عآآآآآآآآجل البكر صــــارله ثامن يوم مانسر ,,,, قرناس ثالث

[قرناس ثالث]

الســلام عليكم ورحمة الله وبركاته


صباح / مساء الخير على الجميع

واتمنى ان الجميع بصحه وعافية


يالربع عندي طير ماعلف من يوم طلعته من المربط العام فرخ والسنه ذي بكر

ماخليت شي الا وسويته له والحين فكيت الطير مع الطيور طلق ولا علف

والطير يالربع صحته زينه ولا بين عليه شي وتوقعنا انها نزاره في الطير

بس الطير يتنفض على اليد وراكد ولا بين عليه وحوشيه , وقلنا يمكن قلاع داخلي

وشيكنا على الطير ولا طلع فيه شي , وخليت الطير في غرفه وربطت له حمامة

في الوكر وخليته لحاله ولا علف ,,

اتمنى من اخواني اهل الخبرة يفيدونا والكل يدلي بدلوه ,,

قرنآآس ثالث :lr

[كحيلان 2006]

اخوي اذا كانت في الرياض عندك خالد العويدي راح يفيدك ويعلمك وش علت الطير

[قرناس ثالث]

اخوي اذا كانت في الرياض عندك خالد العويدي راح يفيدك ويعلمك وش علت الطير


مرحبا بك ياكحيلان من المنطقة الشرقية

وشاكر لك مرورك

[(بوسلطان)]

أخوي جرب تعلفه ؤهو مبرقع

[مكشاتي22]

ثمان ايام مانسر...؟وعاده حي...اقول احتفظ فيه هذا نادر

[قرناس ثالث]

ثمان ايام مانسر...؟وعاده حي...اقول احتفظ فيه هذا نادر


اذكر الله ياخوك ,,, وشاكر لك مرورك

[قرناس ثالث]

أخوي جرب تعلفه ؤهو مبرقع


جربنا مانفع

[قناص2000]

شكل الطير به ديدان رح لخالد او مستشفى الرياض الحق

[أبو فااارس]

صباح الخير .. إذا طيرك مربوط على وحاشيه او مادهل نهائي شي طبيعي فيه قرناس هوى العام 15 ليله صايم عن العلف مع انه راكد على اليد بس ركادة وحاشه وانت أهم شي افحصه عن القلاع وماله نيه يبي يعلف طيب والا غصب

[قرناس ثالث]

صباح الخير .. إذا طيرك مربوط على وحاشيه او مادهل نهائي شي طبيعي فيه قرناس هوى العام 15 ليله صايم عن العلف مع انه راكد على اليد بس ركادة وحاشه وانت أهم شي افحصه عن القلاع وماله نيه يبي يعلف طيب والا غصب




صباح النور يامرحبا يابو فارس

الله الله الطير مربوط على وحاشية وفحصنا الطير وان شاء الله انه سليم

[قرناس ثالث]

شكل الطير به ديدان رح لخالد او مستشفى الرياض الحق


الله يستر وشاكر مرورك

[م العجمي]

اول العام معي قرناس بيتي... صام 14 ليل

لكن علفت الطيور وهو على يدي يشوفها ... وعلى طول عطيته العلفه وعلف ومن بعدها سل سيفك

بالتوفيق

[ابوعزيز2007]

الله يستر عليه وتاكل من صيده لاكن وانا اخوك يمكن علشان انه مربوط على وحاشته

[قرناس ثالث]

اول العام معي قرناس بيتي... صام 14 ليل

لكن علفت الطيور وهو على يدي يشوفها ... وعلى طول عطيته العلفه وعلف ومن بعدها سل سيفك

بالتوفيق


سويتها والله ياخوك ماالتفت علي ولا درى حتى احط العلف بين رجيله والطيور تعلف ولا حقل ولا درى عنها

[قرناس ثالث]

الله يستر عليه وتاكل من صيده لاكن وانا اخوك يمكن علشان انه مربوط على وحاشته




الى الحين هذا الي ماخلاني اوديه للرياض و 60% هذا الي فيه

[ROOSHDE]

خله يشرب ماء واجد وحطله مع العلف حبة البركه خله يطير بوصط صندقه اذاكان وحش

[قرناس ثالث]

خله يشرب ماء واجد وحطله مع العلف حبة البركه خله يطير بوصط صندقه اذاكان وحش


والله مابقى شي الا وسويته وان شاء الله بيهديه ربي ويعلف

[شهاب بن عساف]

طيرك مافيه الا العافيه باذن الله .
الطير بس فيه جفله (( وحاشه قويه )) تجس الطير تلقى حاله طيب وعينه طيبه ولا فيه اي عرض لاي مرض حتى لو تعرض له ماء بفنجال تحصله يشرب لكن العلف انسى يعلف .
قد صارت لي وانا اخوك لا تشيل هم الا بحاله وحده اذا غرست له العلف وقذفه اعرف ان عنده مشكله .
واذا كان الطير يمسك العلف ولكن مايعلف اعرف ان منسر الطير يبيله برد لانك تقول مافيه قلاع وسليم .
كل يوم اعرض له حمامه حيه وشف عنه وباذن الله يبي يعلف وتروح الجفله منه

[كلي فخامه]

:good2:
طيرك مافيه الا العافيه باذن الله .
الطير بس فيه جفله (( وحاشه قويه )) تجس الطير تلقى حاله طيب وعينه طيبه ولا فيه اي عرض لاي مرض حتى لو تعرض له ماء بفنجال تحصله يشرب لكن العلف انسى يعلف .
قد صارت لي وانا اخوك لا تشيل هم الا بحاله وحده اذا غرست له العلف وقذفه اعرف ان عنده مشكله .
واذا كان الطير يمسك العلف ولكن مايعلف اعرف ان منسر الطير يبيله برد لانك تقول مافيه قلاع وسليم .
كل يوم اعرض له حمامه حيه وشف عنه وباذن الله يبي يعلف وتروح الجفله منه
:good2::good2::good2::good2::good2::good2:

[العد القراح]

السلام عليكم ياخي العزيز خطر الطير كم يوم وبعدين لأجا العصير وطاحت الشمس واخذلك حمامه واربطها بسبب
وفرفشها حدر الطير وبإذن الله بينزل وبيذبحها وعطه عليها وانا طيوري اذا شليتها بعضها يصوم 10 ايام
وسويت هالطريقه وكلا الطير ،،،، وموووفق خير

[شليويح511]

السلام عليكم فيه طريقه بإذن الله ان الطير راح يستجيب اربطلك سمانه حيه بسبب قصير بالوكر وشيل برقع الطيروهي مربوطه تحته وخله الحاله هو وياها وبإذن الله يبا يتعشاها اليوم

[عبدالله بن الشيخ]

لا أعلم

الإخوان ماشالله عليهم ماخلوا شي

الله يباركلك فيه

[عشق الرحيل]

الله يجعلة يتبارك ويطعمك من صيدة وبالتوفيق ان شالله ..........

[ابوفيحان11]

جرب نربط جربوع بدل الحمامه يمكن يهديه الله ويعلف

[عابر الموج]

توجد ابرة في مستشفى الصقور تفتح الشهيه على طول يدور العلف بالتوفيق

[الشامخ عرعر]

طيرك مسكون نصيحه وده لحدا المشايخ يقرى عليه مدام مافي شي ماسويته له او شربه مي مقري فيه اخوووي دق على البراء ال عثمان في حبوب نااسي اسمهن يفيدك 0547481995 مايشوف شر

[قناص الجوازي]

السلام عليكم اخي العزيز اذا كان الطير سليم مافيه شي وتاكدت من فحصه الطير باقي علي وحوشيته مايعلف من ايدك علي طول علف الطير باالبرقع حط العلف عندكفوف الطير وحسسها له وخله يعلف وباذن الله يبي يتعشاها.
وثاني شي دهل الطير باالتوفيق

[جلاد الحباري]

عطيتك العلم ياسعد فكه مع الطيور يومين وبتشوف نتيجه الطير انا شفته ما عليه خلاف كل ما في الموضوع وحاشيه لا اكثر

[THE SNIPER H]

اول العام معي قرناس بيتي... صام 14 ليل

لكن علفت الطيور وهو على يدي يشوفها ... وعلى طول عطيته العلفه وعلف ومن بعدها سل سيفك

بالتوفيق

طريقه ناجحه ان شاء الله
العام الماضي اشتريت حر فرخ واربع ايام لم ينسر نسره واحده
علفت امامه وكريه علي كفي واثناء علفها قدمت له علف قام علف علي طول
جرب هذه الطريقه وان شاء الله تنفع

[قرناس ثالث]

عطيتك العلم ياسعد فكه مع الطيور يومين وبتشوف نتيجه الطير انا شفته ما عليه خلاف كل ما في الموضوع وحاشيه لا اكثر


مرحبا بك ياعبدالله الطير طلع فيه التهاب في بطن الطير من الفري البارد وعطيناه علاج وان شاء الله موعده اليوم وبيعلف ,,

[ملاعب الطير]

كم قياس الطير؟
ووشهو وزنه؟
وابي اعرف نوعه بعد؟
وبعد وش كنت تعطيه علف للأيام الخمس السابقه؟

هل عطيته حمامه تشك في سلامتها؟
على كل حال@@@
مر علي طيور وحوش عيت تعلف 12 يوم

الوكاد راح ارسل رقمي لك بالخاص
دق علي والله كريم

[سنجااار]

دام فحصت الطير وهو سليم ماعليه

قبل كم سنه كان معنا طير 12 يوم مايناظر بالعلف لو انا مانخليه ينسر وهو مبرقع ولا كان مات

اصبر عليه وان شاء الله بيعطيك عمره

تقبل مروري

[mr-r]

انا سمعت بواحد صارتله هل المشكله
شف وش علف الطير بالمربط اذا كان فري جبله فريه وشف اذا ماكلها
جبله فريه حيه وحطها قدامه وانشالله يعلف

[عيون النسر]

ارجع للمربط يا اخي وشوف وش يعلف وقت الربطة ونوع العلف الي فى المربط وانا اخوك والله الموفق وهذا على اد علمي

[جلاد الحباري]

مرحبا بك ياعبدالله الطير طلع فيه التهاب في بطن الطير من الفري البارد وعطيناه علاج وان شاء الله موعده اليوم وبيعلف ,,


بمر المربط اليوم وبشوفه ان شاء الله ماعليه خلاف

[الطبشي]

ثمان ايام مانسر...؟وعاده حي...اقول احتفظ فيه هذا نادر


اذكر الله على الطير
والطيور طبيعي يجيها نزاره ولا تعلف اكثر من 8 ايام
شي طبيعي

[اقدم صقار]

لا تحرص عليه وانا اخوك وطيرك ما فيه الا العافيه شي طبيعي ودامه مربوط على وحاشته لا تشيل هم اعتبر طيرك وحش وترى ركادته هذي ماهيب لله ههههههههههههه ولاكن لازم تغرسه لو بيدك اهم شي لا يصوم اكثر من 10 ايام وجعله يتبارك لك وتاكل من صيده