بخصوص ثلاجه الطمره

[قرناس حوران]

السلام عليكم ورحمه الله وبركاته
مساكم/وصبحكم- الله بالخير كلن ووقته ياجماعه الخير شريتلي ثلاجه الطمره
من رجال والثلاجه جديده لاكن ماعندي اي خبره بالكهرب حق الجيب وليتكم تفيدوني يالاجاويد يعني اروح اركب بطاريه اضافيه والا احطلها محول والا وش الوضع ولو تفيدوني بأفضل شي ومن الي يصلحه لي بأي ورشه بالرياض والا القصيم مع العلم الجيب باترول 2009 صالون

[الخولاني]

وانا اخوك انا موجودة عندي واحدة لها فوق السنة شابكها على طول بالولاعة وشغالة من اروع ما يكون ما شاء الله لأن ما احب اضافات الكهرباء بالسيارة

[علي العساف]

افضل سي تركب بطارية اضافية وتريح راسك من واقع نجربة
وهناك عدة ورش يالقصيم والرياض
عندك سوافي والصبي والعزام بالرس ويفيدونك الاخوان

[قرناس حوران]

وانا اخوك انا موجودة عندي واحدة لها فوق السنة شابكها على طول بالولاعة وشغالة من اروع ما يكون ما شاء الله لأن ما احب اضافات الكهرباء بالسيارة

جزاك الله خير على ردك وهاذا الي كنت ناويه لاكم قلت اخاف يصير تأثير على البطاريه والكهرب وقلت اشاوركم

[قرناس حوران]

افضل سي تركب بطارية اضافية وتريح راسك من واقع نجربة
وهناك عدة ورش يالقصيم والرياض
عندك سوافي والصبي والعزام بالرس ويفيدونك الاخوان

الله يعطيك العافيه وشاكر مرورك الكريم

[حزم نجد]

عندي ام فرار 35لتر شاريها من المزيد بالرس قبل سنوات واشغله بالولاعه وزي الحلاوه ماشفت منها شي والبطاريه تمام اللهم لك الحمد والشكر

بالتوفيق

[hadad_999]

فيه محل ببريده اسمه احمد للرحلات
ممتاز بالثلاجات
انا عندي الطمره وطلعلي سلك من البطاريه للثلاجه ماشاء الله تثليجه صار افضل من اول


موقع المحل بشارع الثلاثين بالفايزيه قبل الاشاره الخماسيه ع اليمين قبل محطة الدريس

[أبو الحارث 4]

ركب بطارية ثانية والفيش مثل فيش الآيكوم حتى ما يفصل مع المطبات وترى النتيجة: ثلاجتك مثل ثلاجة البيت، موفق إن شاء الله.

[قرناس حوران]

الله يبيض وجيهك ويجزاكم الف خير

[ابو شريفة]

أفضل شي تركب بطارية أضافيه علماً ان فيه مساحة بالكبوت وتستفيد منها بأشياء ثانية مثل
1- لمبه للكبوت وتشغلها بليل.
2- لمبه بالصدام الخلفي وتحت باب السواق لو عندك تآنكي
3- للكنود اذا عندك كنود
4- اذا كان معك محول كهرب من 12 فولت إلى 110 أو 220 تستفيد منه
افضل من تستخدمها على الولاعه ربما يحتر ويحرق عليك او يقطع لك فيز تقعد بالخلا لحالك ههههأي وثلاجة الطمرة مشهورة بسحب الكهرب فأنتبة
واذا على محل شغل زين ، العثيم صناعية الرواف يمدحون شغله والله اعلم
دمت سالم

[قرناس حوران]

أفضل شي تركب بطارية أضافيه علماً ان فيه مساحة بالكبوت وتستفيد منها بأشياء ثانية مثل
1- لمبه للكبوت وتشغلها بليل.
2- لمبه بالصدام الخلفي وتحت باب السواق لو عندك تآنكي
3- للكنود اذا عندك كنود
4- اذا كان معك محول كهرب من 12 فولت إلى 110 أو 220 تستفيد منه
افضل من تستخدمها على الولاعه ربما يحتر ويحرق عليك او يقطع لك فيز تقعد بالخلا لحالك ههههأي وثلاجة الطمرة مشهورة بسحب الكهرب فأنتبة
واذا على محل شغل زين ، العثيم صناعية الرواف يمدحون شغله والله اعلم
دمت سالم

الله يعطيك العافيه وشاكر مرورك يالغالي

[سرهيد]

السلام عليكم

ويا مرحبا بالجميع

ما قصروا الاخوان بيض الله وجيهم جميعا

من الافضل لك ولراحة بالك ان تضع بطارية اضافية بحيث تكون منعزلة عن البطارية الاساس .

وراعي البر بيحتاج البطارية الاضافية في لمبات وغيره

ومع ذلك اذا انت ما تطول موقف في البر فتر البطارية الاساس كافية

وموفق خير اخوي الكريم

تحياتي لك

[قرناس حوران]

السلام عليكم

ويا مرحبا بالجميع

ما قصروا الاخوان بيض الله وجيهم جميعا

من الافضل لك ولراحة بالك ان تضع بطارية اضافية بحيث تكون منعزلة عن البطارية الاساس .

وراعي البر بيحتاج البطارية الاضافية في لمبات وغيره

ومع ذلك اذا انت ما تطول موقف في البر فتر البطارية الاساس كافية

وموفق خير اخوي الكريم

تحياتي لك

حياك الله وشوركم وهدايه الله ابركب بطاريه اضافيه وخليها للنبات والثلاجه وشاكر مرورك الكريم

[ابو شريفة]

دامك اخذت الشور الي عطيتك ركب بطاريه 90 أمبير ماركة قولدن تراه حلوة وعمليه
الثانية اذا انت بالقصيم صناعية الرواف العثيم اول مدخل يمين سيدا اخر محل
دمت سالم

[قرناس حوران]

دامك اخذت الشور الي عطيتك ركب بطاريه 90 أمبير ماركة قولدن تراه حلوة وعمليه
الثانية اذا انت بالقصيم صناعية الرواف العثيم اول مدخل يمين سيدا اخر محل
دمت سالم

الله يعطيك العافيه يابو شريفه واشكرك جزيل الشكر يالقرم وورشه العثيم معروفه واتكلنا على الله

[ابو شريفة]

أخـوي قرناس حوران : لآتنسى تركب منظم بالنسبة للبطارية الاضافية عشآن ماتحترق عليك الضفيرة او يحمل على الدينمو لان الموتر يبي يجيه كهرب زايد حق بطاريتين يعني 24 فولت فلذا انصحك به وسعره مآبين الـ280 إلى 300 ريآل.
دمت سالم

[عشق الجبل]

ماقصروا الشباب كلن سباق للخير وانت الله يوفقك

[قرناس حوران]

أخـوي قرناس حوران : لآتنسى تركب منظم بالنسبة للبطارية الاضافية عشآن ماتحترق عليك الضفيرة او يحمل على الدينمو لان الموتر يبي يجيه كهرب زايد حق بطاريتين يعني 24 فولت فلذا انصحك به وسعره مآبين الـ280 إلى 300 ريآل.
دمت سالم

الله يجزاك خي طيب منين اجيب المنضم والا بالورشه يركبونه يعني موب مشكله السعر
يعني اشريه واوديه للورشه والا اقولهم بس ركبولي منضم

[قرناس حوران]

ماقصروا الشباب كلن سباق للخير وانت الله يوفقك

الله يجزاك خير شاكر مرورك الكريم

[ابو شريفة]

أهـلأا اخوي قرنأس : بالنسبة للمنظم تلقاه عند طال عمرك عروق الشمال ، وعندهم طال عمرك فلبيين فنين محترفين بالكهرباء خلهم يركبونة لك من إلى افضل من تاخذ القطعة من جهه وتركبه بجهه ثانية على حسب ماذكر لي من شخص يعرف صاحب المحل شخصياً طبعاً انا قاعد اسوي له دعايه المفروض يخلين اتقضى بلاش هههههههههه
دمت سألم

[قرناس حوران]

أهـلأا اخوي قرنأس : بالنسبة للمنظم تلقاه عند طال عمرك عروق الشمال ، وعندهم طال عمرك فلبيين فنين محترفين بالكهرباء خلهم يركبونة لك من إلى افضل من تاخذ القطعة من جهه وتركبه بجهه ثانية على حسب ماذكر لي من شخص يعرف صاحب المحل شخصياً طبعاً انا قاعد اسوي له دعايه المفروض يخلين اتقضى بلاش هههههههههه
دمت سألم

ههههههههههههههههه والله مفروض انك تقضى ببلاش
الله يعطيك العافيه اجل بأذن الله الاسبوع الجاي عندهم