حراره في المرسيدس

[ابو صالح 4]

اخواني السلام عليكم
السالفه يا اخوان عندي مرسيدسE320من تالي صار يسخن قمت ونظفت الاديتر لكن المشكله باقيه ارجو من من يعرف العله التكرم بادراجها مع امتناني العميق تكفون

[يكفيني نظرة]

غير بلف الحراره..

[كبسولة2]

بلف الحرارة تماتيك مروحة اصلللللللي

[الشامخ 66]

كم مديلها وكم تاصل

[ابو صالح 4]

شاكر للجميع كل عضو لكن اغير البلف هل هو عن تجربه والا تخرص هذا اولا اما ثانيا فماهو عيار البلف
اما بالنسبه لاستفسار الاخ الشامخ 66 الموديل98منناحيه كم تاصل لم افهم المقصود هل القيمه ام السعر
ولكم ازكى تحياتي

[ls1.5700]

يقصد كم تاصل الحراره

[مركز حراره]

متى تحتمي اذا وقفت او مع السرعه

[ls1.5700]

اخوي انا كان معي مورسيدس 500 تاصل الحراره 90 الى 95
وديته للجفالي وفحصوها
طلع تماتيك المروحه مبوش خلابان
غيرته وضبط ماتعدى 80 الحراره
شيك على تماتيك المروحه يمكن خربان
عندك طريقه ثانيه اشبك المروحه الاماميه
على السوتش الطويل اول ماتشغل السياره تشتغل المروحه
وتخفف الحراره

[ابو صالح 4]

والله ياخوي غيرتتماتيك المروحه بعدين ضبطت بعد كم اسبوع الاترد لحالتها بعدين المروحه منتدق السلف وتمشي مايجي واحد كيلو الاوتشتغل المراوح مروحتين مهيب وحده تاصل الحراره 115

[فكاك العقد]

معقوله توصل للخط الاحمر - لا تمشي عليها وهي فوق 120 عشان ما ينشطب راس المكينه
شيك على المروحه اللي بالمكينه وهي تسمى كلتش المروحه المهم وهي طافيه لفها بيدك اذا تلف بسهوله غيرها واذا في مقاومه تلف بصعوبه شوي لا امورها تمام لانها تسبب ارتفاع الحراره مافي دفع تبرد الاديتر وبعدين شوف المراوح الاماميه كيف دفعها قوي ولا لا اذا هي شغاله تقدر توقفها بس انتبه لا تحرق يدك حاول توقفها مده 2 ثواني اذا مو راضيه توقف امورها تمام واذا ماتبي الطريقه الاولى والسياره طافيه حرك المراوح الاماميه اذا وجد المقاومه امورها تمام ...شوف الخرطوش حق المويه اذا جيت من مشواره المسه اذا منفوخ بالهواء لابد من تنسيم واذا تقدر تضغطه معناته ان مافي هواء طريقة التنسيم في قسام وراى القربه وامام الفلتر فك واحد منه وخلي السياره شغاله ومعاك علبة مويه وشوف الفقعات اللي تخرج خلها تروح وراقب المويه اللي بالقربه وزيدها اذا يحتاج ليييين تشوف المويه اللي تطلع من اللي كأنك فاتح بزبوز مويه صافيه من الفقعات رجعه اللي بمكانه وزيد الناقص وانشاء الله امورك بالسليم ....وللمعلوميه الخط اللي بعد 80 يعني 100 اذا وصل له ترى طبيعيه لا تقلق وخاصة نحن بوقت صيف الحراره من 45 وفوق ما تلام السياره لو ترتفع حرارتها لكن لو وصلت فوق 120 سوي اللي قلت لك عليه واذا ما فاد شيك على راس المكينه من الممكن انه مشطوب واتمنى انك تحصله سليم والمويه اصلي يجي ازرق استخدمه مع مويه مقطره ....بالتوفيق واسف على الاطاله لكن نبي نحل مشكلتك بأقل تكلفه ....تحياتي لك

[ابو صالح 4]

السلام عليكم جميعا
اشكر وممتن لجميع من شارك في حل المشكله اخيرا وديته لواحد مهندس طلع فيه البلاوي غير زيت القير وغير جميع الجلب اللي تحت وكذالك بلف الحراره ووجه المكينه وايضا الفحمات امامي وخلفي مع الحسا سات
واخيرا انحلت المشكله بس طلعت عروس مره لا عدمت هذا المنتدى والرجال شرواكم والله اني عاجز عن شكركم

[الميل1]

شيك على بلف الحرارة او غيره جديد

[طارق المحتسب]

طيب يا اخوي السيارة اذا كانت مكينة شبح يعني ممكن يكون من كلتش المروحة هذا شيء الشيء الثاني بلف الحرارة ممكن ولازم يكون مقاسه 65 وفي عندك كمان الكنداسة ممكن تكون شبه مقفلة وممكن يكون مقدمة الرديترات مليانة تراب ( يعني شبك الرديتر ) وهذا بيمنع الهواء من الدخول .... في كذا سبب اخوي انت بس محتاج ميكانيكي فهمان وبيخاف الله