الفزعه يالربع طير مريض ونبحث له عن علاج

[مشاري التومي]

احدالزملاء عنده طير قاله المستشفۍ بالرياض ان فيه اكياس هوائيه افيدونا ياأهل الخبره&

[سلطان 1]

اغلب الطيور
يوم نفحصها في المستشفي يقولون فيهاا
اللتهاااااب في الاكيااااس.
لا تخاااف شي طبيعي ولا يأثر علي الطير ابد.
حتي بعض الوحوش اليا فحصناااه نفس الشي يعني
شي طبيعي.

[قرناس حوران]

الطير اذا مايرتفع فأنه كلام المستشفى صحيح واذا الطير ماعليه خلاف في الارتفاع
فأموره بالسليم وعسى الله يوفقك

[سابوح]

بصراحه كان التشخيص صحيح انا ذبح عندي شيهانه هذا المرض

والله اعلم ...

[صقار المدينه]

يفيدونك اهل الخبره باذن الله

[مشاري التومي]

اشكركم يااخوان علۍ سرعة الاستجابه
الطير ياكفخته يفح (يلهث) ثواني بسيطه ويرجع طبيعي ولايلهث الاحين تكفهه اواذاكان يكفخ وهومربوط بس الأرتفاع علاحسب الحمام ومن تدعيه يردم فوق عليه ارتفاع طيب والعام مافرط ولاحمامه لاكن الحمام حمام عشه عادي مره سلم ومره نقصرمن الدواغرشوي ويلحقهاويرهي عليهابلأرتفاع ومره وحده زبنت شجره وطرحهاعلامنزلت جاهاكاتف من فوق وذبحها اول مايطيرتحس به ثقل شوي واذانزلت من صنعته تحسه احسن والهثه تخف ٥٠٪ وهسنه ماجربناه

[ابو عضيله]

ياخي انا مره من المرات وقبل كم سنه شريت طير من السوق ومريت المستشفى وفحصته قالوا فيه اكياس هوائيه وانا على بالي ان الاكياس الهوائيه مرض النهيته وبعته على احد اخواي على انه مريض ومصاب بالنهيته ودعاه الرجال وقنصبه وباعه والحين ماشاءالله عند واحد من ربعي مابه الا العافيه يهده ويصيد وطيب فلا تاخذ على بالك الاكياس الهوائيه حسب قول المستشفى مرض بسيط عادي جدا واستعمل العلاجات اللي يصفها لك المستشفى ويطيب

[خيرها بغيرها]

مرحبا ياخوان

كلامكم جدا عين الصواب انا كذالك حصلي هذا الموقف مع المسشتفى قالي الطير فية التهاب اكياس هوايئة بصيط انتبة على طيرك يا غير بدل طيري اعرفة ارتفاع وسبق ومن بعد ذلك اليوم بديت اشك في مصداقية الفحص الى اذا فية شي يشوفونة بالمجهر هاذا شي ثاني سبحان الله الي علم الانسان ما لم يعلم
تحياتي

[مشاري التومي]

شاكر لكم مروركم الكريم
بيض الله وجيهكم

[ابن بريده]

ريح الطير وعطه العلاج اللي من المستشفى ولا تعرضه لمكان في غبار ولا تفحم الطير في الدعو لان التهاب الاكياس الهوائيه مرض مزمن ولا يشفى منه الطير لكن يمشي حاله

[مشاري التومي]

بيض الله وجهك يابن بريده

[سنجااار]

الاكياس الهوائيه سبق ونزلت صورة العلاج وانا مستعمله والحمد لله تشافى الطير

عندي فرخ وعطيته كم كورس علاج ولاتشافى وهو بين من شليله نفسه دمار

مريت الصيدلية البيطريه واخذت العلاج سعره 25 تسحب منه بأبرة السكر ربع الابره

اذا الطير وافي ولايقل وزنه عن 1000

يعطى العلاج في ثنداة الطير لمدة خمس ايام مره باليوم

والله يشفي الطير

http://im13.gulfup.com/2012-09-08/1347082496611.jpg

ولابد تظيف مناخر الطير

العلاج من دكتور بيطري

آمل اني افدتك

سنجار

[مشاري التومي]

يعطيك العافيه اخوي سنجار بنسبه للعلاج هذا يعطا الطير قبل العلف اوبعده

[الجره جديده]

ياما وياما قالو اكياس
لكن اذا الطير يرتفع على كلام الاخوان ماعليه خلاف عطه مضاد وبعد المضاد اجرده لاتاوي له
واذا كفخت الطير وشفت المناكب تنزل وتطلع والا الطير يفتح فمه ويسكره مع التنفس عطه الابره

وسكر فم الطير اذا عيونه ترد نضف خشمه

[مشاري التومي]

اخوي الجره جديدة
شاكر لك مرورك الكريم
وفعلاً وصفك دقيق للحاله

[ابن بريده]

الاكياس الهوائيه مرض مزمن وقلل من كفاءة الطير