سلة للتحميل خلف السياره -----وين تباع او تاجير يساعدني

[}{التميمي}{]

ياجماعه وين القاها طبعا معي جيب برادو الي يعرف وين تباع او تاجير يساعدني

[الكابتن]

تلقاها عند العليان على طريق خريص

ارجو انى افدتك اخوى التميمى

[فتى الوادي]

السلام عليكم ...

إذا كنت في الرياض فهناك ورشة اسمها ( التميز ) في صناعية الدائري وهي ورشة حدادة متخصصة في عمل مثل هذه الأمور ويعملوها لك بسعر 500 ريال وهي من حديد قوي 4 ملم و 3 ملم بدعامتين .

[ابو سلامه]

السلام عليكم ورحمه الله وبركاته

فيه محل اسمه البريه في حي السلام في الرياض عنده كثير من المقاسات
مقابل كليه المعلمين على حسب ماقيل لي والله اعلم

[aziz2727]

اخوي التميمي وباقي الاعضاء
اهم شي احرصوا على اخذ سله دعامتين .. لان الدعامه الواحده يختل توازنها وقد تتعرض للكسر او الميلان ..

[مسماري]

انا لاارى انها عمليه .......... هذا رائيي

لماذا؟
اولا / صانع هذه السله هل يعرف بحمولتها القصوى ؟
ثانيا / تركيب الدعامه السفليه في الشاصيه ، لها قوة تحمل على ماذا قاس البنغالي او الباكستاني او اي عامل لها هذه القوى ؟

يا اخوان احترم كل من اخترع او اجتهد في الاختراع ... او مجرد فكره ..

ترى لها عواقب .. واذا سلمت ومشت معك ترى ماهو سبب في نجاح الاختراع او الفكره .

هناك مقطورات تباع بحوالي 5000 ريال لماذا هذا السعر اولا شركات عالميه لها باع طويل في تصنيع المقطورات .

ثانيا / يقوم عليها مختصين في وزن الحموله او وزن الايطارات مع المركبه .وفيه مقطورات تباع 2000 ريال

.. لقيت مقطوره اذا مسكت فرامل المقطوره تمسك فرامل مع السياره ... اتحدى اي عامل يسوي هذه الفكره حتى لو جبت له المقطوره اماه ..

لكم الاختيار ........... اخوكم ابو فيصل

اتمنى لكم السلامه في رحلاتكم

[m1m]

السلام عليكم ..

تباع في الصناعية كما ذكر البعض أنها عند التميز .. في صناعية الدائري .. وأيضا صناعية الملز عند مسجد العوضية ..

أما من ناحية هل هي عملية أم لا .. أقول على حسب نوع الحديد .. وطريقة التركيب .. إذا كانت عن طريق عمود واحد يربط السلة بالسيارة .. فهي لا تتحمل إلا حمولة متوسطة ويجب مراعاة التوازن .. ذات العمودين .. جربتها بنفسي وهي ممتازة بحمولة 200 كيلو .. أو أكثر .. وأرى الأفضل أن ترفع بدعامة فوق الصدام .. حتى في حال التحميل ودخول مثلا مناطق برية ما تتعلق السيارة أو تطرب السلة في الأرض

العيب الوحيد أنك تحتاجها في أوقات وأخرى لا :)

[ولد المزاحمية]

الغرابي غاص من كثرها
مليان الغرابي منها

[الكاشت للبر]

بسم الله الرحمن الرحيم

السلام عليكم ورحمة الله وبركاته

اليكم صور سلة تركب خلف السيارة خاصة للسفر و البر للعفش والماء وتانكي الماء متحرك يمكن فكة وتركيبة حسب الرغبة
وتراها للبيع
من فكرتي وتصميمي

الصور


http://www.mekshat.com/pix/upload/images18/mk2501_ffffffsize.jpg

http://www.mekshat.com/pix/upload/images18/mk2501_hhhhhhsize.jpg

http://www.mekshat.com/pix/upload/images18/mk2501_jjjjjjjsize.jpg

http://www.mekshat.com/pix/upload/images18/mk2501_kkkkkkkkksize.jpg

http://www.mekshat.com/pix/upload/images18/mk2501_sssssssize.jpg

http://www.mekshat.com/pix/upload/images18/mk2501_uuuuusize.jpg

http://www.mekshat.com/pix/upload/images18/mk2501_vvvvvvvvsize.jpg

[ابو ســــاره]

الكاشت للبر ... حركة حلوه بس الي يبي يشتريها لازم هي والهوك الي على السيارة مركب ولا انا غلطان !

[هــ 2006ـــدد]

اضم صوتي مع اخوي ( اصغر )

لاني سمعت انه اذا بنشرت بالخط يختل توازن الموتر والله يستر (ماتنتسفي)

انا اقول مادام معك عائلة احسن لك فوق التنده أو اشتر مقصورة تراه بـ 5000 ريال يادوم الرخص!!!!!!!

[الموقر 1]

السلام عليكم ورحمة الله وبركاته ..

انا كذلك اضم صوتي لصوت الأخ ( اصغر )

شفت في سفرتي الأخيرة للمدينة وينبع ومكة الكثير منها ولكن لفت انتباهي أنها السلة بحد ذاتها لها وزن وإذا حطيت فيها العفش يختل توازن السيارة، مرة كم سيارة من قدامي فيها هذي السلة كانت مقدمة السيارة مرتفعة بسبب أن الوزن الخلف غير متساوي مع الوزن الأمامي وبعدين يا اخوان الشاصي له قياسات خاصة بالحمولة خاصة إذا ما كانت متساوية على جميع جهات السيارة وإلا ليش وضعت السلة حتى يتناسق الوزن .

المقطورة ممتازة ولكن فيها عيب واحد ( هو اللي قاهرني وحدني على استعمال السلة بالسفر ) وإلا أنا عندي مقطورة صناعة ممتازة ألمانية مثل ما قال أخوي أصغر خفيفة وفيها مساعدات ويايات وكذلك فيها فرامل إذا مسكت فرامل . ( العيب هو الرجوع إلى الخلف صعب والله يبيلك دراسة للرخصة مرة ثانية بدلة ) .

استعملت المقطورة في البر السنة الماضية وعندي صور لها رهيبة والله حطيت فيها الخيمة والفرش والعزبة وكل شي يعني السيارة فاضية والله إني ارقى الطعوس في الدهنا ما أحس فيها وسرعتي بالسيارة 150 ولا كأن معك عربة .

[الكاشت للبر]

بسم الله الرحمن الرحيم

السلام عليكم ورحمة الله وبركاته

اخوي ابوسارة
حركة حلوه بس الي يبي يشتريها لازم هي والهوك الي على السيارة مركب ولا انا غلطان !

من غير هوك تركب حيث يوجد رمايات من الطرفين عاشق ومعشوق مركبة على الشاسي

[الجرنـاس]

بسم الله الرحمن الرحيم



السلام عليكم ورحمة الله وبركاته

اليكم صور سلة تركب خلف السيارة خاصة للسفر و البر للعفش والماء وتانكي الماء متحرك يمكن فكة وتركيبة حسب الرغبة
وتراها للبيع
من فكرتي وتصميمي

الصور


http://www.mekshat.com/pix/upload/images18/mk2501_ffffffsize.jpg

http://www.mekshat.com/pix/upload/images18/mk2501_hhhhhhsize.jpg

http://www.mekshat.com/pix/upload/images18/mk2501_jjjjjjjsize.jpg

http://www.mekshat.com/pix/upload/images18/mk2501_kkkkkkkkksize.jpg

http://www.mekshat.com/pix/upload/images18/mk2501_sssssssize.jpg

http://www.mekshat.com/pix/upload/images18/mk2501_uuuuusize.jpg

http://www.mekshat.com/pix/upload/images18/mk2501_vvvvvvvvsize.jpg



كاشت للبر سلام الله عليك
اذا تكرمت ترسلي الصور على بريدي الألكتروني لأني اواجه مشكله في المتدى عدم ضهور صور بعض المواضيع
algrnas@hotmail.com

[نديم الليل]

الاخ/ الكاش للبر
ماشاء الله تبارك الله على التصميم ..
لو تكرمت كم حدك في السلة ( لو على الخاص )
لان إحد الاخوان معه فورد إكسبرور ، وراح تكون مناسبة لسيارة كما إظن .
وفيه سؤال لا هنت : كم سعة تانكي الماء ؟ وكم تقريباً تتحمل السلة من كيلو ؟
وشكراً لك

[لاهوم]

الاخ التميمي اتم الله مرك على خير

تبي نصيحتي لاتركب السلة الخلفيه ركب سله فوق السياره اواسخدم عربانة مقطوره من اجل سلامتك والليك بعض الاسباب السله الخلفيه ترفع السياره من الامام وتجعل وزن السياره خفيف بحيث لاتستطيع التحكم في القياده ثاني اذا حملة بها عفش سريع الاشتعال احذر الحريق ثالث اذا طلعة البر تعلق سيارتك في الطعوس لانك لاتستطيع الطلوع بها الي البر رابع الحملة القصوى لسلة الخلفيه/350/ كيلو احذر اذا انته تبا الراي والمشورة


http://www.mekshat.com/pix/upload/images19/mk33198_134.jpg

[ساهرالليل]

كلام الأخ اصغر وكلام الأخ لاهوم

هو الصح صراحه انا ما اقتنعت فيها احس انها إضافه في غير مكانها

[الكاشت للبر]

بسم الله الرحمن الرحيم



السلام عليكم ورحمة الله وبركاته

نديم الليل

التانكي يشيل حدود عدد 6 قوارير ماء صحة ام 6 ريال

الحد 600 ريال

اسف لعدم التاخير

[RUMAIHA]

الاخ / التميمي
السلام عليكم

انصحك في الله اذهب الى المواهب شغل صح في شخص اسمه ابو خالد واختر موديلات مناسبك

وانصحك لاتروح المميز لان غالي ونفس الوقت في سوري نصاب كذاب.

[الكاشت للبر]

بسم الله الرحمن الرحيم



السلام عليكم ورحمة الله وبركاته

RUMAIHA

اين تقع ورشة المواهب لو سمحت

وشكراً

[EXPLORERONLY]

السلام عليكم ورحمة الله وبركاته ..



انا كذلك اضم صوتي لصوت الأخ ( اصغر )


شفت في سفرتي الأخيرة للمدينة وينبع ومكة الكثير منها ولكن لفت انتباهي أنها السلة بحد ذاتها لها وزن وإذا حطيت فيها العفش يختل توازن السيارة، مرة كم سيارة من قدامي فيها هذي السلة كانت مقدمة السيارة مرتفعة بسبب أن الوزن الخلف غير متساوي مع الوزن الأمامي وبعدين يا اخوان الشاصي له قياسات خاصة بالحمولة خاصة إذا ما كانت متساوية على جميع جهات السيارة وإلا ليش وضعت السلة حتى يتناسق الوزن .


المقطورة ممتازة ولكن فيها عيب واحد ( هو اللي قاهرني وحدني على استعمال السلة بالسفر ) وإلا أنا عندي مقطورة صناعة ممتازة ألمانية مثل ما قال أخوي أصغر خفيفة وفيها مساعدات ويايات وكذلك فيها فرامل إذا مسكت فرامل . ( العيب هو الرجوع إلى الخلف صعب والله يبيلك دراسة للرخصة مرة ثانية بدلة ) .


استعملت المقطورة في البر السنة الماضية وعندي صور لها رهيبة والله حطيت فيها الخيمة والفرش والعزبة وكل شي يعني السيارة فاضية والله إني ارقى الطعوس في الدهنا ما أحس فيها وسرعتي بالسيارة 150 ولا كأن معك عربة .



اخوي فكرة المقطوره في بالي من مدة بس ماعندي خلفية عن انواعها واسعارها ووين تباع.

ياليت افادتي .

[عاشق السراوات]

وين موقع مواهب لانه محتاج وحده اركبها

[الضرغام]

السلام عليكم ورحمة الله وبركاته
من سبقوني ماشاء الله لم يتركوا لي شيئ أذكره
ولكن هذا موضوع من واقع تجربة مع السلة الخلفية
أتمنى أن تزوره ويزوره الجميع ولا تحرموني من دعواتكم

تفضلوا جميعاً من هنا (http://www.mekshat.com/vb/showthread.php?p=8605856#post8605856)

[CoAsT BoY]

الموضوع من عام 2006 من اللي اخرجه من مرقده هذا :mad: