الله فكه من الشوزن

[خالد ابوشذا]

كنا وكنا نتصيد يم الفاو جهة حفر الباطن وبعدها توجهنا الى ام عشر ولقينا قمريه وبالسكتون اصيبة ولاكن طارة وحنا ورها الى ان وصلت فوق طلحه باخر الوادي وقال خويي انا بصوبه بالشوزن قلة براحتك ويوم وجه الشوزن الا جايها طير وماهو طير عادي اشهد انه من الحرار مع انطلاقة الشوزن والطير راجع نفس مسار صعود قبل توصل الشوزن القمرية اللي انعدمة والله فك الحر ولا كان بكيتله لاني قبلها اقول ياخوي ليتك خليتني اخذ الحمامة والشبكة وقالي ماحولك طيور وانا منغبن لاني شفت طير بالفاو وطير بام عشر وكنا نشتويه لاكن من بعدها قلت ولنفسي تناهيت تدور من رشدها لاوالله ياصديقي العلم عندي مدام اني كل ماوجهت لديره لقيت طير والله اني اذا شاء القدر اني طارحه طارحه الله لايعوق بشر ومن بعدها اسحبوا امن الطرق سيارتي وجلست فيها لامن شفت كلا توجه يم ديرة يتصيد وانا لسيارتي ارثي مير الله اقوى واقول اليا استجد العلم كلا ومقسومه

[ابوخالد95]

انشاء الله تطرح الحر اللي يطيب خاطرك

[خالد ابوشذا]

وش رايكم يالربع رحت اتصيد والصيد يم الصداوي وش هي اعلومه (يالربع بنشدكم الطير يلز عن تاظر الناس وان كان يلز يعني يندس لاني وانا اتصيد لقيت طير دون الصداوي منطقة بين وبين يعني مابين النعيريه والقيصومة في شي مثل المواسير حقت الماء فتحاتها كبيرة يمين الطريق وفيها طير ويوم وقفنا الا هذا الطير انطلق من محله وصادله طير واظنه سمانه وقام ينتف فيها نتف ويوم لعف وانا قاعد اقول للي معي الطير مايوقع تحت ولا يلز وش باقي امشي معك ومن يومها والخوي ماهو خوي كل ما لقيت طير قمت اجر الونه السمانه كانت معي والحمامة معي والشبك معي والطير قدامي لاكنه قبل تحكي تراه لعف وماهمه وش معي حطيت السمانه وناظرني نظرة احتقار وقال هالديرة مابي سلام وماشفت غير الحوم وبعدها تلاشى وهل مدمعي من نظرة مودعي وسلامتكم يالربع ودي احكي لاكن مصار معي

[برق المغيب]

الله يرزقك وانا اخوك .... لاتحسر على شئ ماهو لك ... الأرزاق مقسمها الخلاق ونصيبك بتلقاه

[الغرشوب]

.. الله يرزقك بالنادر .. انا اذا طلعت من غير الشبكه والقمريه .، احصل طيور ... واذا انا مضبط كل شي والله ما اشوف حتى البواشق .. الله يرزقك .... العام كنت في طريق على حد الوادي وانا بالسياره والله اني اساير ذي الشيهانه الي تطرب الخاطر والله ما بيني وبينها ولا 10 اامتار بس القوه لله ... وقال صاحبنا .. ( لو تجري جري الوحوش غير رزقك ما تحوش ) :.