ياشبا قسم ضاق صدري تكفون الفزعة !

[بورطيس]

السلام عليكم

ياعيال انا نصيت هالمنتدى لأن اللي فيه خبرة
تكفون والله ضاق صدري عقب هالمشكلة
انا مامداي شاري كامري جديدة 2009 مامشت شي يعني شاريها بقراطيسها وكل شي تمام

يوم جاء اليوم
ويخربن علي ازرار فتح وقفل الابواب اللي فوق أزرار الدرايش

صرت إذا جيت بقفل البيبان اللي جوا أقفلهن من الريموت

تكفون عطوني الحل

[ls1.5700]

شيك على الفيوزات
ان طلعو كويسات
افصل صبع البطاريه السالب تقريبن 10 دقايق
ورجعها وشوف

[رامي سهام]

الله يعينك ويعين كل مسلم. السيارات الجديده كلها خرابات وسجل واحد معاك سيارتي خربانه

[المسروحي]

إن شاء الله مايقصرون أصحااااب الخبرة

[ابوراكان تبوك]

يمكن البطارية ضعيفة او تحتاج اعادة برمجة بفصل اصبع البطارية 10 دقائق

[YUKON_GMC]

احيانا يكون جايهم غبار .. مجرد تنفخم عند اي بنشري ترجع تشتغل ..


بعدين ترى هذي مشكله بسيطه كهربائيه بسيطه .. او غبار ولايضيق صدرك ولاشيء .. يعني يمكن ماتكلفك 200 ريال

اجل انا وش اقول اللي موتري خربان بالبايكه من قبل رمضان ومخسرني فوق 3000 ريال ريال لحد الان ولم يصلح

[ضرغام ياس]

بسيطه يا رجال اقرب تشليح وطق لك مفتاح وركبه بنفسك كلها فيشين او ثلاثه وتكبسها بيدك

وشغله ما تاخذ 5 دقايق
بالعاده يخرب اما غبار او عصير انكب عليه

[تساهيل1]

بسيطه مر كهربائي وتزين الامور ان شاء الله

وراك ضايق صدرك حسبت المكينه مخبطه والقير منكسر الله يهديك ومكبر الموضوع ,.؟

وحدها طقم ازرار ماتتعدى 300


والله يعينك

[العابر2222]

حبيبي هذا عيب تصنيعي في الكامري من 2007 الى 2011 الي هي الازرار حقت باب السائق

وقيمة الشريحه في الوكالة قبل فترة بــ 1750 ريال ولازم تغيرها كامله

صارت معاي ما تفتح دريشة السواق والراكب وجيت ادور الحلول ولما فكووو الباب وطلعو المجموعة لقوها محترقه بدون اي سبب قلت بروح اشتريها اكيد رخيصه يوم جيت انصدمت من سعرها

ورجعت للمحل حق الزجاج وقال اغيرلك المفاتيح قص وتلحيم من مجموعات عنده بـ 300 ريال قلت يالله وسواها وضبطت لها الحين 4 شهور تمام

[بورطيس]

ياشيخ الله يجزاكم خير
ويوفقكم ان شاء الله

بروح للكهرابئي اليوم قبل كذا بجرب اصبع البطارية

والله ماقصرتوا

والله يرزقك بسيارة ي يوكن جي ام سي

كفو والله