ماهي احتياجات الأطفال في الصحراء

[توكلت على ربي]

الوجية الطيبة
استفسار :

إذا سكنت المعلمة مع اطفالها في منطقة صحراوية
هجرة لافيها مستشفيات ولا جوال
وش المفروض تاخذ معها؟
طبعا راح نودي المعلمة لهجرة في وادي الدواسر تسكن مع زميلاتها المعلمات في مدرسة مغلقة
وعندهم حارس

حاولنا نجهز لها ولأطفالها صيدلية:
دواء كحة
علاج للحرارة
حبة سوداء
مرة
ديتول
لصاق جروح
بنادول
يانسون



انتظر نصايحكم وارشاداتكم
بشكل عااام لأي مسافر سفرة طويلة 3 شهور
المستلزمات المطلوب توفرها معه؟

الله يحفظنا واياكم في الحل والترحال
والسفر والاقامة

[قرناس حوران]

السلام عليكم ورحمه الله وبركاته
عسى الله يحفضهم وويسر امرهم ويحميهم الواحد الاحد
وادي الدواسر فيها مستشفيات ومستوصفات وكل شي متوفر بأذن الله
واتوقع ان الهجر الوقت الحالي ماتخلو من بعض الاشياء الي ذكرتها ولكن لايمنع احتياطا
وسأل الله العلي العضيم ان يستر عليهم وييسر امرهم

[توكلت على ربي]

المكرم الاخ قرناس اشكرك على الرد
لكن هذي هجرة وليس الوادي الوادي زين وكلش متوفر فيه
هذي بعيد عن الوادي تقريبا400 كيلو لايوجد فيها الا دكان واحد بس والخط الي يودينا لها غير مسفلت
مافيها مستشفى ولا تلفونات مافيها الا الثريا
وسكانها شوي مايجي عشرين بيت

[FaisalA]

قطرة تنظيف للعين
قطرة ماء وملح للانف

[قرناس حوران]

اخوي انت تعني قريه قمران كلامك صحيح ولكن يوجد لها طريق جديد يسمونه طريق الجيش من القويعيه لقمران ٢٠٠ كيلو ويوجد فيها بيت للمعلمات وتوصلت لرجال وحده من اهله درست فيها ويقول الحمدلله امورهم طيبه بالحيل ويوجد بيت يسكن فيه جميع المعلمات ويغطون بالدوامات على بعض يعني تقدر يغطون عليها صحباتها المعلمات الثلوث والربوع ارجو اني افدتك ببعض المعلومات ولا اريد سواء الدعاء لي ولوالديني

[الرحال2222]

لا تنسى مضاد حيوي للكبار والصغار دوا للمغص والنزلات المعوية علبة اسعافات اولية متكاملة
وجوال الثرياء على الاقمار الصناعية

[الأحوذ]

سلاح خفيف لابد منه ، حفظنا الله و إياهم من كل سوء و مكروه...

[ابولولو]

الله يكون باالعون ويهون الامور ويمشى الشهور على خير له

1-ميزان حراره

2-مرهم حروق

3-ملابس شتويه

4-شانبوا للقمل

5-مكينه حلاقه للاولاد كهرب

6-مسحات طبيه وشاش

والاخير اعانهم الله وصبرهم والله انه مهزله هاالوزاره حسبى الله ونعم الوكيل

[كل نظر]

اعانكم الله

اعمل حسابك لعمل احتياط لكل شيء من مسكنات الالآم بمختلف انواعها وحافظات طعام وكريمات البشرة ودوافير الطبخ واخذ اكثر من جوال للثريا و بطاريات شحن زيادة واغطية للنوم وملابس والعاب للاطفال .........

[هابكيدو]

يا هلا فيك الله يوفقكم ان شاء الله

بسجل الاشياء اللي كتبت من قبل واضيف عليها منعا للتشتيت :

فكس
فازلين
حبة سوداء
مرة
كمون
ينسون
لصق جروح
بنادول
شاش
قطن
مسحات طبية
كمادات باردة (شبيه بالمناديل الرطبة)
كمادة حارة
برواز (ابرة قياس سائل تستخدم لقياس جرعات الدواء )
ميزان حرارة
فيفادول شراب ( خافض للحرارة)
هيستوب شراب ( للسعال )
رينوفيد شراب بالبرتقال (للزكام وخصوصا تسييل الانف)
رينوفيد بالفواكه (طارد للبلغم )
قطرة للعين ( أطفال )
قطرة أنف ( ماء وملح )
شامبو القمل

أتوقع هذي أهم الاحتياجات الطبية البسيطة والأساسية
وان شاء الله ما تحتاجونها

* *** وانصح بعدم أخذ أو استخدام المضاد الحيوي الا تحت اشراف مباشر من طبيب

[ذئب الدهناء]

استعيني بالله ولا تنسي الورد اليومي

جميع المستلزمات السابقه التي ذكرها الاخوان

جوال الثريا مهم جدا صحيح انه مكلف ولكنه ضروري

سوي قروب مع المعلمات للاجتماع في المساء لان الجمعه معزه وتمضية الوقت

احرصي على طاعة الله في السر والعلن


من سلك طريقا للعلم سهل الله له به طريقا للجنه


حفظك الله واسرتك من كل شر


امين

[كتاب]

الله ييسر أموركم ويبارك في جهودكم ويردكم لأهاليكم سالمين

كما ذكروا الإخوان جزاهم الله خير من أدوية بسيطة وشاش وغيره

كذلك لا تنسوا أن الاطفال ملولين فياليت تفكرون في أشياء تطرد الملل عنهم مثل كتب قصص وأدوات رسم وكذلك أشياء أخرى تشغل وقتهم إن توفر أشرطة فيديو أو أقراص دي في دي عليها مواد مسجلة موثوق فيها ليتسلوا بها أثناء وقت فراغهم لحين عودة أمهاتهم

وكذلك لا تنسوا
بطاريات جافة صغيرة للكشافات وغيرها
وشموع لو انقطعت الكهرباء
وبعض الأدوات البسيطة من مفك ومطرقة صغيرة وزرادية وكم شوية عدة مبسطة للتصليحات
وكذلك بعض أدوات الخياطة من إبر وخيوط لتصليح الثياب
و لا تنسوا ان الشتاء سيمر عليهم وهم في الصحراء .. فهل عندهم ما يكفي من أدوات التدفئة والملابس ؟؟

[توكلت على ربي]

الله يبيض هذي الوجيه الكريمة
والله أنه هم
لكن الله يفرجها

[بوالهجير]

لوشن للجسم لطرد البعوض
ويوجد كريمات وبخاخ
مراهم لعلاج لسعة الحشرات