ماهو علاج اهتزاز اليد عند الرمي ...

[ابوريناد1979]

السلام عليكم
صبحكم الله بالخير جميعا
ياخوان انا اعاني من مشكلة اهتزاز خفيف باليد عند الرمي بام صتمه او الخرازة وهل هناك تدريب معين يثبت اليد . وهل للتنفس علاقة بالموضوع
دمتم موفقين

[مربط القعاسي]

اذا كنت تخاف من الرمي يعني جديد على الصيد عادي فتره وبتعود عليه
وذا كان الاهتزاز بسبب ثقل البندق دور بندق خفيفه او ارم في السيارة لا تنزل
وبالله التوفيق

[الفايروخ 80]

بعطيك نصائح ان شاء الله تفيدك

1- لا تتنفس وأنت ترمي لان التنفس عند الررمي مايكون السلالاح ثابت

2- ممكن بنيت جسمك ضعيفه او السلالالاح ثقيل فهذا من اسباب اهتزاز السلالالاح

حاول تبثت السلالاح على شي والافضل اذا كنت بالسياره بكذا ان شاء الله راح يثبت معك السلالالاك


اتمنى اني افدتك

تقبل مروري ,,,

[ابو عبدالله خ]

اذا هو خوف أو ماتعودت فهذا طبيعي مع الوقت

ونصيحتي لك اليد الي مو بالزناد الثانيه مدها اخر شي تقدر عليه وبكذا يكون ثابت أو يخفف الاهتزاز

[ابوريناد1979]

اذا كنت تخاف من الرمي يعني جديد على الصيد عادي فتره وبتعود عليه
وذا كان الاهتزاز بسبب ثقل البندق دور بندق خفيفه او ارم في السيارة لا تنزل
وبالله التوفيق
هههه لاماهنا خوف ان شالله :D . وصحيح اني جديد عالصيد لكن سبق ورميت ماكنت اذكر ان يدي تهز لكن الخميس الماضي طلعنا نرمي بام صتمه ولاحظ ان يدي تهز وقلت يمكن نقص فيتامين ولاشي والبندق خفيفه ماهي ثقيله (ديانا 27) والمشكله اغلب الرمي لازم تنزل وتخلص عمرك ولابتقعد سبوع ماجبت حق غداك :p



بعطيك نصائح ان شاء الله تفيدك

1- لا تتنفس وأنت ترمي لان التنفس عند الررمي مايكون السلالاح ثابت

2- ممكن بنيت جسمك ضعيفه او السلالالاح ثقيل فهذا من اسباب اهتزاز السلالالاح

حاول تبثت السلالاح على شي والافضل اذا كنت بالسياره بكذا ان شاء الله راح يثبت معك السلالالاك


اتمنى اني افدتك

تقبل مروري ,,,


لا الحمدالله بنيت جسمي جيده وماعندي مشاكل ... بس ودي اعرف اذا هالمسأله تعود او فيه فيتامين معين اوهالشغله له علاقه بالكافيين ... وان شالله هالموضوع يكون فيه فايده للجميع :good:

[ابوريناد1979]

اذا هو خوف أو ماتعودت فهذا طبيعي مع الوقت

ونصيحتي لك اليد الي مو بالزناد الثانيه مدها اخر شي تقدر عليه وبكذا يكون ثابت أو يخفف الاهتزاز

نصيحتك بالحسبان وبجربها ان شاءلله .. الله يعافيك

[ارحبو2012]

سلام عليكم اخوي علاجها عطاك الوصفه اخونا العزيز حينما قال لا تتنفس وأنت ترمي لان التنفس عند الررمي مايكون السلالاح ثابت :good2:كلامه صحيح مئه ب المئه .

[قرناس حوران]

علاجها الوحيد عند الرمايه هي برود الاعصاب او الاستماته بالمعنى الاصح
يعني لاترتبك ولاتفكر انها تبي تروح الصيده وبرد اعصابك على قد ماتقدر ارجو اني افدتك

[المنذراوي]

ارمي كثير يظبط وضعك وتصير محترف...عاديه يالغالي لاتوسوس

[الولد الطيب]

المعروف انه لازم تكتم النفس اثناء التصويب وكذلك اثناء التصوير بالكاميرات!

[الولد الطيب]

سلام عليكم اخوي علاجها عطاك الوصفه اخونا العزيز حينما قال لا تتنفس وأنت ترمي لان التنفس عند الررمي مايكون السلالاح ثابت :good2:كلامه صحيح مئه ب المئه .



+1
حتى اثناء التصوير بالكاميرات يفضل كتم النفس

[PATHFINDER 4]

خطأ يا اخوان كتم النفس يزيد معدل ضغط الدم ويزيد دقات القلب وسرعة ضرباته النتيجة تهتز اطرافك خصوصا الاصابع

الكلام ما اقوله من راي شخصي ولا حتى تجربه لكن سبق وبحثت في مواقع اجنبية وطلعت بهالنتيجة

وينصحون انك قبل تطلق تاخذ شهيق عميق ثم زفير 3 مرات والتوقيت الصحيح للرمي هو بعد مايخرج الزفير
تكون فيه لحظة ممتازة جدا للرمي وهي بالضبط قبل الشهيق التالي

والحركة هذي يطبقونها القناصين الحربيين

(حبيت اقدم رأيي قد يكون مفيد للبعض)

[الولد الطيب]

خطأ يا اخوان كتم النفس يزيد معدل ضغط الدم ويزيد دقات القلب وسرعة ضرباته النتيجة تهتز اطرافك خصوصا الاصابع

الكلام ما اقوله من راي شخصي ولا حتى تجربه لكن سبق وبحثت في مواقع اجنبية وطلعت بهالنتيجة

وينصحون انك قبل تطلق تاخذ شهيق عميق ثم زفير 3 مرات والتوقيت الصحيح للرمي هو بعد مايخرج الزفير
تكون فيه لحظة ممتازة جدا للرمي وهي بالضبط قبل الشهيق التالي

والحركة هذي يطبقونها القناصين الحربيين

(حبيت اقدم رأيي قد يكون مفيد للبعض)

المقصود يا غالي كتم النفس فترة قصيرة جدا اثناء الضغط على الزناد يعني ما تتجاوز خمس ثواني..

[mrayman]

خطأ يا اخوان كتم النفس يزيد معدل ضغط الدم ويزيد دقات القلب وسرعة ضرباته النتيجة تهتز اطرافك خصوصا الاصابع

الكلام ما اقوله من راي شخصي ولا حتى تجربه لكن سبق وبحثت في مواقع اجنبية وطلعت بهالنتيجة

وينصحون انك قبل تطلق تاخذ شهيق عميق ثم زفير 3 مرات والتوقيت الصحيح للرمي هو بعد مايخرج الزفير
تكون فيه لحظة ممتازة جدا للرمي وهي بالضبط قبل الشهيق التالي

والحركة هذي يطبقونها القناصين الحربيين



(حبيت اقدم رأيي قد يكون مفيد للبعض)

كلام سليم أؤيده لأني كنت بقولك نفس الكلام انت جرب تأخذ نفس عميق وتخرج الزفير على عدة مرات بين كل مره ومره يعتبر وقت الاطلاق الأمثل

[رجل المرور]

هههههههههههههههااااااااااااااااااااااااااااااااااا ااااااااااييي يبي لك فتامين ححليب الحمرا السحمه هههههههههههههههه

[راعي الشبب511]

يمكنك شيبت
عليك بحليب البل والعسل والقرصان والتمر <<<مسامير الركب
ولى مانع من صينيت قميري مقلقله <<< مسامير الأكواع هههههه

[مكشاتي 33]

هلا اخووووووي
مثل ماقالو لك الاخوان لا تتنفس وانت تبي ترمي
ونصيحة ثانية مني
السلاح ان كان ثقيل قلل من الاهتزاز
وان كان ليس ثقيل رجعه الا كتفك بقوة واكتم نفسك
وسم بالله وارمي
وتقبل مروووري

[نحال الجبال]

السلام عليكم خذ بنصيحة الجندي التركي الي قال قبل مائة سنه وقال (العين ماترمشي واليد ما تهتشي والقلب ما يختشي البندق ما تخطي الشي)وسلامتكم

[ابو سفيان]

ياذيب خذ الحل تران سارت علي مثلك بالضبط وحلها بسيط ان شاء الله
يخوي افطر زين لان الجسم اذا نقط من الغذاء يبدا الجسم يخمل وان حاولت تبذل جهد تحس انك تتنافض هذي سارت علي وانا اقنص وباره قبل الفجر طلعت للمابره ولا تعشيت قبلها ولمن جيت بصوب على احد الوبران يداي ارتجفت وتعوذت من ابليس قلت وش هذا المهم عرفت المشكله وبعداها سرت ما اروح للوبران الا وانا شبعان
وفي احد الشباب يقنص كل شي عادي الا الوبران ان مد البندق عليها انتفض يصيبه الرعاب لانه يفكر انه لو ما صبته رح اندم ويشد عمره ويقلق وهذا سبب انتفاضته خلك هادي ومستريح ولا تشد عمرك وتسهل امورك
وبالنسبه لك اكل زين وتروح النفضه ان شاء الله

[dollar_sss]

السلام عليكم ورحمة الله وبركاته اخي الكريم

انا جاي انصحك من واقع تجربتي الشخصيه انا كنت ادخن سجاير وكانت تجيني الرجفه اثناء الرمايه وتشوش علي عند التركيز لدرجة اني كرهت الرمايه بالخرازه وبالسكتون ورحت للدكاتره فحصوني عن السكري وقالو يمكن من الجوع او قل النوم واستمرت حالتي لدرجة كرهت نفسي وقعدت مع شايب من الجماعه وشافني وقالي تبي الرجفه تروح قلتله عطني علاجك قال اترك الدخان ضحكت وقلت له شكو قال لاتسألني ألا لما تترك الدخان وبعدها من فضل الله تركت الدخان وبعد 20 يوم اختفت تماما مع العلم اني كنت اتحسن يوم عن يوم

[صياد الجبل]

اقول خذ العلم الواكد لاصليت الفجر

خذ صحن التمر وطاسة السمن وخذ لك موز وغمسها بالسمن واشرب الحليب وفنجال قهوه وتوكل على مقناصك

وماجاك علي

[صبرك علي]

السلام عليكم. حسب ماقالي شايبي انك لا عايرت واكدت الصيده اكتم نفسك وارم بعد التوكل على الله والتسميه قبل الرمي. ويشاع عند الباديه ان فيه منطقه فاليد تكوا بالنار بس مانصحك ههههه وماودي اعقدها عليك بس قناصي الحروب يرمون بين نبضات القلب هذا والله اعلم.


تقبل مروري

[الحربي181]

شد البندق على جسمك على الخفيف

[ابن مجدوع]

كثر من الرمي ومع الوقت بتروح لكن لاتشيل همها كل ماجيت ترمي ارم وانسى ولا عليك .. وفالك الصيد الوافر ..!

[hwawy99]

هذه بعض النصائح :1- التغذية الجيدة2- الاستراحة قبل الرمي 3- برودة الاعصاب (ماياخذ الانسان الانصيبه)حطها في بالك 4- اخذ الوضع المناسب للرمي ولاتنسى التسمية وتوكل على الله (فالك الشحم)

[$ نقيب الجنوب$]

انا اشوف انك تاخذ وقت وانت تصوب على الهدف وبكذا يدك تتعب من حمل البندقة وانصحك انك ترمي مع اول نفس والتوفيق للجميع

[بواردي الحفر]

اسمع وانا اخوك اهم شي انك لاتوسوس ان الصيده تضيع
واكتم النفس وركز بدون وسوسه
ولاتشد يدك على السلاح لاتضغط يدك على قوه خل يدينك اخفاف حيل
راح تشوف نتيجه غير طبيعيه

[قناص ام القرى]

نصيحة مني لك يمكن محد يعرف عنها شي تعرف تسوي تمرين الظغط سويه الين تشد يدك وبعدين جرب وادعيلي