منافسه بين مجموعه من الشوازن في حرارة الرمي

[الحيد النايف]

ياليت يا اخوان واحد يسوي لنا منافسه بين مجموعه من الشوازن وتكون النتيجه محسوبه على حرارة الرمي وليست جودة السلاح

والله انه راح يكون موضوع مميز حتى الناس بعدين يرجعون له عند شراء النوع اللي يبون

مثلا يكون التحدي بين 10 انواع شد بلد وليس ترهيم

مثل بنلي ريفاليو
سوبر بنلي
برتا اكستريما 2
برتا اكستريم
الوينشستر
البلجيكيات ام شجره
والبراوننق ايفلوف
والتركيات مثل الستوقر 2000
وام بطه
والبلاك والرد وولف
والكاناس
والبيكال


يكون فيه تجمع مثلا في الساحل ويسوون اختبار للرمي


نبي نعرف النوع الطيب وحرارة الرمي

ويكون فيه موضوع ثاني ترتب فيه الشوازن حسب الجوده

انا اعرف ان الموضوع صعب لكن يبي يصير مميز وافضل المواضيع
وشكرا

[ابوتركي83]

السلام عليكم ورحمة الله وبركاته
وين البريدا ما جبت لها طاري
لازم ياخوي تذكر جميع انواع الشوازن الموجوده في السوق لتعم الفائده الجمبع وسلامتك.

[بليزر616]

الله يهديك الواحد يمشي ويتلفت من التفاتيش لايصادرون صلاحة
وين نتجمع ولا بسلحة بعد
موضوعك ممتاز بس صعب شويه

[ابــ جهينه ــن]

انا من المؤيدين لهذه الفكره


وراح تعم الفائد وتثبت بالقسم


وبنفس الوقت يسهل للشخص اقتنا السلاح المناسب


اشكرك اخي راعي الفكره


دمتم بخير


كل الود ..


الجهني ..

[يحيى 2400]

فكرة ممتازة
انا اقول لو تكون بمزرعة احسن وامن

[المصدوع]

ان صملتو على الفكره

الاستفنز (ام سيلان)

والونشستر (ام سبع ابر )

ازهلوها عندي

[قيالي قناص]

براوننج ام شجره رميها حااااااار

[المتلولس]

وانتم ابخص البنادق تختلف رميها حتى لوصارت نوع واحد انا كان عندي مونتريال ثنتين توم بس الرمي يختلف شوي . وشوف حتى بنادق ربعي نفس النوع فيها اختلاف بالرمي

[قلم5]

انا مجرب الكومفورت الفل تشك
رميها حار جداًو يفضل الابتعاد عن الهدف المراد تصويبه

[اعصار نجد]

اريحكم اكيد التركيات فيها حرارة رمي ماتصدق ثم البلجيك والباقي بالتجربه

[shabah]

لا تسووون مقارنه ولا تتعبون انفسكم

المكسوس من براوننق --------------- البلجيك وبس

[مربط القعاسي]

التركيه البريدس 32 بتشكه رقم 2
ماذكر رميت هواء ماترمي الى لحم للواقع وبجميع انواع الفشق جربت

اما بالنسبه للطيار 60% تصيب لحم ب 32 5/7 كذالك بالتشكه رقم2

فلاكن عندي عله عجزت عنها التعليق اذا رميت الفارغ يطلع والجديده تطلع من الخزن والهات ترفعها لبيت النار فلاكن ماتدخل لازم تدفها وذا نظفتها وزيتناها وجربتها في البيت تمام واذا طلعت للمقناص اول رميتين زينه بعدين ترجع تعلق الى عنده حل يفتينا جزاه الله خير

وبالله التوفيق

[ستيفنزالقصيم]

اخوي مربط استخدم ضغط 36

[بارق الحفن]

أخوي موضوع ممتاز وشيق
لاهنت
:no2::no2::no2:
لكن نسيت الملكيه((الــــــبــــــريــــــــــــــدا))
لأنه راح تكون مما ينافس على المركز الأول بحرارة الرمي وبالنظام والمكينه والشكل الخارجي
....................
تحياتي

[فرخ قطا]

التركيه البريدس 32 بتشكه رقم 2
ماذكر رميت هواء ماترمي الى لحم للواقع وبجميع انواع الفشق جربت

اما بالنسبه للطيار 60% تصيب لحم ب 32 5/7 كذالك بالتشكه رقم2

فلاكن عندي عله عجزت عنها التعليق اذا رميت الفارغ يطلع والجديده تطلع من الخزن والهات ترفعها لبيت النار فلاكن ماتدخل لازم تدفها وذا نظفتها وزيتناها وجربتها في البيت تمام واذا طلعت للمقناص اول رميتين زينه بعدين ترجع تعلق الى عنده حل يفتينا جزاه الله خير

وبالله التوفيقهلابك جتن نفس المشكله ببريدوس وبديت ارمي ضغط 36 وطلعت روعه
ارم من 36 وانت طالع

[السلوم 2005]

يبي يكرتوننا حنا وبنادقنا هالتفاتيش ههههههه ,, بس حلوة الفكررره

[الشمروخي]

كلهن مجربهن الا الستوقر والرد وولف ومجرب زود ماكسس ورمنتقون 11-86 و akm تركيه وبريتا يوركا 2وريفاليو 30 تشكات وكومفورت بنلي فل 30 اطلقهن كلهن رمي بيرتا يوركا 2 30 ثم اكستريما ثم بلجيك مردا 32 ثم ريفال تشكات 30 ×بشوكات بلد
ونصيحة اخوي فرق بسيط جداً بين الشوازن بس شف التشك المناسب زي البيكال كانت تراب وركبت تشك 680 وصارت طرب ومثل الونشستر والماكسس وافلوف ركب تشك مناسب غير البلد زي 680 وتصير ممتازه جدا والتركيات رميهن زين بس اطرب شي رمي البيرتا اللي ضوق ماصورته 18.6 طرب طرب من بد الشوازن لان فيه سرعه انطلاق مميزه غير الباقي هي والبلجيك الجدد

[الشمروخي]

اما الجوده رقم واحد : بيرتا اكستريما وبنلي بلاك ايقل ١ ورمنقون
رقم اثنين : بنلي بلاك ايقل ٢ وبيكال وبنليات الجدد مثل ريفاليو وكومفورت وسوبر سبورت وييرتا يوركا وبريديا
رقم ثلاثه : البلاجيك الجدد والقدام والونشستر وبلاك وولف وستوقر الاوله مهب الدفعه الجديده
واربعه : بطه وakm والتركيات الباقيه وكانسس وستوقر الجديده ماصورته غير القديمه اسخف واقل جوده

هذا رايي وسلامتكم
×

[ااااابو فيصل]

انا ما عندي يا شباب وقاعد ادور الي يخبر لي شوزن الله لا يهينه ويجزاه خير يراسلني على الخاص وبارك الله فيكم

[راعي الشبب511]

بالنسبه لي شوزني ما شاء الله تسوق ورميها حار والي يبي اكسر مجاديفه يقابلني
منها نتقهوا ونتعرف على مطانيخ الرجال
وبعدها اكسر راسه واروح هههههههه
طبعا ماني قايل شوزني وش نوعها


جده

[انا انت النت]

الصراحه موضوع ممتاز

بس حسب تجربتي في الشوازن افضل تنظيم الحلبي تسوق بعيد ريفايلو فل تشوك لا تدور غيرها

افظل شوزن الى الان ريفايلو ما فيه شوزن تنافسها صراحه الله يرزقنا في وحده عن قريب ان شاء الله×

[الهداااف]

والله وانا اخوك كلن بيمدح شوزنه
انا معي فيوجن تبهذلني في السوق
لازم ترمي بعييييد

شريت ستوقر٢٠٠٠ حلوة وحار رميها لكن ماتقارن بالفيوجن
واشوف الm2 خيالية
الي يقولك بيكال زين رميها تراه مسكين
كل من رمى بغيرها باعها

انا مستعد اطلع اجرب معكم

مجرد رأي