مشكلتي مع القلص ( العربة )

[الموقر 1]

عندي عربة صناعة ألمانية لكن لدي مشكلة لما أرجع إلى الخلف تذهب أقصى اليمين أو أقصى الشمال ومن ثم تصدم بالسيارة بالصدام .

ما الحل مع هذه المشكلة .

[الربان]

اخي الموقر1 السلام عليكم ورحمة الله وبركاته (في حدود علمي أن هذا أمر طبيعي لأنها مقطوره ، لذا يجب التعامل معها مثل الشاحنات-التريلات-هذا والله اعلم )

[راعي الرجم]

حتى تقدر ان توجه المقطورة بالوضع السليمة
عليك ان تعلم ان الانعطاف يمين يوجهها يسار
والانعطاف الى اليسار يوجهها يمين

[aziz2727]

هذا الامر طبيعي ..
بس علشان تتلفا ولو شي بسيط من ان تصتدم في السيارة
حاول تطول العمود الذي يبط العربه بالسيارة
ومع ذلك كن حذر

[إبن فيصل]

أنا أتفق مع الاخ راعي الرجم في قوله كلامه صح ومزبوط...
لكن هناك حل آخر لكنه يمكن يسبب بعض الصعوبه في الدوران للسيارة يعني يطول شاص السيارة وهو يتمثل في أن توصل القلص مباشرة في السيارة عن طريق الهوك بحيث يصبح ما سك بالسيارة ولا يروح يمين ولا يسار أبد...يعني وصلة بالسيارة يعني تطلع السيارة وصلة وحدة وعيبها أنه بتطول السيارة وبتصير ما تقدر تأخذ اللفات صح مثل القديمة لكن .............تبغ النصيحة الاولة أحسن ليش لأنه متحركة ولا تطول الشاص عليك وحلوه في أخذ اللفات.
لكن قليل الواحد يدق ريوس والقلص معه..الا إذا كان يبي يوقفها بالبيت وحلها أنه يفصل القلص ويسحبه هو وأحد أخوانه أحسن.
شكراً لطولة بالكم على الاطالة مع تحياتي..إبن فيصل،،

[الموقر 1]

الإخــوة ...

الربان

راعي الرجم

aziz2727

إبن فيصل


شكر الله لكم سعيكم وتفضلكم بالرد .


أرغب بأن استفيد من هذه العربة في هذا الصيف للذهاب بإذن الله إلى مكة والطائف والمدينة ولكني أفكر بهذه المشكلة .


أسأل الله أن ييسر لي الذهاب إلى الحرمين وأن يوفقني لآداء العمرة وأن يتقبل منا ومنكم ومن جميع المسلمين ، وأسأله سبحانه أن ينصر المسلمين في كل مكان وأن يعلي راية الحق وأن يرحم المسلمين أجميع الأحياء منهم والميتين .

[غالي]

عندي لك حل
مثلا انا معي لاندكروزر وحديدة السحب الي فيه يمينها ويسارها حديدتين دائريه
اذا كان موترك فيه ؟
طال عمرك رح لورشه ومعك سلسله حديد ويركبها في الدائرتين ويشوف وزنية اللفه للعربه لين يوصل عند الصدام بدون مايضربه ويقص الطول عليها .... بحيث ان وصلت العربه للصدام على طول تمسكها السلسله وتشوف العربه تزحف بدون ماتوصل للصدام
اتمنى فهمت؟ :)
وان مافهمت اسألني عن الي مافهمته وانا ابشوف ردك واشرح لك اكثر ولو عندي صور كان حطيتها لكن ابوضح لك بالكتابه
وان كان موترك مافيه هالدائرتين يشوف لك اي شيء تحت الصدام ويركبها لو مسامير تحت الصدام يفكها ويركب مسامير راسها دائريه كبيره بس يكون من النوع العريضه علشان ماتنقطم
اخوك /غالي^الأثمان

[الربذي]

السلام عليكم
اخي الفاضل المؤقر
هلا بك
عندي قلص ونفس مشكلتك بالضبط
لكن كنت ماني ناوي ارد على موضوعك لين قريت ردك انك تبي تاخذ القلص معك لمكه والمدينه
وحبيت اقول لك وانصحك نصيحه لاتاخذه والله يبهذلك ليش هناك المواقف ماتلاقها لو سيارتك ايكو وشلون وانت معك قلص لانك تحتاج مكان واسع مره عشان تركن فيه وياسعك وقلصك ولا تبي تريوس ويلف معك وقد تنساه وتريوس وينكسر وزحمة الشوارع هناك نصيحه لاتاخذه ّّّّّّ.......................................(((.. اذا مصمل ركب سله خلفيه خلف الصدام قيمتها اضن 300 ريال وتجي انواع ))))
وبالنسبه لانعطاف القلص لازم واحد ينزل ويعدله وانت تريوس بس اذا كان مامعك الاالاهل وش تبي تسوي تطلب من واحد انه يعدله لك ولاشلون
او طريقه سلسله باطراف القلص وتثبت بالصدام وماليلف معك بالريوس بس ياخذ ماسحه اكبر بالفه
لكن نصيحه تراه راح يبهذلك واذا رايح رايح تذكر نصيحتي
اخوك ومحبك
الربذي

[الموقر 1]

اخوي الربذي .........

وعليكم السلام ورحمة الله وبركاته .

هلا والله فيك ... والله الموضوع ياكل معي ويشرب وجربته في البر ممتاز بس لا تريوس يعني خلك على قدام وهذي مشكلة ، وكلامك يخليني اصرف النظر في اني اركبه ابركب الشنطة اللي فوق السيارة أصرف .

جزاك الله خير .

[غالي]

اخوي الموقر1
الظاهر ماشفت الحل الي عطيتكياه؟
اتمنى تشوفه تراه معروف خصوصا عن الغرب هنا قله نستخدم السلاسل وهي الحل الوحيد الي تحمي السياره عند الريوس
من حرصي بس لك كتبت للتنبيه والله لايحرمك من شوفة الكعبه وحنا وياك

[مريقب العيفار]

اخوي الموقر اعتقد انك عدلت عن فكرة اخذ القلص الى مكة

وانا اؤيد هذا الرأي

تقبل الله منا ومنكم صالح الأعمال

لكن بالنسبة للمشكلة فانا ارى ان حل الأخ غالي حل جميل

وغير مكلف

[كايدهم11]

انا اقول قلصك مو شي وش رايك تبيعني اياه

[عبودكم]

كنت أعاني من نفس المشكلة مع القلص لكن بكثرة التدريب يعني تحسن الوضع شوي
أما بالنسبة للسلاسل فكرتها خطيرة خاصة عند اللافات الحادة إلا إذا خليتها أختيارية يعني تربطها إذا جيت ترجع ممكن مع أنه يمسح كفرات القلص .
ملاحظة (ملحوظة ) :
1- إذا جيت ترجع للخلف بالمقطورة إرجع بهدووووووء (هذي نقطة مهمة ) وتابع وين يتجه القلص إن راح يمين رف يسار وإن راح يسار لف يمين واللفه يجب أن لا تكون حادة وإذا انحست قدم شوي بس وعاود التجربة من جديد وكرر هذي العملية بعد كذا تقدر تدخل القلص بالقراش وأنت مرتاح

[الرهدن]

أظن إن القلوص الأفضل تصليحها هنا وأما الخارجي فأظنها لاتناسبنا ولالبيئتنا00
اللي حصل معك أخي شئ طبيعي وسوف تعتاد عليه00 لكن عليك بالهدوء أثناء الرجوع00


.

[بني حسن]

اخي الموضوع ينتهي بالتدرب على الريوس بالقلص واحسن مكان للتدرب هو البر
علما ان القلص صعب قيادته داخل المدن