هل يمكن تمشيط الطير؟؟ [الأرشيف]

مشاهدة النسخة كاملة : هل يمكن تمشيط الطير؟؟

صقار الهدادي

06/09/2012, 11:42 PM

هلا بالنشاما

يا اخوان عندي جير شاهين هل يمكن تمشيطه ( من أجل مظهر لائق وتجميل شكله وريشه ) أم هذا يضر الطير ؟

و شو المشط المناسب للطير ؟

طيرالوله؟

07/09/2012, 12:33 AM

؟؟؟؟؟ انا متأكد ياخوي منت جاهل في هالشي وسؤالك من وجهت نضري تريقه لأكثر
الله يستر عليك وع طيرك

ابن بريده

07/09/2012, 12:35 AM

نبي ناخذ سوا على محمل الجد لايقرب المشط ريش طيرك وما يعلم النوايا غير الخالق

صقار الهدادي

07/09/2012, 01:01 AM

؟؟؟؟؟ انا متأكد ياخوي منت جاهل في هالشي وسؤالك من وجهت نضري تريقه لأكثر
الله يستر عليك وع طيرك

لا كنت ماعرف هالشي . بس لأني زرت عيادة للصقور وشفت يبيعون فيها مشط . قلت يمكن انه يمشطون به الطير أو حاجه زي كذا . عالعموم ما قصرت

درب المحبه 8

07/09/2012, 04:03 AM

ياصقار المشط الي شفته حق كلاب وقطاوه الله يعزك

عاذي

07/09/2012, 06:49 AM

وعن الصقارة يانماء كان قفيت ... عقبك ظهر جيل غشمها غشامة

بندر خلف

07/09/2012, 10:00 AM

هههههههههههههههههههههههههههه

ابد حط حنا على كفوفه
واستشور ريشه واضبط لراس الطير سبايكي

وحط بدال الحجل خاتم

وفالك الحبارا ان قاله الله

قرناس حوران

07/09/2012, 01:08 PM

هههههههههههههههههههههههههههه

ابد حط حنا على كفوفه
واستشور ريشه واضبط لراس الطير سبايكي

وحط بدال الحجل خاتم

وفالك الحبارا ان قاله الله

اضحك الله سنك هههههههههههههههههه

صقار الهدادي

07/09/2012, 10:49 PM

مشكورين وما قصرتوا جميع على الردود الطيبه

ABU HAIBAH

07/09/2012, 11:25 PM

كل شرى له طير ويقال صقار ** غشيم والا يدعي بالصقاره

سنجااار

08/09/2012, 08:28 AM

الطيور عامتها تهتم بمظهرها

صقار الهدادي

08/09/2012, 12:40 PM

الطيور عامتها تهتم بمظهرها

اشكرك على الرد اللائق

واحب اقول للشباب اني مبتديء ولاني صقار

صقار الهدادي

08/09/2012, 12:41 PM

كل شرى له طير ويقال صقار ** غشيم والا يدعي بالصقاره

ما اعتقد انك طلعت على الدنيا وانت صقار . كل صغير يكبر

هاووي الطير

08/09/2012, 04:29 PM

ما اعتقد انك طلعت على الدنيا وانت صقار . كل صغير يكبر

كلآم سليم100%
عسى آلله يوفقك ويستر عليك

ابن قرمله

08/09/2012, 09:01 PM

ايه مشطه وعطه تونه وركب له قلاده حمرا على عنق الطير ورش جنحانه الوان يطلع خقق صقر ابوه ببغاء ههههههه الله يعين الصقور و والصقاره صعبه وكب منك الصقاره اشتر لك هاسكي ودلعه ومشطه تراه افضل لك

خيال سهيل

09/09/2012, 02:57 AM

ياشباب الرجال يسأل وهو مبتدئ ولاهو عيب السؤال

ويمكن ما يعرف بعد صقاره ولا احد يعلمه ويمكن بعد صغير سن وتجهله بعض الأمور

اخوي صقار الهدادي انصحك انك تخاوي صقاره كبار بالسن وتعلمهم انك مبتدئ وتحب تتعلم
ما ضني احد بيقصر معك والعلم زين من الشيبان تاخذه على اصوله

جفنان ينبع

09/09/2012, 11:02 AM

عابر الموج

09/09/2012, 11:38 PM

ياخوان الرجال يسأل وانتم الله يهديكم ماخذينها تريقة اجزم بانه حصل للاغلبيه منا موقف بالصقارة لشي مايعرفه واحتار فيه اذكر لكم سالفه حصلت معي كان مضى من عمري تسع سنوات وشترالي اخي شيهانه جبليه لتولعي بالطير من الصغر المهم عيوني عليها ودائما مقابلها في اليل مريت عليها ولا راس الطير غير موجود وركض لاخي قلت راس الطير ماهو فيها اكيد اكله بس ضحك اخي وقال رح والمس الشيهانه وتعرف وين راسها عرفت ان الطير نومه بين اكتوفه الهدف من القصه ان الانسان دائما يبحث عن المعرفه حتى لوكان ملم فيها واذا كان الانسان يقول في نفسه انا اعرف واحد في هذه الشغله تراه مجانبه الصواب اطلب من الله التوفيق لي ولكم

الجره جديده

10/09/2012, 05:08 AM

سؤال الاخ مافيه شي حتى لو ان سؤاله صار في محل الانتقاد
لكن ما احد طلع من بطن امه عالم

وبالنسبه لتمشيط الطير خل الطير مفرع الضحويه في الشمس وهو يمشط ريشه ويضبط اموره

النااااااادر

10/09/2012, 07:57 PM

سؤال الاخ مافيه شي حتى لو ان سؤاله صار في محل الانتقاد
لكن ما احد طلع من بطن امه عالم

وبالنسبه لتمشيط الطير خل الطير مفرع الضحويه في الشمس وهو يمشط ريشه ويضبط اموره

مازود عن كلامك شي

الا اقول الله يوفقك

falcon 1

10/09/2012, 10:34 PM

السلام عليكم ورحمة الله وبركاته

كلام اخوي سنجار صحيح
"الطيور عامتها تهتم بمظهرها "

ABU HAIBAH

10/09/2012, 11:12 PM

كلآم سليم100%
عسى آلله يوفقك ويستر عليك

ياوليدي انت تقول انك صقار الهدادي وان طيرك جير شاهين واخير تبي تمشط الطير متأثر بالتمشيط ياليتك تأسل عن اسئله تفيدك في الصقاره كان ماقلنا شي لاكن دعواك تمشيط ومشابهها ريح نفسك انت وهاوي الطير خل الصقور لأهلها دور شبيهك من الطيور ومشطه واظن الرساله وصلت الله يصلحك ياوليدي.

عايش الذرب

10/09/2012, 11:32 PM

حط الطير الضحى بالشمس على الوكر مفرع وحط عنده طشت فيه ماء لان الشياهين تعشق السباحه وبيسبح بالماء وبيتنفض وبيتفلا وبيعجبك شكله ان شا الله

ذهب صافي

10/09/2012, 11:58 PM

من خلال قرائتي للردود اكتشفت ان الإخوان الصقارين الي ماخذينها وراثه يعني صقار أبن عن جد كانت ردودهم تدل على ذلك من خلال الإحترام وحب تعليم هذه الهوايه للغير ..
اما الفئه الأخرى المتصقرره فاردردهم ايضا تدل عليهم من الاستهزاﺀ. والتدني بالفكر والمنطق وانا اجزملك ان ماله بالصقاره الا سنتين وان ماكان توه ناقل الطير

اشكر صاحب الموضوع على صراحته وحبه للتعلم ... وبالتوفيق وفالك الحبارى

BDER-C1

10/09/2012, 11:58 PM

مسيت بالخير ..

الله يعينك يا صقار على الردود الي تضيق الصدر انشهد نأس تحطم الي ماينتحطم .

واقول لك : ومن سأل ما ضاع