المساعد الشخصي الرقمي

مشاهدة النسخة كاملة : مطلع قصيدة لي اريد بنا على البيت من الاخوه( تجديدالمعاني)


صقارالواحة
05/09/2012, 01:48 PM
:l:l:r:fمتى على الله ننقل الطير ونشيل العـزبه الي كـل شي بضهرهـا
صقارالواحة
05/09/2012, 10:27 PM
نفســـي تحن لشوفة أسهيل بالحيل وعلى النجــوم السا رية مع قمرها
متى على الله ننقل الطـــير ونشيل الـعـزبة اللـي كـــل شــي بضهرها
مع صحبة صدو عن االقال والقيل لــقو الوناسـة والــردي ما حضرها
احد معه دلة ويــازن بهــــا الهيل واحد يجمــــــع جـرمة هو كـسـرها
وهذا معة طيرن يبي شوي تدهيل من عقب ربطة مبطين عـن سفرها
صافى السريره
06/09/2012, 02:29 AM
نفســـي تحن لشوفة أسهيل بالحيل وعلى النجــوم السا رية مع قمرها
متى على الله ننقل الطـــير ونشيل الـعـزبة اللـي كـــل شــي بضهرها
مع صحبة صدو عن االقال والقيل لــقو الوناسـة والــردي ما حضرها
احد معه دلة ويــازن بهــــا الهيل واحد يجمــــــع جـرمة هو كـسـرها
وهذا معة طيرن يبي شوي تدهيل من عقب ربطة مبطين عـن سفرها
في خايع(ن)قفر(ن)ثري(ن)من السيل
,,,,,,,,,,,,خضار باذرها يشيوق نظرها
يمسون فمعشاً معه ليلهم ليل
,,,,,,,,,,,رقاقة(ن)باللين ربي عمرها
وامير حملتهم ندر في الرجاجيل
,,,,,,,,,,,ابومحمد يوم نفسه عسرها
يم المراجل وادرك الطيب حلحيل
,,,,,,,,,,,لاجت مع الشدات روحه نذرها
يوم اصبحو حرصو بقص المساييل
,,,,,,,,,, ناداهم الملحوم بشر بثرها

هذه فقط محاولة يبو محمد وان شاء الله ماتخرب الندر اللي فوقها

اخوك/آل-بوهلال التميمي(ابوراكان)
أبهار
07/09/2012, 11:41 AM
السلام عليكم ورحمة الله وبركاته

متى على الله ننقل الطير ونشيل = العزبة الي كل شي بظهرها
مع شلة أقرومً ولاتعرف الميل=بنص الشهريضوي عليناقمرها
وصقارالواحه شد وسطه حبيل=يطرد له حبارى يتبع أثرها
الصبح قنصن بين غدران وتليل=وباليل نسمربين عشب وشجرها
ناسن تسابق بدقة البن والهيل=وناسن تونسنا بقصايد أعبرها
وبعد العشاء فرضه ثم سنة اليل=أندور الراحه ولا خير بسهرها
مع تحيات أخوكم بهار
صقارالواحة
09/09/2012, 10:44 PM
صح لسانك يابو راكان وصح لسان اخوي بهار على الابيات المعبرة بشوق للمقناص
ابو البر
11/09/2012, 11:05 PM
متى على الله ننقل الطير ونشيل ..........العـزبه الي كـل شي بضهرهـا
نهيم في قفرا كما هيمة الخيل ......... وننسى المدن لو ليلة(ن)من قهرها
يحليل قلبن ماعرف سمرة الليل......... مع شبتن للنار وريحة سمرها
يدق بالمهراس بنن مع هيل .......... ويزلها في دلة(ن)له خبرها .
ويازينها لصبحت والريق تهليل ..........وعينك تشوف اللي يمتع نظرها

الجود من الماجود وحبيت اشارك وسامحوني .
صقارالواحة
12/09/2012, 08:05 AM
صح لسانك اخوي ابو البر وماقصرت