قصة خليص

[عاذي]

قبل العام قنصنا ومعنا واحد من جداد الصقارة .. من اول يوم يجيب الله جرة حبارا لها يومين ونمشي معها الا يوم استجدت والارض متاقي وراع الطير مترفع .. الا يوم اخونا الجديد زهمنا بالجهاز عندي خبر تعالوا .. قلنا عسى خير وش عندك قال لاجيتوا بتعرفون اللي عندي لا احد يتأخر جيناه لقيناة يضحك وميت من الضحك وش فيك قال انا طالبكم كان لي قدر ومعزة عندكم تخلصون لي الحبارا .. هلحين رادنا حبارا جديدة ومجمعنا على شان تقول خلصوها لي .. كان ناديت بالجهاز وابشر بعزك بدون ماتشغلنا معك نحسب انك في امر ثاني .. يالله عسى فالأمر خير .. مشينا على مكانها اللي خليناها فية الا راعي الطير يوم نادنا على الجهاز تراي هديت وحنا ترانا حول بعض مامن بعايد ويقعد الطير يرددها علينا ويجيبها الله ونخلصها لخوينا .. قال عاد تدرون لو افلس الطير اني ابرمية بالشوزل واريحكم منه قلنا ستر ربك والله يكفينا شر تاليتها معك .. الرجال اخذ الحبارا على اننا اعصير نبي نعلم عليها وحنا مجتميعين .. خوينا الله يهدية اخذ يتطرف ويبعد عنا .. ما اخذنا ربع ساعة الا هو ينادي .. انا لله وانا الية راجعون .. عجلوا علي .. جيناه .. هاه وش عندك .. قال الحبارا اللي معي ضاعت .. وشلون .. قال طيرتها للطيرة ابا اعلم ( المبروكة ) ولا هدت عليها والحبارا اختفت ورى هالجذيب ولاهي مبعده .. مشينا على جهتها وحروتها الا هاك القنوص قدامنا مجتمعين ويجينا واحد منهم قال حنا جتنا حبارا طيار وصدناها ولقينا داغرها كله دم ومهدود عليها قبلنا .. هي مخيشة على طيركم ومنطلقة منه قلنا لاوالله القصة كيت وكيت والله اللي رزقكم فيها .

[(هزاع)]

قصه طريفه لاتخلو من العبر المفيده
بودكم لو خويكم ذا تركبون معه او يركب مع صقار
ايظا القنوص الي صادو الحبارى
رزقهم وجاهم لعندهم
يقول حجرف الذويبي
((ترى رزق غيـري يا ملا ما ينولنـي ==ورزقي يجـي لو كل حـي يحايلـه))
مشكور على القصه والعبره

[قرناس حوران]

الله يعطيك العافيه

[ابن بريده]

انا عنديلك قصه بعد قنصت قبل سنوات بطير ومريت اثنين من الاصدقاء طلبت منهما الخوه وهما لايعرفون عن الطير اي شئ ولا يفرقون بين الحر والشيهان ودائم يقولون نبي نخاويك وصلنا ارض المقناص قبل المغرب بقليل ونزلنا في مكان مناسب وقلت الوح للطير ونشغلت اذبح حمامه واذا باحدهم يلحق الاخر ومكتف طيري بين يديه يخوف به الاخر تمالكت اعصابي واخذت طيري من بين يديه وريشه معفوس وقلت الشرهه ماهو عليه علي انا الذي ماخترت الخوي المناسب ٠

[هاوي هدد 11]

انا عنديلك قصه بعد قنصت قبل سنوات بطير ومريت اثنين من الاصدقاء طلبت منهما الخوه وهما لايعرفون عن الطير اي شئ ولا يفرقون بين الحر والشيهان ودائم يقولون نبي نخاويك وصلنا ارض المقناص قبل المغرب بقليل ونزلنا في مكان مناسب وقلت الوح للطير ونشغلت اذبح حمامه واذا باحدهم يلحق الاخر ومكتف طيري بين يديه يخوف به الاخر تمالكت اعصابي واخذت طيري من بين يديه وريشه معفوس وقلت الشرهه ماهو عليه علي انا الذي ماخترت الخوي المناسب ٠

ههههههه
قصة مضحكة وفي نفس الوقت
تغيض راعي الطير
والله أخذ مشعابي ووريهم الهماجة
كلش أمزح الا طيري لاتقربه :mad:

[ابوعزيز2007]

ههههههههههههه سحبان الله لاكن راعي الطير هد واستانس اللهم ارزقني وارزق مني

[قرناس ثالث]

سبحان الله دايم هذا المقرود يفلس من كل شي

[جلاد الحباري]

ذكرتني في بيت للشاعر حمد السعد وهو شطر يوم يقول صقار العام وراها العزر

[راشد الهاجري999]

انا عنديلك قصه بعد قنصت قبل سنوات بطير ومريت اثنين من الاصدقاء طلبت منهما الخوه وهما لايعرفون عن الطير اي شئ ولا يفرقون بين الحر والشيهان ودائم يقولون نبي نخاويك وصلنا ارض المقناص قبل المغرب بقليل ونزلنا في مكان مناسب وقلت الوح للطير ونشغلت اذبح حمامه واذا باحدهم يلحق الاخر ومكتف طيري بين يديه يخوف به الاخر تمالكت اعصابي واخذت طيري من بين يديه وريشه معفوس وقلت الشرهه ماهو عليه علي انا الذي ماخترت الخوي المناسب 0

امحق خوة. انشهد انك صبور