دعو الطير

[ابوفيحان11]

اشوف بعض الصقاره يدعي طيره بالليل على الكشاف وش رايكم فيه
الرجاء التعليق للفائده مع العلم انك تعامل الطير حسب البيئه اللي عاشها

[قناص الجوازي]

طبعا كل صقار يختلف تدريبه عن الثاني
قد دربت شهانه جبليه واهدها علي كراوين في الليل علي الكبس طبعا بعد تدريب الوح لها قبل المغرب واعشيها علي الملواح ونور السياره شغال واكرر التدريب حتي الوح لها في الليل علي نور السياره وعلي كذا انتهي تدريبها واصبحت جاهزه وهديتها علي الكراوين باالكبس الغازي وتعلقه في السماء اذكرو الله جزاكم الله خير

[قرناس حوران]

انا قد واجهت رجال معه وكري يدعيه على نور السياره بعد ماندعي طيورنا
وماشالله مجاوب على التلواح بالليل ولاكن لا ائييد هاذا الشئ لسلامه الطير
من ضرب السياره او الارض ويعطيك العافيه على الموضوع

[ابوفيحان11]

وكري عايدي تختلف صقارته عن التام الاصيل مثل الفارسي الي يحتاج الى صقاره صح

[هواي البر 2]

انا اشف ماله لزمة ادعي الطير في الليل ويازين الدعو والهدد في النهار وعيونك تشوف

[ابوفيحان11]

هذا الكلام الصحيح

[راعي عزاام]

انا اشف ماله لزمة ادعي الطير في الليل ويازين الدعو والهدد في النهار وعيونك تشوف
:good::good:
عزالله انك صاج

[ابن بريده]

انا شفت هدد على كراوين بواسطة الكبس بالليل لكن اذا علق الطير الكروان ونزل الطير وخالف نور الكبس قد يتعور ويضرب الارض والدعو يمكن الطير يجي على النور ويكون على طريقه شجر ولا حجر طبعا ماراح يشوفه الطير ويمكن يصدم لهذا فالابتعاد عن دعو الليل افضل ٠

[الجره جديده]

بالنسبه لي ما اشوف لها داعي الا لشيهانه جبليه والا وكري
رغم ان فيه سلبيات وايجابيات
اللي تستفيده من هالحركه انك لو يضيع طيرك وانت تدري انه قريب منك شغل نورك ولوح له
والا شاف له شبة نار جاء محضر يدور القهوه
لكن المصيبه اذا شاف له سياره ماره مع خط صحراوي وانت مضيعه طبعا هو بيروح للسياره وانت عاد تدري الحين وين بيكون
اما تدعسه السياره او تصدمه
واذا سلم من هاالحاجتين ما راح يسلم من شجره والا حجره تعترض في طريقه
واذا سلم من هالامور هذي كلها ما راح يسلم من الكندره اللي هي البوم الكبير لانها في الليل خطيره
وتهبد الطيور حتى
اود التنبيه في الليل وقت المعشى ما تبعدون الطيور باوكارها بعيد عن السياره
تنزل الكندره على الطير وتهبده وهالشي صار معنا