دفرنس الباترول

[ابو حماط]

السلام عليكم ورحمة الله وبركاته
مساكم الله بالخير
يالربع أنا عندي باترول ربع موديل 2000
الكفر الأمامي الايسر فيه مسحية وديته للصناعية قالولي هذا الدفرنس فيه ميلة بسيطة ما يقارب 1 سم
أحد المهندسين قال الدفرنس يبيلة سحب وتعديل وأحدهم قال لا نفك الدفرنس ونخرطه وقالي أنه مهما تسوي الدفرنس ما يرجع مثل أول .
إذا أفيدوني يا أهل الخبره هل أغير الدفرنس أم أعدله وإذا بعدله خرط أم سحب
وياليت أحد يفيدنا بأسعار الدفرنس الجديد
وشكــراً لكم جميعــاً

[ls1.5700]

لاتسرع اخوي مشكلتك بسيطه ومرت علينا مليون مره بحكم التطعيس
بجيوب ربع تويوتا ونيسان باترول ومرهمات عد وغلط
المهم حاول انك توديه للميزان يمكن يحتاج وزن لااكثر
او رمان العكس مرتخي او العكس فيه ميول
اذا قررو عليه
اكثر من واحد وتضح انه فيه ميول
عدله وهو في مكانه لاتفكه ولا تخرط
تراهم يصعبون عليك المشكله على شان تدفع كثير
اعتقد يكلفك حدود 300 ريال
هذا والله اعلم
ارجو اني افدتك

[ابو حماط]

لا حرمت من رأيك أخي ls1.5700
وألف شكــر لك

[sgl2002]

العضيب نصابين

جيتهم مره وعندي حذفيه في الموتر

وقالوا لازم سحب دفرنس

رحت للبنشري وعكس الكفرات وضبط

انت ارفع الموتر من قدام بعفريته وهز الكفر فوق تحت كانك تسحبه من تحت وتدفه

اذا فيه فضاوة فهذا من الرمان يبيله تربيط ب٥٠ ريال فقط

[ابو حماط]

تسلــم أخوي sgl2002
ماننحرم من رأيك بس الرمان كويس قريب غيرت الصوف وربطت الرمان

[ابوسند9]

اخوي
خراب الرمان ماله دخل
انت جرب ارفع الكفر وامسك الكفر بيدك يد اسفل ويد فوق وهز الكفر للداخل ولخارج ممكن عندك الرمان يبغى شد
وسبق صار لي زيك ورحت لميزان المجد وقالو الدفرنس عندك مطعوج واخر شي حصلت الرمان مرتخي وشديته ب 30 ريال وسلام عليكم

[ذيب العرمه]

السلام عليكم

وش صار معك ياراعي الباترول انا عندي نفس المشكلة في الباترول

افدنا بالحل ووين صلحته عافاك الله

[باترول سفاري-]

قد صارتلي زيك بس انا مايل سانتي ونص على جوا الكفر اللي قادم يسار وديته لميزان سحبلي الدفرنس وزبط موتري ربع باترول

[باترول سفاري-]

انا صارتلي زي مشكلتك وسحبلي الدفرنس وزبط