لأحد يشوف الموضوع ومايدخل خصوصا اهل الفتك كرم من غير امر

[قرناس الشرقيه]

السلام عليكم .مساكم الله بالخير جميعا .

اول شي انا موتري باترول 2002 فتك طبعا
مشكلتي يااخوان حراره غيرت الراديتر وغيرت طرمبه الماء
وجيت بغير قازقيت الراس قالولي مافيه شي
المشكله ان السياره لاصارت واقفه ترتفع الحراره

واذا مشيت رجعت طبيعي

واذا كان الموتر صار ساعه او نص ساعه اتمشى عليه

لاجيت وطفيت الموتر بعد خمس دقايق اشيك عليه وهو طافي القى الحراره وصلت

النص او فوق النص

وأذا شعلت السياره رجعت طبيعي

لاكن بهالحاله اذا شغلت ورجعت طبيعي اروح افك الغطى حق المطاره

شوي وبينفجر يبي يطلع الماء بأي وسيله

فارجوا من الاخوان اللي عنده خبره او مرة عليه مثل هالمشكله

لان اذا مالقيت حل

الجمعه بالمعارض

[ls1.5700]

عندك عدت احتمالات
1 شيك على غطاء الاديتر وغطاء المطاره
2 البلف يمكن مجيم شله او ركب غيره اصلي
3 كلتش المروحه
هو اكثر شي يخرب بالفتك

[sgl2002]

باقي الغطيان هل هي تمام ونفس الارقام

والديلكو هل هو موزون صح

والبلف هل غيرته

[sgl2002]

كلتش المروحه هذا هو اقرب الاحتمالات

ادعس بنزين والسيارة حاره

هل تسمع صوت حنة المروحه؟

[قرناس الشرقيه]

يعطيكم العافيه علر الردود
اول شي الغطيان كلهم مركبهم جدد

البلف قبل اسبوع جديد مركبه

كلتش المروحه شيك عليه اكثر من ميكانيكي

يقول شغال

توي جاي من الكويت بالشويخ منطقه صناعيه عالميه

قالي واحد منهم خله عندي بكره يبرد الصباح واشيك عليه قلت ماقدر اجلس

واحد ثاني قالي غير الترموستات

[قرناس الشرقيه]

بالنسبه لأخوي اس جي ال

الحنه لادعست اوكنت بطريق تسمعها بقوه

[محب الخيال]

الجمعه لا تنسي دائم ماله حال

[ls1.5700]

طيب اخوي وشو نوع الاديتر الي انت مركبه
والغطيان اصلي او لا00000
واضح موترك حاشر هوى وهذا بسبب الغطيان
حاشرات الماء والهوى الي يخرج للقربه
شف اي واحد من ربعك معه فتك جرب غطيان موتره

[قرناس الشرقيه]

اه المشكله ربعي موحولي

وعندنا غطاء المطاره ماهي متوفرره بالمحلات اللي عندنا

لكن من ناحيه الهوا فيه ميه بالميه

[ls1.5700]

المشكله من الغطيان
حاول تبدل بينهم
الي بالاديتر بدله بغطا المطاره
وجرب ان شاءالله يزين

[باترول 4500]

وعليكم السلام ورحمة الله
الغطى حق المطاره كم رقمه ؟ وغطى الإديتر كم رقمه ؟

[قرناس الشرقيه]

اخوي سالفه الارقام اول مره تمر علي

يعني في ارقام موجوده ع الغطيان

[قرناس الشرقيه]

ا
لديشكو وش دخله بالحراره

[قرناس الشرقيه]

هل الديلكو
له دخل بالحراره

مع ان ديلكو االفتك الكتروني

[أصيل حجآ زي]

http://im.gulfup.com/2011-02-10/12973306271.jpg



أخي الكريم :


صآدق الأخ / sgl2002
اللي قآل لك أفحص موزع الشرآرة { الديلكو } .


أذا موزع الشرآرة { الديلكو } موزون بالتأخير { رتآرد }
يخلي المُحرّك يسخن ويضعف العزم .
تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333)http://www.the-transmission-center.com/look.gif (http://www.transmissioncenter.net/highperflist.htm)




بس ركز على المروحة .
وحآول تنسم أن كآن هُنآك هواء في القربة { اللديتر} والنطآرة .


طريقة التنسيم :
أفتح غطاء القربة { اللديتر } والمُحرّك بآرد .
شغل المُحرك والعظى مفتوح لعدة دقآئق .
أن شاء الله يخرُج الهواء بالمرة .
لو أنـك أكـتشفت ووجـدت الليـآت أو أحـدهـا لـقـربة الماء {اللديتر} صـلـب { مـُـتـحـجـر} (http://www.mekshat.com/vb/showthread.php?t=284595)



وش تـسـوي أذا بسـيـآرتـك حـرآرة أو صوت بالمـروحة (بقـآ بـضها / الكلتش). (http://www.mekshat.com/vb/showthread.php?t=225828)http://www.the-transmission-center.com/look.gif (http://www.transmissioncenter.net/highperflist.htm)



لـو أشـتـكـيـت مـن حرآرة مـُحـرك سـيـآرتك وهي وآقفة بعد ما تــشـغـل الـمـُكـيـف ؟؟؟ (http://www.mekshat.com/vb/showthread.php?t=230125)



دور دبة التلوث في ضعف عزم المـُحرك وأهميتـُه حسآس الأ ُكسجين ؟؟؟ أعملها بنفسك {DIY} ! (http://www.mekshat.com/vb/showthread.php?t=313596)



في بعض السيآرآت فيه مسمآر في نظآم تبريد المُحرك ينسم الهواء .


لا تنسى :
أشتر مُبرّد { أنتي فريز كولنت Anti-Freeze Coolant } ما القربة
من الوكآلة أو مُبرّد مُعآدل / مـُشآبه لهُ مثل مُبرّد فآير أستون أو متسوبيشي
أو جي أم الأصلي مُش أي سي ديلكو التجآري أو مُبرّد تآيوتا الأصلي .
وأضفهُ في قربة التبريد { اللديتر} .

ما هو صمآم الحرآرة { الكوع / الثرموستآت} وكيف صيآنتـُه { تغييرُه / أختبآرُه } {DIY} ؟؟؟؟؟؟؟ (http://www.mekshat.com/vb/showthread.php?t=429000)


أحمر / أزرق / أخضر / زهري / وردي ! أي لون مـنآسب لمـُبـرّد قربة التبريد { اللديتر} {DIY} ؟؟؟ (http://www.mekshat.com/vb/showthread.php?t=410160)


تـعـرف على تهريب رآس المـُحرك المشطوب بالنيلة وبالضغط والأسبآب لزيآدة الحرآرة بالصور! (http://www.mekshat.com/vb/showthread.php?t=415860)


قـلـل حرآرة مُحركك>< وكـيـف تـُـوآجـه سـخـونة مـُحـرك سـيـآرتك أو قيرها التمآتك >؟؟؟. (http://www.mekshat.com/vb/showthread.php?t=229941)

[باترول 4500]

اخوي سالفه الارقام اول مره تمر علي

يعني في ارقام موجوده ع الغطيان

غطا الاديتر بدون بلف وغطا المطاره بلف

[شعيب المسمى]

مشكلة موترك مثل ماقال اخونا اصيل كاسب هواء .. المشكلة مرت علي وسويت له تنسيم من عند كوع البلف فيه مسمار تفره لين يخرج الهواء كله

[ابوعبدالعزيز]

المشكله عندك من راس المكينه لاتتعب نفسك
انا معي نيسان ددسن انشق علي الاديتر ومشتيت عليه لين تعدت الحرارة الاتش وخبطت ووضبته توضيب لك عليه
المهم من بعد التوضيب وانا اعاني من نفس المشكله والدليل تابع موترك تلقاه يطلع منه ماء من الشكمان حتى بالصيف وموية الاديتر تنقص بدون تهريب واذا فتحت غطاء الاديتر ينفخ هواء قوي واذا مشيت الحراره على الربع لكن اذا وقفت وطفيت السياره وشغتله بعد دقايق تلقى الحرارة واصلة النصف
الحل غير المكينه من التشليح او بع السياره

[قرناس الشرقيه]

يعطيك العافيه

شرح وافي

ماقصرت

[قرناس الشرقيه]

بس موتري مايطلع ماء من الشكمان

[العطاوي a511]

اخوي قرناس اسمع كلام مجرب ولاتسمع كلام طبيب الفتك حرارته الربع وانت ماشي وانت واقف ترتفع للثلث واذا زدت الوقوف خصوصن بالظهر والزحمات توصل النص وهاذا عادي جدآ للفتك لاتوجع راسك بهاذا الشي اهم شي سو اللي اقولك عليه القربه لاتعبيها مويه ابد عب الرديتر فقط واذا كان المكيف يحتر اذا ارتفعت الحراره نص ركب عازل بجنب الرديتر يمين ويسار وراح يثلج ان شاء الله اذا كان يهرب مويه من القربه اذا ارتفعت الحراره هاذا غطاء القربه بدله بالوكاله 35 ريال

الفتك هاذي حرارته تبي توسوس الله يعينك تخسر وماراح تستفيد شي بس نصيحه لاتفك البلف حق الفتك لان الحراره راح تزود عن تجربه

[ls1.5700]

اخوي العطاوي هو يقول ترتفع فوق النص
وهذا غير طبيعي

اخوي قرناس الااديتر الي انت مركبه
اي نوع

[قرناس الشرقيه]

ركبت صيني



والوكاله يقولون انتظر اسبوع

[العطاوي a511]

اخوي العطاوي هو يقول ترتفع فوق النص
وهذا غير طبيعي

اخوي قرناس الااديتر الي انت مركبه
اي نوع



يقول ترتفع للنص اذا طفيت السياره وهاذا هو الطبيعي بعينه اذا طفيت السياره راح ترتفع الحراره معروف لان السياره وقف دوران الماء فيها فالمويه اللي بالمكينه بتزيد سخونه من حراره المحرك بيرتفع معك عداد الحراره اذا شغلت رجعت المويه لدورتها الطبيعيه وراحت الحراره ؟؟؟؟؟؟؟؟؟؟؟؟؟؟؟

[قرناس الشرقيه]

والله مادري وين اروح للأراء

جيت افضل ميكانيكي بالخفجي

قلت اوزن الديلكو قعد يضحك علي

يقول الفتك ماله ديلكو نفس السيارات الثانيه

يقول اكتروني

وانا ابتلشت

[قرناس الشرقيه]

يقول ترتفع للنص اذا طفيت السياره وهاذا هو الطبيعي بعينه اذا طفيت السياره راح ترتفع الحراره معروف لان السياره وقف دوران الماء فيها فالمويه اللي بالمكينه بتزيد سخونه من حراره المحرك بيرتفع معك عداد الحراره اذا شغلت رجعت المويه لدورتها الطبيعيه وراحت الحراره ؟؟؟؟؟؟؟؟؟؟؟؟؟؟؟


ياخواني الحراره ماتجي الا مع المكيف

واذا كنت واقف فقط

اما اذا تمشي مايعرف الحراره فقط اذا واقف

والمكيف شغال

[العطاوي a511]

ياخواني الحراره ماتجي الا مع المكيف

واذا كنت واقف فقط

اما اذا تمشي مايعرف الحراره فقط اذا واقف

والمكيف شغال



ياخوي قرناس موترك طبيعي جدآ لاتوسوس الفتك هاذا هو كذى مع الوقفه يحتر وفيه حل اذا انت ماتبيه يرتفع عن الربع ركب مروحه كهرب كبيره حقت شيروكي واللغ المكانيكيه حقت الوكاله

[العطاوي a511]

والله مادري وين اروح للأراء

جيت افضل ميكانيكي بالخفجي

قلت اوزن الديلكو قعد يضحك علي

يقول الفتك ماله ديلكو نفس السيارات الثانيه

يقول اكتروني

وانا ابتلشت


بالنسبه للوزن لاتتعب عمرك ماراح تحصل وزن غير بالوكاله اوصخ وكاله بالشرق الاوسط والعالم كله وكاله نيسان حتى عيار الزيت ماتلقاه :D

[YUKON_GMC]

موترك طبيعي وكل السيارات ترتفع حرارتها اذا طفيتها ورجعت شغلتها وبالزحمه والوقوف كل السايرات ماتاخذ 10 دقائق الا تطق فوق النص

اهم شيء حرارة الموتر وهو يمشي 120 اذا ماتعدت الثلث موترك مافيه الا العافيه ...

احتمال المروحه ضعفه وتحتاج تركب مروحه صغيره قدام الاديتر فقط

[قرناس الشرقيه]

مشكورين

يعطيكم العافيه

[ابونومان]

نعم شيك على الغطيان

[وليد 5]

السلام عليكم .مساكم الله بالخير جميعا .

اول شي انا موتري باترول 2002 فتك طبعا
مشكلتي يااخوان حراره غيرت الراديتر وغيرت طرمبه الماء
وجيت بغير قازقيت الراس قالولي مافيه شي
المشكله ان السياره لاصارت واقفه ترتفع الحراره

واذا مشيت رجعت طبيعي

واذا كان الموتر صار ساعه او نص ساعه اتمشى عليه

لاجيت وطفيت الموتر بعد خمس دقايق اشيك عليه وهو طافي القى الحراره وصلت

النص او فوق النص

وأذا شعلت السياره رجعت طبيعي

لاكن بهالحاله اذا شغلت ورجعت طبيعي اروح افك الغطى حق المطاره

شوي وبينفجر يبي يطلع الماء بأي وسيله

فارجوا من الاخوان اللي عنده خبره او مرة عليه مثل هالمشكله

لان اذا مالقيت حل

الجمعه بالمعارض
المشكله صارت على قبل شهر نفس مشكلك
صيخت الراديتر ورجع احسن من اول

[وليد 5]

اذ كان عندك الراديتر الاول صيخوه وأن شاء الله يرجع مثل اولا وحسن

[الواهج]

الي يقول موترك حرارته طبيعيه مع احترامي الشديد له لايفقه

النيسان طول عمره مايوصل النص لو بعز القوايل

شيك على المطارة الي يسار ترا دايم تخرب وخرابها من جنب الهوز ماراح تبين معك

والله يوفقك

[وليد 5]

الي يقول موترك طبيعي وكل السيارات ترتفع حرارتها اذا طفيتها ورجعت شغلتها
طيب ليش يوم صيخت الرديتر رجع طبيعي

[ls1.5700]

ركبت صيني



والوكاله يقولون انتظر اسبوع

الصيني مافيه خير
غيره وان شاءالله يضبط

[قرناس الشرقيه]

ابشركم لقيت الحل

وش تتوقعون


المبرد اللي قدام الاديتر بينالمراوح والاديتر

غسلته وظبط 

ع فكره ترى للحين ماني مصدق

[العطاوي a511]

الي يقول موترك حرارته طبيعيه مع احترامي الشديد له لايفقه

النيسان طول عمره مايوصل النص لو بعز القوايل

شيك على المطارة الي يسار ترا دايم تخرب وخرابها من جنب الهوز ماراح تبين معك

والله يوفقك

انت معك فتك ؟؟؟؟؟؟؟؟؟؟؟؟؟؟؟

او سفاري قديم ؟؟؟؟؟؟؟؟؟؟؟؟؟

لاتفتي على كيفك ولا عشانك تحب النيسان تدافع هنا تبادل خبرات وليست عنصريه

[باترول 88]

الفتك 4800 والسفاري 4500 والنيسان بشكل عاام مايوصل حرارته للنص
الباثفندر والاكستيرا حرارته الربع وماتتعداه
المكسيما والالتيما والصني والتيدا حرارته الربع وماتتعداها ابدا
النيسان بشكل عاام حرارته الربع
ولاكن هذا لا يعني ان النيسان باارد
بالعكس تلقى اللاند حرارته النص والباترول حرارته الربع ومع ذاالك لالاند ابرد من الباترول
يعني المساله مو معياار مئوي او كاالفن
مجرد انبير يفيدك اذا ارتفعت الحراره للاتش

[ls1.5700]

ابشركم لقيت الحل

وش تتوقعون


المبرد اللي قدام الاديتر بينالمراوح والاديتر

غسلته وظبط 

ع فكره ترى للحين ماني مصدق

الله يبشرك بالخير والله شايلين همك
الحمدلله يوم ضبط

[وطن العزة]

خذ العلم

الوالد معه سفاري 98 4500 كان يشكي من الحرارة اذا كان واقف والمكيف شغال توصل للنص ويبدأ الموتر يفور ماء

اخذته ورحت به لكهربائي لقى وحده من المراوح اللي قدام الشبك طافية غيرتها بوحده مستعمله من عنده

وظبط >> مع الوقفه ومكيف شغال الحرارة اقل من الثلث بشوي ولو اشيل دبات التلوث واحط مواصير بتنزل اكثر

طبعا هالكلام قبل سنتين والامور للحين تمام

[قرناس الشرقيه]

بيض الله وجيهكم ماقصرتوا