السلام عليكم

[عبقري91]

عندي يوكن2002 قصير دبل امريكي
مشالله عليه مشي زي الحلاوه
المشكله هي كان فيه فضاوه خفيفه
جدا رحت لعدد مراكز يفحصونه قلو دوده
ولاهم متئكدين رحت لورشه بصناعيه القديمه الرياض
للشغلات هذي وغيرولي الدوده طبعن كان الدركسون خفيف مره عندي وبعدها ثقل حاجه بسيطه والفضاوه مراحت المهم غيرولي 3 حبات الثقل ملتغير والفظاوه مراحت بس حاجه بسيطه خفت بس لازالت موجوده
رحت للبيت واذا واقف ولفيت الدركسون بسرعه يلك ويحجر معي وصار علا هلحال
كنت مستعجل وسافرت وبعدها بفتره نزلت نفود ولفيت بسرعه سمعت صوت بدركسون او بطرمبه مدري وشو المهم بدا يثقل لين جيم اذا مشيت خف واذا واقف مافيه امل يتحرك
واذا باره توي مشغلها احس يتجاوب معي يمين ويسار


رحت للورشه قال الدوده مالها شغل هذي علبت الدركسون

قلت ليتنا من حجنا سالمين
ابي ورشه برياض جيده وهل الصليب
يمكن منه الفضاوه لانهم قالو لا مش منه
غيرولي كم حاجه تحت بس بدون فايده

[عبقري91]

شريت علبه اصليه ٥٠٠ ريال
والتركيب ١٥٠
لاكن مالقيت زيت اصلي قال بس اسي ديلكو

[hassan-55]

الله يعينكـ اخوي
حسبي الله عليهم ما يخافون الله
انا اعاني من ثقل بالدركسون واحياناً اذا جيت الف الدركسون يدقر
المهم رحت لورشه مختصه بالهيدروليكـ وورشه معروفه
قال الدودهـ يبي لها اصلاح
قال لي 400 ريال
قلت له احياناً الدركسون يثقل ويدقر قال لي لازم اصلاح علبة دركسون
ب 350 ريال
المهم بعد المفاوضه الدوده مع العلبه 700 ريال
قلت توكلنا على الله
واعطاني ضمان شهرين
وامس جربت الموتر الا والدركسون بدا يثقل ويدقر
رحت لهم اليوم وبعد الكشف قال لي رح جب لي اللي عندكـ يهرب!!!
والله بدت عيوني تشرشر قلت له مو انت تقول الدودهـ والعلبه؟؟
قال ياخي سوينا اصلاح لهم كانت فيهم مشاكل تهريب وغيرهـ
وانا للامانه شاكـ فيهم العامل دخل غرفه والله ما في ربع ساعه الا وخلص اصلاح الدودهـ مع العلبه
الله اعلم بهم اتوقع غسلوها ونظفوها بالديزل وقال غيرنا اصلاح!!
ـــــــــــــــــــــــــــــــــــــــــــ
المهم ياخوي انت وغيركـ انتبه من اللي ما يخافون الله
يمكن عندكـ تهريب بالليات

اسف على الاطاله
والله يعوض علينا وعليكـ

[عبقري91]

الحمد لله غيرت علبه من الوكاله
وطلع مشالله خفيف ولسه تحت التجريب


بلا مجدد بلا. امريكي

[koogak]

انا غيرت الدوده عند مركز وصرقع بي
كل ما ركب دوده طلع فيها مشكله
الحين ركب لي دوده وصار عندي نفس مشكلتك
اذا واقف الدركسون ثقيل مرررره واذ امشي يصير خفيف مرررره لدرجه انه صار خطر جدا
رجعت لهم قالي يبي لك طرمبه دركسون

انا الحين ابي اغير الدوده حقتهم والطرمبه وكاله
احد يعرف كم قيمتها و وين افضل مركز يركبها

سيارتي تاهو ٩٦ ربع

[azq]

الصراحة اخوان صارت لي حالة بالضبط الي تتكلمون عليهة بس الدركسون يعني (الستيرن) المقود هذا الذي فهمت ..... اذا كان ثقيل عند اطفاء السيارة وكذلك عند بداية التشغيل هنا معنا لا بد من توضيبه اصلاحهة (تجفيته) واذا كان هناك اخر يعني تبديله ....... اي تبديل علبة البور ستيرنك ؟ واذا كانت هناك فضاوة .؟ فهنا الشفت الذي ينقل فرات الستيرن عبر المشط المسنن يمين ويسار .... (الكوبلن) الرباط بين المقود ومشط الستيرن اي الصليب قد يحتاج الى خرط او جراخة او تبديل ....... هذا الذي افتهمة ...... ولازم اتسويهة وانت فوق رؤوسهم ؟ يعني كيف تخلي السيارة عندهم ..... وتذهب ...... الا في حالة توضيب المكينة كاملة هنا تحتاج ايام بهذه الحالة تتركها ....... والله المعين ...... وبالتوفيق