الطلع وما ادراك ما الطلع .

[عاذي]

كثيرا من الأخوة الصقاقير يتحدث عن الطلع ومنهم من يذكر ان طيرة طلاع وطلع لة على حبارا طيار مسافة كيلو كيلوين ثلاثة المهم ان مفهوم الطلع من وجهة نظري على الحبارا الدرج وسط ارض كلها متاقي كلها رمث وعوشز وارض جلد يصعب قص الحبارا فيها وما الي ذلك او المخمر اللي الطير مايشوف منها الا ارماشة العين لو كانت بقلب الرمثة .. هذا هو الطلع الحقيقي .. اما الطيار هذا بسمى هدد .. اذكر قصة واحد من الجماعة كان قانص مع امير القصيم سابقا الامير فهد بن محمد .. على ما اظن .. يقول هك اليوم وحنا قانصين الا واشوف هالحباري الثنتين يدرجن قلت يالأمير ابشرك لك بثنتين شوف العين قدامنا درج قال ويوجهنا الأمير عليهن ونمشي فوق كيلوين الا يومن طارن قال الأمير الله يرحمة يابو سعود ماعاد حنا مطلعين الطيور مادامك معنا من يوم هذا طلعك .. يقول والله اني ما اصبحت الا بالمستشفى ومن هك الحين وشوفي دوب يقديني .. وش رايكم اطيب طلع الطير والا طلع ابو سعود .

[راشد الهاجري999]

لاحول أعماه

[(هزاع)]

كثير من الناس يخفي اموره حتى عن اقرب الناس له
يضهر شيء ويخفي اشياء
مايجيك البلا من العدو
لانك تعرف انه عدو وتحذره
لاكن القريب الحسود اللي بداخله خفايا الموت
ولاجاك اللي ماغير يزفر من الغيض والمقت وندب الحض
لاتبينله عن حلالك وما جمعت خل كل شي تملكه اخذه بالدين
اللهم اكفنا شره بما شئت

[بندر خلف]

اجل الحين بنظرب المثل في ابو سعود

ان واحدن طيره اطلع طلع وكاد نقول اطلع مثل طلع ابو سعود
ههههههههههههههههههههه


ماشالله عليه وعسىء الله يطول بعمره ويرزقه الصحه والعافيه
بعض البشر ينضل الشيء وهو مهب متعمد؟
يعني اذا اعجبه الشي ولا ذكر ربه
ينمحق هالشيء لان نفسه في هالشيء وربي مارزقه فيه
ولاكن الانسان يحرص على قول ماشالله تبارك الله اذا اعجبه الشيء

[اقدم صقار]

اول شي الطلع هو طلع الخفوووو لاعين ولا جره


هذا الطلع اللي يعدونه الرجال اما طلع عليها 100 متر ولا ميتين متر وانا على جرتها هذا يرتاح مانيب هاده قدني بتبصر في طيوري وبهد الطير اللي ابي

بعض الناس لاشاف طيره ركد وفرع وقام يتمغط لاشاف له شي يتحرك قال ماشاء الله على طيري طلع وركاده ههههه

اللهم لا شماته ، يا ابن الحلال طوريك يفرع وراكد توك على مرحلته الطلع

في سالفه واحد يعلمني بها يقول طلع مع خوياي طيرهم وارضهم قشرى ووعره ومااهنا مقص ولا جره المهم يقول ويرتفع في طويل عندهم ويوقف وياخذ بيجي نص ساعه والربع طيورهم مفاريع ويدورون على حروة الحبارى المهم يقول وهو يتل قال يا الربع الطير تل وصفى وجهه اهد قالو هد المهم برقعو طيورهم وعطاه سبقه وخالفهم الطير كلهم وراح لقرشع قوي وحصى ما يمنشى به وضايف المهم راعيه راح له يبي يقظبه والنفسيه زفت هههههه ويوم اقبل على رجليه طبعاً الا والله صفار عينها بينه وبين الطير داخله بين حصاتين ومخمره ويعود يراسلهم قال الحبارى عندي بيني وبين الطير تجمعو وهدو عليها ، هذا الطلع اللي ماشاء الله عليه وسوالف الطلع واجد ولاكن المجال ما يسمح واسف على الاطاله

اخوكم ابو منصور

[قرناس حوران]

السلام عليكم ورحمه الله وبركاته
لاحول ولا قوه الا بالله
بعض الناس يمزح بقووه الرد او بلغتنا يتنحب وتلقاه يصكه بعين وهو مايقصد
والعين حق
ويعطيك العافيه

[بدوي نمبر ون]

مااحلى من الموضوع الا الردود
الله الله عليك
تجمعت نخبة النخبه
اقدم صقار
وهزاع
ياحبي لكم ولسوالفكم ايوالله
ولهو قصور بباقي الربع

[نقوة الغوش]

بيض الله وجيهكم..وضّحتم نقطة لايعرف معناها الكثير
واغلب الطيور طلّاعه تنعرض هنا او في اي منتدى اخر
تنسام سومات عاديه والناس تجهل هالصفه المميزه اللي ترفع من قيمتها
موفقين خير ان شاء الله

[عاذي]

شكرا لكم جميعا على مروركم واضافاتكم .

[هاوي الصلفات]

اول شي الطلع هو طلع الخفوووو لاعين ولا جره





هذا الطلع اللي يعدونه الرجال اما طلع عليها 100 متر ولا ميتين متر وانا على جرتها هذا يرتاح مانيب هاده قدني بتبصر في طيوري وبهد الطير اللي ابي


بعض الناس لاشاف طيره ركد وفرع وقام يتمغط لاشاف له شي يتحرك قال ماشاء الله على طيري طلع وركاده ههههه


اللهم لا شماته ، يا ابن الحلال طوريك يفرع وراكد توك على مرحلته الطلع


في سالفه واحد يعلمني بها يقول طلع مع خوياي طيرهم وارضهم قشرى ووعره ومااهنا مقص ولا جره المهم يقول ويرتفع في طويل عندهم ويوقف وياخذ بيجي نص ساعه والربع طيورهم مفاريع ويدورون على حروة الحبارى المهم يقول وهو يتل قال يا الربع الطير تل وصفى وجهه اهد قالو هد المهم برقعو طيورهم وعطاه سبقه وخالفهم الطير كلهم وراح لقرشع قوي وحصى ما يمنشى به وضايف المهم راعيه راح له يبي يقظبه والنفسيه زفت هههههه ويوم اقبل على رجليه طبعاً الا والله صفار عينها بينه وبين الطير داخله بين حصاتين ومخمره ويعود يراسلهم قال الحبارى عندي بيني وبين الطير تجمعو وهدو عليها ، هذا الطلع اللي ماشاء الله عليه وسوالف الطلع واجد ولاكن المجال ما يسمح واسف على الاطاله



اخوكم ابو منصور



كلام سليم 100 %

[سعد الرويس]

ماشاء الله على ابو سعود

[ابوعزيز2007]

لاعادت يابوسعود على هالحباري الله يرد نضرك ههههههههه

[قرناس ثالث]

الطلع هو طلع الخفوووو لاعين ولا جره

هذا هو الي يسمى طلع

[رثمى]

بسم الله الذي لايضر مع اسمه شي لافي الارض ولا في السماء
وهو السميع العليم

[ملاعب الطير]

وانا اخوك
الطلع ما نختلف عليه

الوكاد:

غير اعنوان موضوعك
خله كذا

البوارديه نتفو الرجال
او
عين ماصلت على النبي
او
ابو سعود الطلاع>>> ماشاء الله
هههههههه

[سنجااار]

كثير من الناس يخفي اموره حتى عن اقرب الناس له
يضهر شيء ويخفي اشياء
مايجيك البلا من العدو
لانك تعرف انه عدو وتحذره
لاكن القريب الحسود اللي بداخله خفايا الموت
ولاجاك اللي ماغير يزفر من الغيض والمقت وندب الحض
لاتبينله عن حلالك وما جمعت خل كل شي تملكه اخذه بالدين
اللهم اكفنا شره بما شئت

:good2::good2::good2:

[الهارف15]

البعض يفتخر بنعم اعطاه الله اياها وحرم منها غيره
مثل النظر والاكل والتحمل وغيرها
والناس مايجي منهم خير

[الامبراطوري]

العين حق قال الرسول صلى الله عليه وسلم : نصف قبوركم من عيونكم .

وقوله عليه الصلاة والسلام : لو تسابق القدر والعين لسبقت العين القدر .

وقوله عليه الصلاة والسلام : لاتقتلوا إخوانكم هلا بركتم،إن نصف أمتي تموت بالعين ؟

[اقدم صقار]

العين حق قال الرسول صلى الله عليه وسلم : نصف قبوركم من عيونكم .

وقوله عليه الصلاة والسلام : لو تسابق القدر والعين لسبقت العين القدر .

وقوله عليه الصلاة والسلام : لاتقتلوا إخوانكم هلا بركتم،إن نصف أمتي تموت بالعين ؟



لاحول ولا قوة الا بالله هذي والله المشاكل

المشكله تشيل خويك وتعزه وتقدره وتبديه على نفسك وتحشمه وتلزمك به الخوه واخر شي تشيل الخرج والخرج به حيه ، مشااااااااااااااكل

لاكن الواحد لا ينسى ذكر الله والمعوذات ويتوكل على ربه وماهوب جايه الا ما كتب له

الموضوع كنت احسبه عن الطلع واثره عن البواريد الله يضر من ضر مسلم او حلال مسلم ويبشر بالنار وهذي من خصل الحسود
الواحد حتى لو عرف روحه ان عينه حاره المفروض ذكر الله على لسانه

الله المستعان وعسى الله يعيننا على الدنيا بخير

[أحمد الشمري1]

اخواني الصقارة وانتوا اعرف مني واخبر لكن كل طير يطلع على طريدته وعلفه .
يمكن تفاريخ الاسر ما عرفت الطلع وتدرب عليه لكن الوحوش شلون تصيد الا من طلعها .

حتى الحمامه تشوف الشعير على الارض وتنزل له.

وهالكلام ما اخذته مني ولكن من كلام شيباننا الصقاره.

[ابوحسن144]

ماشاء الله على ابو سعود ههههه
وينهو لعله يقنص معنا
..
ابوسعود شافها درج والله اعلم مافيها شي
لكن قد قيلت كلمة لم يذكر اسم الله بعده
وماندري هل من الكلمه او قدر ..
ع العموم ماشاء الله عليه هههه

[عاذي]

اشكر كل من اطلع واضاف تعليق وابدا رأي