله يعطيك العافيه ماقصرت والله

بركبه ان شاء الله بنفسي وامس شفت مقطع واحد يركب باكم صراحه مافي اسهل منه



لنا لقاء ان شاء الله .....