وش الحل في تقطيع الوحش لسبوقه ؟؟

[ابن قرمله]

سلام عليكم ورحمة الله وبركاته
طيرتي ثالث مره اشتري لها سبوق تقطعه تقطيع حطيت فقس ما فاد حطيت على السبوق حلبه عشان الريح ما فاد وش الحل برئيكم

[alrefai]

ضع ثوم على السبق ولاتشد السبق على رجلها وطول السبق اربطه بي خيط داخل البيت بحيث يقدر ينزل تحت الوكر

[alrefai]

طبعا لاطول الخيط اذا هو وحش او توه مدرب وخلي عليه البرقع

[ابن قرمله]

هلا اخوي حطيت ثوم ما فاد لدرجة اني بغيت احط لها فلفل بس خفت لا يجيها شي

[قرناس حوران]

تأكد ان السبوق مريحه للطير ومشكلتك قد عانيت منها بمثلوث وحطيت عليها مره وعلى كفوفه وانقطعت هالعاده منه

[عاذي]

فية برقع خاص بالطير اللي ياكل مسابيقة مسكر من قدام البوز .

[ابو عضيله]

مالك الا البرقع ابو لجام ينفع بس بعض المرات تنشب فيه مخالب الطير الى احتك

[خيال سهيل]

برقع ابو لجام ازين حل يجي على البوز قطعه من جنس البرقع ما تضايقه بس ما يقدر يقطع السبوق
واحمد ربك فيه شياهين تاكل رجلها تبي السبوق وتحط حرتها برجلها

المهم كان مالقيت البرقع ذا تقدر تسويه انت ترهمه هههههه على قولت اهل السيارات

[ابن قرمله]

وين القاه البرقع الله لا يهينكم وهل اخليه عليه طول العمر ولا اسبوع واسبوعين لين يترك عادته بجرب العويدي واذا ما فاد بشتري البرقع الي انتم تقولون

[سعود ابوراشد]

البرقع يالغالي تلقاه بمحل الصقر والصقار

[ابن بريده]

مالك الا هذا البرقع خاصه الايام الاولى يمكن يتطور الامر وتاكل المخالب

[نهار19]

هلابك اخوي لو ترش السبوق بمويه وترشها ملح ناعم عشان يمسك فيها وتكرر الطريقه كل يوم لين يمل ويكره الطير ،،،،،،،،،،، الحل الثاني تنقع مره وتمسح المسابيق كل بعد خمس ساعات تقريباً وان شاالله يكره ويعاف الطير وتقبل مروري

[الشلاعي]

حاول كل مايجي بيقطع السبوق ترشه بمويا وان شاء الله يتركها اصبر على الطير ......ز صارت معاي بجبليه وراحت مع الايام ....... بس انتبه على السبوق لا يقطعها الطير حط سبوق قويه وانتبه لا يكون ماهي مريحه لرجل الطير تاكله وعشان كذا بيفتك منها

[راعي الطييب]

الحل المجرب وميه ميه

حط على السبوق

فت كبسوله مضاد حيوي على السبوق وراح يذوقه ولا يقرب له نهائيا + مراح يضره ان شاء الله :)

[رعد المطر]

برقع ابو لجام واذا مافيه حط فلفل حار بعد طحنه على السبق وسترا وبشرنا ياخوي

[سنجااار]

الحل قص بوز الطيره وبترتاح ( قصره ولاتبرده عشان ماتنتشه لين ينقطع )

تقبل مروري

[قرناس ثالث]

الله الله بالشناذرة حطها على السبوق وباذن الله ماعاد ياكلها ,,

[قناص2000]

اخي الكريم الله يعطيك العافية ان شاء الله
تاكد من سلامة سبوق الطير من اي شيء يحول بينه وبين السبوق تفقده .واذا مانفع ذلك عليك بالثوم او المره بدهن السبوق زين فيه ناس حطوا الفكس لكن ما انصح به لاسباب اهمها سلامة الطير من مكروه لا حمس الله واما من ناحية البرقع خذ برقع الطير ورح اكرمك الله انت ومن يقرا لراعي اصلاح النعل الجلد ويركب لك قطعه من الجلد على مقدمة البرقع من جهه البوز على حسب المقاس اللي تبيه ويقفلها من فوق ومن تحت بالكبس الدعوه كلها ماتكلف بالكثير 5 ريال.
وفالق التوفيق وانا خيييك

[ابن قرمله]

بيض الله وجيهكم لاكن ما نفع لا ثوم ولا مر ولا حتى الفلفل كلها ما نفعت الحين اخر حل البرقع بشتريه واشوف والله انها تعبتني معها خامس اسبواق اشتريه وهي ما بعد كملت معي شهر ولا هنتو على مساعدتكم وأرائكم

[جفنان ينبع]

اخي ابن قرمله تأكد من سبوق الطير لاتكون مضايقته ( شاده عليه بالحيل)

سمعت هرجه من ناس لهم خبره بالصقور اللي تقطع السبق ولا تجرح كفوفها

يدبلون البرقع يعني حط برقعين فوق بعض واثلاث كل برقع اكبر من الثاني

والفايده منها ان بوز الطير ما يصل للسبق وكذا تطرح اللي براس الطير

[ابن قرمله]

طيب شريت برقع ابو لجام كويس بس اذا فرعتها قطعته وش السوات هذا الي عقدني

[عساف @]

حلك عندي
1 اشتر سبوق جديده
2 خيط حداق قياس 60 خيط سناره
دخل الخيط بول السبوق وابرمه علا السبق من اوله لين اخرته وبعدها اعقده وصمخه بصمغ حديد وركبه بطير وانساها بذن الرحمن مايضرها ولا يضرك انا لي اكثر من ست سنوات مع الطريقه هذي خصوصن لشاهين بلمقيض

[ابوحسن144]

اقووول : قلها يكفي دلع فراخه
كل يوم اشري سبوق ؟
هههههه

هذي الشياهين أغلبها تقطع السبوق
وسبق عندي شيهانه لكن اكثر شي تنتف الحبل
وانت حاول ان تشوف السبوق يكون وسيع ترتاح الأرجل
وكثرة البرقع عليها احسن
هذا ما جربته

[عواد الشمري2]

شف ابي اقول لك حل وجربه خل الطير على كفك وكل ماقام ينتف اندغ الطير وعلى هسالفه ان الله يسر تزين اموره يعني ططول منت فاضي خله على كفك وهو مبرقع او خله على التكايه وخلك عنده من يبدا اندغه