تكفون يا اهل السفاااريات لاتخلوني السفاري عقدني؟؟

[الـــهـــواوي]

السلام عليكم ورحمة الله وبركاته

مشكلتي على قولت اخواننا الطيبيين عويصه مره

عندي باترول ربع 93 له ثلاث شهور بالضبط

اغير الدينمو ركبت 4 دينموات 2 بطاريات

ومع ذالك يخرب الدينمو مع اني اركب الاصلي ماركب الماليزي مره

ولا خليت ولا ورشه ولا كهربائي الا جيته ولا احد لقا له حل

لاتخلوني والله اني خسرت شي ماله داعي

والبراد جاء والطيور جت والعلوم الطيبه كله في الطريق

بالعربي الموتر يحرق او يخرب الدينمو

انتظر ردودكم للي عنده افاده

[4800VTC]

كم مقاس البطاريه ؟

[mekshaat]

الدينمو كم يشحن 14 فولت والا أقل.

[ابو فهد...]

ركب دينمو باترول ٢٠٠٠

[ls1.5700]

اخوي عندك الاتماس في الموتر
ماينفع حتى لو ركبت 100 رايح يحترقن
دور على اللتماس يمكن يكون في الظفيره
او تكون علبة زيت الدركسون على ماعتقد تجي فوق منه
فيها تهريب ويخل الزيت على الدينمو ويسبب التماس ويحترق
او الخرطوش حق الماء يدخل عليه مويه
شيك عليهم كلهم بنفسك
وشوف كم امبير يطلع من الدينمو هل هو 14 او لا
ارجو من الله اني افدتك بما استطيع

[المسروحي]

الله يعينك....

[الـــهـــواوي]

البطاريه 80 والدينمو اول ما اركبه 14 بعدها بيوم 12 مع اني مركب 4 دينموات

[الـــهـــواوي]

اللي يخب ورشه صح يرسل لي اسمها وموقعها لاهنتوا

[ls1.5700]

اذا الدينمو تركبه جديد ويخرب معناتها عندك مشكله في الكتاوت
الي راكب على طرف الرفرف يعطي كهرب زياده مما يدي الى حرق
البطاريه والدينمو

[mekshaat]

صارت معي مشكله مشابهه لمشكلتك الدينمو يشحن ضعيف الين ذكرو
لي كهربائي جيد احتار بالمشكله راح وجاب جهاز قياس الفولت رقمي
وفحص الموجب والسالب حق البطاريه لقى البطاريه تسحب10 فولت
والسبب سلك السالب اللي بالمكينه ماهو مشدود والكهربائي يقول لازم
يعطي 12فولت عشان الدينمو يعطي14 ونصف فولت شيك على سلك
السالب اللي بالمكينه والرفرف وفيه نقطه ثانيه صار مع أحد الأشخاص
مشكله بالدينمو يغيره ويجيم ودى السياره عند مهندس فاهم يقول لقينا
المشكله من كرسي المكينه قال غيره لانه مسوي ميلان ومأثر على
وزنية الدينمو وبعد الاستخدام بفتره بسيطه يجيم .

[عاشق الددسن84]

هل البطاريه يطلع من طاورفها ماء الاسيد