استفسار يهل الشوزل الربع

[ابوفهدٍ]

السلام عليكم ورحمة الله وبركاتة


كيف حالكم ان شاء الله تمام

عندي استفسار عن الشوزل الربع هل هي قويه وتوصل وهل الفشق الي لها رخيص

وجزاكم الله خير

[Messerschmitt]

ربع الشوزل جداً ضعيفه وفشقها غالي وردي

[مدمن مررقوق]

النص والربع ما تنفع الا للشايب اللي ما يبي بندق ترجف

خذ لك شوزن اصرف لك

[ابو تركي 502]

ابعد عنه مهي زينه ولاتبرد الكبد

[المنطلدز]

فشقه ضعيف بالحيل

[هبوب العارض]

ضعيفه جداً وفشقها غير متوفر بالشكل المطلوب
ووغالي

[حمد النامي]

اذا تبي خذ لك شوزن كامله واذا تبي نص خذ لك برازيليه تجيب الطيار أما الربع لا تقربها

تحياتي ..

[سيف رعدة]

من معلوماتي عن الربع الشوزن اللي كانت عند الوالد منذ سنين طويلة (أكثر من 30 سنة)، فقد كان الوالد حفظه الله يسميها (بث)، كناية عن عدم حرارة رميها وفشلها في قنص الطريدة (والتي كانت القميري غالباً).
فمن خلال هذه التجربة، فلا ينصح بها أبدا، وقد حدثني الوالد أن بعض الناس كان يصيد الدخل بربع الشوزن!!!، مما يعطي انطباع انها بالكاد تطرح الدخل.

قد أكون بالغت، لكني أنقل تجربة للوالد حيث كنت أرافقه أنا وأخوتي ونحن صغار أثناء الصيد ونشاهد ردة فعله عند الرمي بها.

ولا أذكر نوعها حقيقة. وتقبل مروري وتحياتي

[ابوفهيدان]

انا عندي المانية ربع
ضعيييييفه مرة ومستحيل تصيد بها طيار

انا استخدمها للفري ووقت الصفار فقط

[مكشاتي 33]

لا تقربها اخوووي تراها ماهي زينة
وفشقها غالي وماهو موجود

[ابوصالح3]

بالنسبة لفشقها عندنا بالشمال غالي وبالقصيم شريت الدسته ب130 ارخص منا ب70 ريال

والبندق ,, تصلح للصغار او للشياب

خذها اذا قيمتها رخيصة وخلها عندك يمكن تحتاجها بيوم من الايام ,,, فالسلاح اللي موجود الآن يمكن يختفي بكرة

[هزاع المطيري]

بالنسبه لقوتها بالعكس قويه حيل
بس البلا من فشقها ماهو هالقوه لان الفشق الزين والقديم الي هو الالماني قطعوه بالسوق كله
حتا ما يوجد بالككويت والفشق المتواجد لها الحين ضعيف لاكن مو كل هالضعف
عندنا شوزن ربع كانت عند جدي وصناعتها قديمه حيل , ولابها الا العافيه وماعندك احسن منها
بس المشكله من فشقها !

[تربة الشمال]

ترها ماتبرد الكبد والفشق غالي

[ابوحسن ...]

الاخوان ما قصروا

[ابوفهدٍ]

جزاكم الله خير على المعلومات القيمه وشكورين على ردودكم