المساعد الشخصي الرقمي

مشاهدة النسخة كاملة : منطقة العقير


أنوربو
09/09/2012, 11:42 AM
السلام عليكم
بعد التوكل علي الله نويت التوجه الي منطقة العقير
وأريد المساعده لمعرفة المناطق والمراكز الحدودية هناك وكيفية الوصول لها
وما المراكز التي يوجد بها منزلقات للنزول بالقارب
وهل هذا الوقت جيد للصيد


ارجو الرد
ناجل سمار
09/09/2012, 01:26 PM
وعليكم السلام ودي أخدمك باي معلومات ولكن لا علم لي بالمنطقة ولكن أتمني لك رحله سعيده واتمنى من الله يحميك
accentkool
09/09/2012, 11:10 PM
اتمنى لك التووووفيق وبحر العقير فية خير
baracuda
11/09/2012, 02:43 AM
ما اعرف المنطقة ، وانشاءالله يفيدوك الاخوان
عبدالله حمد 0
11/09/2012, 10:37 PM
مرحبا اخوي بالنسبه للعقير يوجد منزل ولاكن الصيد مو ذاك الزود
بالنسبه للمناطق اللي حوله يوجد خمس اماكن لين توصل سلوى حدود قطر
بعد العقير الزخنونية وبعدها ام المرخ وبعدها ام حويض واخر شي دوحة حمام ثم سلوى
Dr-Diver
11/09/2012, 10:58 PM
يفيدوك الاخوان
أنوربو
11/09/2012, 11:37 PM
مرحبا اخوي بالنسبه للعقير يوجد منزل ولاكن الصيد مو ذاك الزود
بالنسبه للمناطق اللي حوله يوجد خمس اماكن لين توصل سلوى حدود قطر
بعد العقير الزخنونية وبعدها ام المرخ وبعدها ام حويض واخر شي دوحة حمام ثم سلوى


تسلم يا الغالي سمعت من قبل في أم المرخ
وهذه فيها جزيرة علي شمالها حد رمل وعلي جنوبها حد صخر
أذا هي قولي أو صحح المعلومه
bo.nasser
19/09/2012, 02:43 AM
حياك خوي

عندك مركز ام قصار
لجيت عند بايكات العوايل خلها يسارك
لين تجيك البايكه رقم 6
وبيكون على يمينك استراحات ومباني
تمشي 50 متر تقريبا
وبيجيك جلد على يسارك
اخذه
وفي نهايته راح تقابل البحر
بعدها اخذ يمين
لين يجيك شبك
هناك شغل هرن او بوري السياره
لين يجلس العسكري وقوله انك بتنزل طرادك
نصيحه ثم نصيحه ومعاها كم نصيحه
روح للمركز باوراق الطراد وتاكد منهم الشروط
انا احس هذا المركز يختلف عن اغلب المراكز
شروطه غيررررررر


هناك تقدر تنزل طرادك
بس اهم شي الحذر ثم الحذر
المنطقه في حول المرسى خطر
لايوجد عمق ولا توضيح لمدخل المرسى
لابد من فيش فيندر و جي بي اس يرسم لك خط الخروج من المرسى علشان لابد ترجع عليه

واذا محتاج جرات ومسارات لام قصار موجوده عندي
وتمنياتي لك بالتوفيق والسلامه
حنيف
19/09/2012, 04:26 AM
http://www.mekshat.com/pix/upload06/images/2012/09/mk84264_جزيرة الزخنونيه.jpghttp://www.mekshat.com/pix/upload06/images/2012/09/mk84264_جزيرة الزخنونيه.jpg[/IMG]


هذا جزيرة الزخنونيه
ويبلغ طولها تقريا 10كيلو متر
وعرضها 2.5 كيلو متر
وفي الجنوب عند ام المرخ توجد جزيرة جذيم
ويلغ طلها تقريبا 2.50 كيلو متر ايضا
لكن ثنتيهم ممنوعات
فقط احببت المشاركة
وتقبل مروري