والكل منهم يافتى غير مرغوب,............الحل ورم ........حله عطـــــــــــري

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم لغيز مجدد

يامحتري للغز جتك النشايد=لغز اسوقه يافتى الجود مكتوب
في خيمة يرتاد جوفه ولايد=كل سلاحه للغطو دوم منصوب
انشدك عن اثنين يابا العوايد= ياللي صعيب اللغز تفتح به دروب
الاسم واحد والنسب للضدايد=والكل منهم يافتى غير مرغوب
ذا كايدٍ ينسب لأعتى كوايد=ذا ينتسب للي من الناس محبوب
الياعكست الاسم مابه لدايد=بالارض لانبتٍ ولا هو بمشروب


مع تحيات ابو ماجد

منتديات مكشات . خيمة الالغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
رمعة لك عليه
سيخ لحام.....سيخ كباب

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
رمعة لك عليه
سيخ لحام.....سيخ كباب


هلا بدكتورنا
صح بدنك وسلمت من الشر
خل ابتساوا
مالك لوى يالغالي
انتظر مرماعك القادم

[مسيرs]

.حييت يافخر الالغاز
تحريك ملح بارود ملح طعام

[عطري]

و عليكم السلام و رحمة الله و بركاته
صح لسانك يالفارس
أقول سلم الله الجميع من كل شر ما يكون تقصد
ورم خطير و ورم حميد
خطير و ليس خبيث كما يرى بعض أهل العلم
لكن وش مرو
في الحقيقة ما ودي بهالرمعة لكن طرت على البال فالعذر و السموحة من الجميع
أسأل الله العظيم رب العرش العظيم أن يشفي جميع المرضى و أن يعافينا أجمعين..........آمين.

[صقر السديرات]

صح لسانك.ابو ماجد
ورمعة العطر الفواح قوية
دمت نشيطا

[عطري]

صح لسانك.ابو ماجد
ورمعة العطر الفواح قوية
دمت نشيطا
جزاك الله خيراً يالمبدع على تأييدك
هدأت من روعي أمنَّك الله.

[ابو ماجد 2]

.حييت يافخر الالغاز
تحريك ملح بارود ملح طعام

هلا بك يابو معاذ
حياك الله يالغالي
مالك لوى
تحيتي لك وتقديري

[ا لجوا ل]

صح لسانك يابو ماجد

عندي رمعه تمشي على جنب كنها تبي الظلع

هجوم حرب
هجوم كوره
والعكس موجه

[ابو ماجد 2]

و عليكم السلام و رحمة الله و بركاته
صح لسانك يالفارس
أقول سلم الله الجميع من كل شر ما يكون تقصد
ورم خطير و ورم حميد
خطير و ليس خبيث كما يرى بعض أهل العلم
لكن وش مرو
في الحقيقة ما ودي بهالرمعة لكن طرت على البال فالعذر و السموحة من الجميع
أسأل الله العظيم رب العرش العظيم أن يشفي جميع المرضى و أن يعافينا أجمعين..........آمين.


ليش ماودك
الا هالرمعة زلزلت كيان لغزنا
صح لسانك ملايين
كفو كفو كفو كفو
لله درك وبيض الله وجهك
نعم
ورم خبيث وورم حميد
والكل غير مرغوب
الياقلبت الاسم يظهر مرو

http://www.arabfillers.com/images/pro/Quartz.jpg


http://www.novasilver.co.uk/acatalog/rose-quartz-tumbled.jpg
والمرو هو الحجر الصلب اللي يكون فيه شفافيه
يستخدم قديم لاضرام النار فعند ضرب حجرين تصدر من بينهما شراره
ويستخدم هالوقت في تزيين النوافير وبعض المجسمات

[ابو ماجد 2]

صح لسانك.ابو ماجد
ورمعة العطر الفواح قوية
دمت نشيطا

بيض الله وجهك انت والعطر الفواح
تأييد موفق

[ابو ماجد 2]

جزاك الله خيراً يالمبدع على تأييدك
هدأت من روعي أمنَّك الله.

ماشاء الله عليك
هذا وانت ماتعرف المرو
وآمل اني افدتك عنه

[ابو ماجد 2]

صح لسانك يابو ماجد

عندي رمعه تمشي على جنب كنها تبي الظلع

هجوم حرب
هجوم كوره
والعكس موجه

هلا بك يابو رمزي
صح بدنك
والحل عند العطر الفواح
ورمعتك تصلح مشروع لغز

[عطري]

ليش ماودك

الا هالرمعة زلزلت كيان لغزنا
صح لسانك ملايين
كفو كفو كفو كفو
لله درك وبيض الله وجهك
نعم
ورم خبيث وورم حميد
والكل غير مرغوب
الياقلبت الاسم يظهر مرو


http://www.arabfillers.com/images/pro/Quartz.jpg


والمرو هو الحجر الصلب اللي يكون فيه شفافيه
يستخدم قديم لاضرام النار فعند ضرب حجرين تصدر من بينهما شراره
ويستخدم هالوقت في تزيين النوافير وبعض المجسمات


كفوك الطيب يالفارس لا عدمناك
و تسلم على المعلومات التي أوردتها عن المرو ، كنت أعرف إنه حجر فقط و انت جزاك الله خيراً وضحت أكثر
ننتظر الجديد و لكن غداً بإذن الله.

[ابو ماجد 2]

كفوك الطيب يالفارس لا عدمناك
و تسلم على المعلومات التي أوردتها عن المرو ، كنت أعرف إنه حجر فقط و انت جزاك الله خيراً وضحت أكثر
ننتظر الجديد و لكن غداً بإذن الله.


هلا بك يالغالي وصح لسانك مرة اخرى
والمرو تستخدم عند العوام وهي فصيحة
واليك ماقتبسته من المعجم الوسيط

المَرْوُ


نبات عَطِرٌ طبيٌّ من الفصيلة الشفوية، من أسمائه: الخرنباش، وحَبَق الشيوخ. و ـ ضروب من الصَّوّان توجد في الأَرض على أشكال شتى أهمها الرّمال. و ـ حجارة بيض رقاق برّاقة تقدح منها النَّار.
( المَرْوَةُ ): واحدةُ المَرْو. و- جبل بمكة. وفي التنزيل العزيز: {إِنَّ الصَّفَا وَالْمَرْوَةَ مِن شَعائِرِ اللّهِ}.