الشوزن تهفي

[ليوان]

السلام عليكم ورحمة الله وبركاته
اخواني
عندي شوزن ام سيلان 32 انش .. تهفي
اذا رميت بها الهدف تجي تحته .. لازم ارفعها الين اصير ما اشوف الهدف
وش مشكلتها ؟
قال لي رجال شرواكم هذه مشكلتها من الحبة ( الشعيرة ) لازم تقصر شوي قمت دقيتها شوي الين قصرت وما زالت نفس المشكلة
علما ان ماصورتها نظيفة وما فيها عوج ولا شي .

[قرناس حوران]

حياك الله اخوي احسب ٣٠ او ٣٥ متر عن الهدف وحاول تخلي الهدف دايره صغيره مثل قاعده علبه الببسي وارسم الدايره على جدار وارم وان شالله يتضحلك اكثر وحاول التنويع بالفشق لان كل فشق وله مرمى
ويفيدونك باقي الاخوان

[السلطان2011]

اتوقع عادية كل ام حبة تهغي شوي

[قناص الأشهب]

خذ العلم كل أم حبة القديمة جربتها أم سيلان وأم سبع أبر والأيطالية والأسبانية كلها تهفي ورميها طبيعي على كذا أذا بترمي فيها لازم تعيب الهدف يعني لازم ترفعها شوي وسلامتك

[ستيفنزالقصيم]

كل ام سيلان والستيفنز تهفي يكون الحلبي تحت لازم تغطي الطير بالحبة او ترفعه عنه ...هذي مشكلة الا
..مريكية....لكن الاسبانية جربتها احلى من ام سيلان والستيفنز عل نفس الحبة. راكده

[ارحبو2012]

مع احترامي للأخوآن ي رآعي الشوزن تفقد الماصوره زين اي بندق يجي رميها مايل تحت او فوق اعرف ان المشكله بالمصاوره ــ والماصروه لو تميل شعره تخطي الهدف لو انك متأكد من عيارك وشكرآ .

[ليوان]

حياك الله اخوي احسب ٣٠ او ٣٥ متر عن الهدف وحاول تخلي الهدف دايره صغيره مثل قاعده علبه الببسي وارسم الدايره على جدار وارم وان شالله يتضحلك اكثر وحاول التنويع بالفشق لان كل فشق وله مرمى


ويفيدونك باقي الاخوان

هلا بك اخوي قرناس حوران
أنا مجرب الطريقه الي قلتها وتأكد لي إن البندقه تهفي ولكن بشكل مختلف مع أنواع الفشق لأني قد رميت بفشق فكتوري 36/6 الأبيض تجي الرمية تحت الهدف بمقدار بسيط وأظن ان الحلبي ينتشر إنتشار جيد علشان كذة يغطي هذه المشكلة وإذا رميت بفشق نوع آخر اسمه بيتوربو "يوناني" مقاس 36/1 لونه أحمر تجي الرميه دائماً تحت الهدف بذراع إذا كانت المسافة 30 م .

[ليوان]

اخواني الاعزاء السلطان2011 و قناص الأشهب و ستيفنزالقصيم
اشكركم على ردودكم وإهتمامكم بارك الله فيكم

[ليوان]

مع احترامي للأخوآن ي رآعي الشوزن تفقد الماصوره زين اي بندق يجي رميها مايل تحت او فوق اعرف ان المشكله بالمصاوره ــ والماصروه لو تميل شعره تخطي الهدف لو انك متأكد من عيارك وشكرآ .

هلا بك اخوي ارحبو2012
الماصورة حسب ما ارى إن ما فيها شي إذا نظرت فيها من الداخل ووجهتها على نور كشاف مثلاً اشوفها زينه ما الاحظ فيها اي عوج وإذا عندك طريقه ثانية تأكدلي العوج من عدمه قول لي عليها علشان اتأكد بارك الله فيك .

[ابوعاشة]

اخوي شوف اذ مافيه فضاوة عن بيت النار اذا سكرتها لان الفضاوة هذي دليل انها مرتخية ويصير الرمي تحت

والسبب الثاني فم الماصورة وهذي هي السبب الرئيسي عندي وحدة ستيفنز فمها متوسعع وتهفي ومالها علاج هذي

[II عزام II]

^
^^^

كل شي له حل يالغالي

واحد من الشباب اشترى ام سيلان 32

رميت بها وقف شعر راسي عليها رمي يطرب وفيها زمه مثل زمة البراونق البلجيكيه تقريبا 4 او 5 قفلات (اصبع) فوق الهدف

استغربت وبعد تقليب وتمحيص اكتشفت انها ملويه على فوق بطريقه مجنونه واحترافيه ولا تلاحظ العفت الا اذا دققت من جنب الماصوره واذا شفت ماصورتها من جوه تقول والله مافيها ولا عفت ولويتها خفيفه جدا لدرجه ماتلاحظ فيها عفت ومكان العفت دون الحبه بـ 5 الي 6 اصابع

الحين تنسام منه 4500 ريال ولاطرى عليه بيعها

وبما ان السلاح قديم ورخيص في سعره تفنن فيه ورهمه على كيفك

وانا اشوف اذا رميها ماجاز لك والهفوه الي فيها مضايقتك تقدر تدور لك بيطار شغله تمام وتخليه يعفتها لك على فوق عفت بسيط مره يفرق معاك بزمه قويه

وترى ماهي بندقك بس كل ام سيلان رميها راكد وفيه هفوه بسيطه

وان شاء الله اكون افدتك

[المتلولس]

اخوي حط حبة صغيرة بالحيل كل ماصغرت الحبة يرتفع رمي البندق

[عشق الجبل]

الفشق ترا له سر في رمي الشوازن

[الشمروخي]

بع الشوزن لاصارت تهفي وشف احسن وجرب قبل اللي تهفي ابعد عنه والله يوفقك

[ليوان]

هلا بك اخوي ابوعاشة
من ناحية الفضاوة لا مافيه فضاوة اما فمها متوسع ولا لا والله ما انتبهتى للموضوع هذا ابي اتأكد إن شاء الله

هلا بك اخوي II عزام II
اشكرك على ردك واهتمامك بس العفت هذا قد يكون صحيح وما فيه شيء لكن انا والله ما اقتنعت فيه لأنه يعتبر مخاطرة بالسلاح من جميع النواحي .

هلا اخوي المتلولس
الحبة صغرتها الى آخر درجة وما فيه فايده .. بصراحة بدأت اشك في الفشق الأخير الي استخدمته اسمه بيتوربو - لامبرو 36/1 وأول مرة استخدم هذا المقاس رقم 1 يمكن يكون هو السبب .

هلا بك اخوي عشق الجبل
هذا الشيء الي شكيت فيه وابي اتأكد الأيام الجاية ان شاء الله

هلا اخوي الشمروخي
يخوي ودي إذا كانت تتعالج هذه المشكلة اعالجها ما احب حكاية البيع هذه

[شاهين12]

اخوي حط حبة صغيرة بالحيل كل ماصغرت الحبة يرتفع رمي البندق




اوافقك الراي اخي المتلولس.

اذكر عند واحد من الربع عنده استيفنز قصيره مهيب طويله هقوتي 30 اواقل بعد.
و رشها بنطاق واسع يعني بتوصل بحدود 35متر وحولها بهالمسافه ممتازه جدا (الجول يطيح بالرميه نصه)
الوكاد بالتصويب على الهدف تعطي مسحت الماصوره على الهدف.
(الحبه ممسوحه مره لحد جزء خفيف منها لكي يوزن على الهدف فقط)

اتمنى اني افدك .

[ابو سفيان]

ودي افيدك لكن يخوي ما بتدخل عقلك ولا عقل الشباب الغالين هنا لكن ابيك تجرب نوع من الفشك وشوف ايش يسير معك جرب فشك قرطاس وليس البلاستك ورح تستنتج الاجابه بنفسك لكن انا اضم صوتي لصوت الشباب اغلب ام حبه ام سيلان وام سبع ابر فيها الهفوه لكن ركب القرطاس باذن الله تشوف الفرق

[فهد أبونايف]

عندي بلجيك ام وحده ونفس المشكله !!!

[ابوفهيدان]

عندي ام بطن من 18 سنة وشي طبييييييييعي
كل الشوازن تهفي حتي ام خمس وغيرها
تدري ليش؟؟؟؟؟؟؟؟؟؟؟؟ لانك ترمي الهدف علي الارض

وشي طبيعي الفشق ينتشر ويلمس الارض

[ليوان]

اخواني
شاهين12 ، ابو سفيان ، فهيد ابو نايف ، ابو فهيدان
تجاربكم دروس لي واشكركم على الرد والاهتمام

[ابوهيلة]

اخوي انارديت على موضوع في المنتدى صارت معي وصارت تهفي البندق وغيرت الابره وصارت ممتازه لان ابره الوكاله خايسه ضعيفه ماتدوس الفقشه بالشكل الصحيح او انها معفوطه الابره او قصيره انا ارد عليك من تجربه لان بندقي حطيتها بالدالوب 4سنوات من كرهي لها ولاكن بعد الابره صارت ماتفارقني من الموتر ولاكن غيرها باطول من اللي عندك وبعدين شرطي،عليك ترد علي وتعلمني اشلون صارت ومع الف سلامه

[N . S . R]

ياراعي البندق الوضع طبيعي كل ام طلقه تهفي

[عسم الغربية]

السلام عليكم
فيه حل لمشكلت بندقك
وهو ان تحط الماصوره في مكان ثابت مثل الهوك حق الجيب
او بين جذعين شجره متقاربه
وجذعين الشجره افضل
وتقوم بالضغط على الماصوره بشكل متوسط لأعلى
من اعلى الماصوره ثم من الوسط
وجرب الين تزبط معك وتصير تزم
( من واقع تجربه )

[111333]

ياليت تعلمنا ايش صار ووش الحل لاني نفس المشكله عندي وبنفس البندق .. ومكرهتن البندق

[أببوعبدالعزيز]

وانا نفس المشكله بس إذا رفعت فوقها ما يروح الطير بإذن الله تعالى
ابو هيييييييله / الي غيرها ابرتها ام سيلان