محتار

[الجراح1]

السلام عليكم ورحمة الله وبركاته
ياشباب عندي من العام طير وانا ملاحض عليه (غمص)في عينه وقلت يمكن من البرقع يلحق عينه وغيرت البرقع ونفس المشكله والسنه هذي جيته في مربطه ولقيت عينه تدمع وفيها (غمص) ما ادري اش المشكله وهل فيها ضرر على الطير
اتمنى الافاده من اهل الخبره

[ابن بريده]

اتوقع فيه انسداد او ضيق في مجرى الافرازات المؤدي من العين الى منخر الطير لان هذا الجرى موجود حتى في الانسان لو كتمت انفك وفمك بيديك وحاولت تخرج الهوا لا رئيت الحوا يخرج من العين فهذا هو الانبوب المقصود

[ابن قرمله]

اخوي انا والله ما عندي علم والله اني رحمة طيرك والله لو اشوف دمع طيري اني لا ابكي على ما جرى له واوديه لمسنشفى الطيور واخسر فيه لو حياتي هذا طير مسكين لا يتكلم ولا يقدر يبين لك تكفى راعه وخف الله فيه ولا جبه لي واوديه اذا انت في الرياض وده مستشفى سلطان بن فهد وان شالله يعالجونه لك بسرع وقت ممكن

[الجراح1]

الله يجزاك خير على التفاعل
واخوي ابن قرمله انا لو ما رحمته ما نزلت موضوعي هذا ادور علاج له وانا ما حولي اي مستشفى والله يجزاك خير على تعاطفك لطير ( من لا يرحم لا يُرحم)

[الجراح1]

ياشباب وين اهل الخبر وش العلاج انا خايف ان المرض يأثر على الطير وانا لسع ما طلعته من لان الموس ما تم

[قرناس حوران]

يفيدونا اهل الخبره
للررررررررفع والفايده

[الجره جديده]

رش عليه ماء وملح بس الملح يكون الطبيعي ولا تكثره
وفيه قطره كمان تعطيها الطير مع الانف بس الاسم ما يحضرني الحين بحاول اتذكره واعلمك

والاخوان اكيد لهم خبره وبيفيدونك افضل مني

[خيرها بغيرها]

مرحبا يا جراح وين موقعك عشان نقدر نوجهك لاهل الاختصاص والمعرفة في هذا المجال
وحاضرين للطيبين

[عاذي]

ودة المستشفى

[الجراح1]

ياناس انا ما حولي مستشفى
انا في تبوك على الساحل والاخ الجرة ياليت تاحول تتذكر اسم القطرة

[ابن قرمله]

اخوي جراح يمكن منخر الطير مسدود حاول تنضفه بعود اذاني وغسل عين الطير بماء وملح وتأكد انه يتنفس وما فيه صوت انسداد في منخر الطير لانها احتمال هو السبب والطريقه الي تنظف الطير ماء وملح وبرواز من الصيدليه وكتف الطير وصل راسه تحت ورجليه فوق افتح فم الطير وعب البرواز من الماء المملح و اضغط البرواز في منخر الطير ظغط خفيف ونظف بالعود حق الاذاني وانشالله يطيب وبيطلع من فم الطير وصخ لانه انفتح مجرئ الهواء في منخره بس خلك صال الطير راسه تحت ورجليه مرتفعه فوق وفمه فاتح عشان ما يبلع الوصخ وحط تحته صحن ماء عشان تشوف الوصخ في الماء وبعدها نظف عين الطير وشف اليوم الثاني اذا طلع شي بسيط اقل من اول فهو ما نظف زين سوها ثاني مره حتى ينظف عطه قطرات انسداد الانف بتلاقيه في صيدليه بشريه

[الجراح1]

الله يعطيك العافيه يابن قرمله
لاكن انا ما لاحظت اي انسداد في منخر الطير لاكن راح اجرب ما خسران شيء لان الملح مايضر والله يجزاك خير على اهتمامك

[نقوة الغوش]

الله يشفي طيرك .. اذا حولك صقاقير اعرضه عليهم والا حاول تصوره لنا
مايشوف شر ان شاء الله

[AL-NaDeR]

الله يشفي طيرك وانا اخوك ..
وارسلت لك رساله بالخاص ..
وان شاء الله نحصل علاج لـ طيرك "

[الجراح1]

واله ينادر ماصقرت انت والشباب اهل الخبره
حطيتله مويه وملح اكثر من مرة وما فادت والحين جبتله قطره من الصيدليه البشريه اسمها أكيورد قطرة معقمة للعين ودي احطها له اليوم وانشاء الله اتفيدة وعلى الله لاكن وش افظل طريقه لوضع القطره في عين الطير مكن احد من الشباب يفيدني

[ابن قرمله]

غسلت منخر الطير وعليك بقطرة البروزولين تعينه في الصيدليه البشريه عطه قطرتين في كل منخر مرتين في اليوم لمدة ثلاث ايام وقطره في عينه مره وحده لمدة ثلاث ايام وحده بوحده ومجرب وان شالله يشفيه رب العالمين او ارسله لي لرياض مع احد رايح لرياض وافحصه لك في مستشفي الطيور والله اني لي ايام وانا ما اذوق النوم بسبب طيرك افكر فيه واسال الخبراء الي عندي والله يوفقك