استفسار بسيط

[شراع]

السلام عليكم ورحمة الله وبركاته

مساكم / صبحكم الله بالخير


ابسالكم يااخوان هل الوقت هذا تكون الطيور بالربطه ولا انتهت ..؟

وسعر الشيهانه الجبليه 12*12 بكم ..؟

[اقدم صقار]

عليكم السلام ورحمة الله وبركاته


نعم الطيور اغلبها بالربطه


الشيهانيه الجبليه 12 * 12 ما ابيها لو تربطها بيدي قطعت حبلها ونصيحه لا تشتريها وكانك صامل لا تعديها 1500 ريال وانت بكيفك

تبي النصيحه خذ لك فرخ وكري من السوق 13ونص ابرك منها وقيمته من 3000 الاف وحول اقل شي يسمى طير وذا بغيت تبيعه بيرد راس ماله وان نقص شي بسيط ماهمك

اتمنى اني افدتك والربع ما يقصرون واسف على الاطاله

[خيال سهيل]

الشياهين حلوه لعب الحمام سوى جبليه ولا بحريه ولا تنسى تراها سم الكروين هي صحيح ما تاصل مستوى الحر
لا بالسعر ولا بكبر الصيده لاكن تبقى سم الكروين وعذابها واسرع واحلى لعب
وطرب الشياهين غير

اما سعرها في الوقت الراهن من 2000 الى 2700 تزود تنقص على حسب ريشها وصحتها وماكرها
واذا انت جديد انصحك بالوكري صبور وحليل بس تراه بطيئ مقارنه بالشياهين
والله يوفقك

[(هزاع)]

عليكم السلام ورحمة الله وبركاته




نعم الطيور اغلبها بالربطه



الشيهانيه الجبليه 12 * 12 ما ابيها لو تربطها بيدي قطعت حبلها ونصيحه لا تشتريها وكانك صامل لا تعديها 1500 ريال وانت بكيفك


تبي النصيحه خذ لك فرخ وكري من السوق 13ونص ابرك منها وقيمته من 3000 الاف وحول اقل شي يسمى طير وذا بغيت تبيعه بيرد راس ماله وان نقص شي بسيط ماهمك



اتمنى اني افدتك والربع ما يقصرون واسف على الاطاله


:good2::good2::good2::good2:

[ابرق الحرار]

افادك اخونا اقدم صقار

[رامى السيد]

الجبليه طير محترم وفعوله طيبه وانا افضله عن الوكرى وهى فى النهايه ازواق

[برق المغيب]

بارك الله فيك يا اقدم صقار ما قصرت ولا بقية الاخوان بس يمكن انه راعي هدد حمام وكراوين ويبي يطرب نفسه بالشويهينة

[شراع]

بيض الله وجيهكم وماقصرتوا

انا والله اباخذ طير وبيكون الاول لي ومابي اخذ من الطيور الطيبه ويمرض واندم اني اخذته

[راكااااان]

الجبليه شنب ولله انا مع اخوي خيال سهيل عزلله سم ومايروح عليه شي ابد بنسبه لي انا عكس كلام اخوي اقدم صقار اذا مامعي جبليه المقناص كله اتركه شياهين ماعليهن كلام ابد ...احشم حشمتهن لو ظواري تحوفي ...وكلن وذوقه ومزاجه

[ابو وافي00]

السلام عليكم ورحمة الله وبركاته
مساكم الله بالخير
وكل عام وأنتم بالخير
صراحة الشيهانه الجبليه ماعليها كلام بالذات في طرد الكراوين
وإذا على قيمتها مثل ماقالو الاخوان من 2000الى 2700وحدودها
والله يوفقك بالي يسعد خاطرك وينومسك

تحياتي
أبو وافي00

[اقدم صقار]

يا الربع انا كلامي واضح وكلن ونظرته ولاكن اقول معي طير ومقاسه 12 في 12 والله فشيله انزل بها عند خوياي هذي ما تذبح الحمامه شلون يذبح الكروان وحتى لو يذبح الحمام مانيب مشقى روحي عشان هدد حمام

ههههههههههههه

الجبليه طير ولاكن خذ مقاس اما اخذ لي شبط وقول طير لا ياخوان خلونا واقعيين والقيمه اللي قلتو من 2800 الى 3000 ريال ليش سلامات وين عايشين اذا بوصل 3000 ريال بزودها واخذ طيره اوفى واجمل وابرك من مقابل الشبووط هههههههه

ع العموم كلامي يبقى وجهة نظر تخصني وعسى الله يدلكم على الخير

[راكااااان]

اخوي اقدم صقار وجهت نظرك على العين ثم الراس ونحترمها ..لاكن طير مايفشل مهما كان مقاسه ولا فعله ونا اخوك وأحلاه تحيه لك...:good2::good2::good2::good2::good2:

[اقدم صقار]

تسلم يا راكان جعلك سالم ويرفع قدرك

طيب طيب وعسى الله يرزق الجميع

[جلاد الحباري]

انا مع اخونا اقدم صقار وان بغيت شاهين يطربك خذ بحرية 14 ونص ب 14 ونص فرخ او بكر مصفيه تراك بتنطرب حيل

[بدوي نمبر ون]

بالنسبه لسؤال الاخ شراع
الاوله الطيور يمكن ٥٠٪ بالربطه واللي مهو عجل طيره باقي.
والثانيه سعرها مثل ماقالو الاخوان يزيد شوي وينقص شوي لاصار به مغابش.
وبالنسبه لرد الاخ راكان يوم يقول الطير مايفشل لابله بعض الطيور ودك ترميها ابرك مثال
الطيور صغيرة المقاس كانو شيباننا يسمونها محقوره والاسم يكفي
والطير الصياح اللي الرجل بالمجلس اما قام يردد سالفته مايسمع من صياح الطير ولا قام وشل طيره وابعده عندك ويبي فرقاك بالمقناص لاتعدي طيره بالصياح.
والطير اللي ينقل علفه بعد ودك تحطه حدر الكفرات الناس تزهمك بالجهاز بندعي بندعي وانت اتطرد طيرك من دشه لدشه.
وجهة نظر وارجو تقبلها بصدر رحب

[أحمد الشمري1]

يا الربع انا كلامي واضح وكلن ونظرته ولاكن اقول معي طير ومقاسه 12 في 12 والله فشيله انزل بها عند خوياي هذي ما تذبح الحمامه شلون يذبح الكروان وحتى لو يذبح الحمام مانيب مشقى روحي عشان هدد حمام

ههههههههههههه

الجبليه طير ولاكن خذ مقاس اما اخذ لي شبط وقول طير لا ياخوان خلونا واقعيين والقيمه اللي قلتو من 2800 الى 3000 ريال ليش سلامات وين عايشين اذا بوصل 3000 ريال بزودها واخذ طيره اوفى واجمل وابرك من مقابل الشبووط هههههههه

ع العموم كلامي يبقى وجهة نظر تخصني وعسى الله يدلكم على الخير

من يقول الشياهين ما تفعل , العام كانت عندي شيهانه جبلية في المدعى لا راحت حمامة الحر. جا دور الشيهانه تقنصها وانسامت بقيمة وافي ولا بعتها

[راكااااان]

هلاه ومرحب اخوي بدوي نبر ون ...انت فهمت قصدي يوم اقول الطير مايفشل .شدخل نقله للعلف وشدخل صياحه وشدخل العالم تدعي ونت ترطرد ورا طيرك اقرا رد اخوي العزيز اقدم صقار وتعرف قصدي ونا اخوك تحياتي لك:):):):):):):)

[راكااااان]

اخوي بدوي نبر ون انا هذه. قصدي. يا الربع انا كلامي واضح وكلن ونظرته ولاكن اقول معي طير ومقاسه 12 في 12 والله فشيله انزل بها عند خوياي هذي ما تذبح الحمامه شلون يذبح الكروان وحتى لو يذبح الحمام مانيب مشقى روحي عشان هدد حمام

ههههههههههههه

الجبليه طير ولاكن خذ مقاس اما اخذ لي شبط وقول طير لا ياخوان خلونا واقعيين والقيمه اللي قلتو من 2800 الى 3000 ريال ليش سلامات وين عايشين اذا بوصل 3000 ريال بزودها واخذ طيره اوفى واجمل وابرك من مقابل الشبووط هههههههه

[عاذي]

الطيور توها بالربطة .. اما الشيهانة دور لك وافية تكون نادر .. احسن من 12*12 .