المساعد الشخصي الرقمي

مشاهدة النسخة كاملة : الفتك به فلتر او مابه ؟


المنطلدز
07/09/2012, 11:40 AM
بالخير

امس وانا عند المحل اصلح الكمبرسر حق المكيف اغيرله وجهه ومادري وش بعد المهم عقب ماقضى ماش مهب يبرد زين قلتله فك الفلتر حق المكيف ونضفهه ويوم فكينا الدرج ندور فلتر مالقينا !
قالي العامل ذا مايجي فلتر به استغربت الصدز قلتله فك القربه حقت الثلاجه يوم فكيناه ولاه متسدده تقل مليصه اسمنت من الوصخ وينظفه ابن الحلال عاد المكيف ماجربته ابجربه واناظر وش وضع برودته الظهر

لكن السؤال اللي فاتحن الموضوع عشانه هل الفتك مايجي به فلتر ؟


الموتر فتك 2006

احتريكم اولاه
باترول 4500
07/09/2012, 01:46 PM
هلا بك أخوي المنطلدز

الفتك يجي نوعين
النوع الأول فيه فلتر تقدر تفكه وتنظفه
والنوع الثاني ثابت ماتقدر تفكه لازم تنظفه وهو بمكانه بهواء قوي أو تغسله ( فيه موضوع هنا بالمنتدى واحد فاك الدرج ومدخل لي الماء يغسل الفلتر ) ...

يعني مثل الفتك السعودي مافيه فلتر والفتك الكويتي فيه
ومادري عن الإمارات وقطر وعمان

بالتوفيق إن شاء الله
المنطلدز
07/09/2012, 06:18 PM
الله يعطيك العافيه

شكله موتري سعودي

طيب وين الموضوع يالربع اين انتم
المنطلدز
08/09/2012, 03:28 PM
عجيب وراكم ماتردون ههههههههههههههههههههههه
دحيم الفزعة
08/09/2012, 04:10 PM
السلام عليكم

بأعلمك ليه ما أحد يرد وبدون ما تاخذ بخاطرك


الله يعافيك لو تتمعن في موضوعك والكلمات اللي أخترتها يمكن تكون هي السبب


ودمت بود ،،،
باترول 4500
08/09/2012, 04:37 PM
هذا الموضوع
http://www.mekshat.com/vb/showthread.php?t=316124
المنطلدز
08/09/2012, 05:23 PM
دحيم اتوقع اوضح من الشرح ذا مابه

وباترول 4500 ماقصرت يابعدي ووفيت وكفيت عن القوم الباقين
باترول 4500
09/09/2012, 06:52 PM
دحيم اتوقع اوضح من الشرح ذا مابه

وباترول 4500 ماقصرت يابعدي ووفيت وكفيت عن القوم الباقين

ماسويت شي هذا واجب
وبخصوص الأعضاء الباقين أنا متأكد إن ماعندهم علم ولاكان يفيدونك لأن قليل جدا اللي ينظفون فلتر مكيف الفتك

بالتوفيق إن شاء الله