تكفون يا خبراء القير التماتيك وأخص أصيل وبدوي

[ولد طويرق]

السلام عليكم ورحمة الله وبركاته
عندي باثفندر 2003 قير تماتيك انفرط القير علي قبل 4 أشهر بسبب إني ما غيرت فلتر القير لمسافة 200 ألف كيلو (متعود على القير العايدي)
المهم وضبت القير ب(6)آلاف ريال وأخذت ضمان 3 أشهر وكانت تغييرات السياره فوق الممتازه وناعمه وهذا هو المتبع مع تغيير اللديتر وتم توظيب القير وتغيير اللديتر بلديتر أردني رصه كبيره وبعد 4 أشهر انفرط القير مره ثانيه !!
سؤالي ايش هي أسباب انفراط القير بعد التوظيب علما بأن المهندس اللي وظب القير قال لي روح للوكاله واكشف على القير وإذا طلع في التركيب غلط أنا أتحمل كامل قيمة التوظيب وقال انه متعاطف معي وراح يركب أي قير أجيبه بلاش وراعي اللديترات قال راح أفك مبرد قير من لديتر جديد وراح أركبه بدال مبرد القير اللي في لديتر السياره
الآن السياره واقفه في الشارع وأنا عفت السياره أبي منكم حلول أغير القير بواحد من التشليح ولا أدور قطع للقير وأوظب مره ثانيه علما بأن الوكاله ما عندها قطع قير لسيارتي

[YUKON_GMC]

عليكم السلام ورحمة الله وبركاته



بشكل عام في اغلب القيور الاوتوماتيك

فأن عدم تغيير الزيت مايسبب تخبيط وانا اعرف ناس معهم جيوب تويوتا 2000 وال 2002 ماغيرو زيتها من 10 سنين ..

مع الوقت ممكن التبديل يثقل واو يتأخر في بعض النمر ومجرد تغير الزيت والفلتر اصلي يرجع مثل اول واحسن


اللي يسبب تخبيط القير التماتيك ثلاثة اشياء :

1- الجور على الجير بالسرعة او مثبت السرعة في الطلعات القويه او او التفحيط او السحب او الدفع او التغاريز او النتل

2- اذا كانت المكينه اقوى من القير او مغير احدهم وغير مطابق للاخر

3- التوضيب - وبشكل عام نسبة نجاح التوضيب لاتتجاوز 60% لعدة اسباب اولها القطع المستخدمه واخرها اليد العامله

[ابوراكان تبوك]

اصلاً كيف يبي الوكالة تحكم على شغله والقير مفروط عذر اقبح من ذنب انا ما اعرف المهندس ولا احط بذمتي ولا اظلم الرجال انت موظب القير كامل يعني كل شيء جديد هي احد امرين لا ثالث لهما يا انه ماضبط التوظيب او انك تجور على موترك بالحيل:D
اذا وظبته مره ثانيه حاول انك تمشي بهدوؤ لين يتمرن القير ( على قولة المهندس أصيل كل شيء بالدنيا يحتاج تمرين )
الله يعوضك خير وييسر أمرك

[الكشات وافى]

السلام عليكم ورحمة الله وبركاته
عندي باثفندر 2003 قير تماتيك انفرط القير علي قبل 4 أشهر بسبب إني ما غيرت فلتر القير لمسافة 200 ألف كيلو (متعود على القير العايدي)
المهم وضبت القير ب(6)آلاف ريال وأخذت ضمان 3 أشهر وكانت تغييرات السياره فوق الممتازه وناعمه وهذا هو المتبع مع تغيير اللديتر وتم توظيب القير وتغيير اللديتر بلديتر أردني رصه كبيره وبعد 4 أشهر انفرط القير مره ثانيه !!
سؤالي ايش هي أسباب انفراط القير بعد التوظيب علما بأن المهندس اللي وظب القير قال لي روح للوكاله واكشف على القير وإذا طلع في التركيب غلط أنا أتحمل كامل قيمة التوظيب وقال انه متعاطف معي وراح يركب أي قير أجيبه بلاش وراعي اللديترات قال راح أفك مبرد قير من لديتر جديد وراح أركبه بدال مبرد القير اللي في لديتر السياره
الآن السياره واقفه في الشارع وأنا عفت السياره أبي منكم حلول أغير القير بواحد من التشليح ولا أدور قطع للقير وأوظب مره ثانيه علما بأن الوكاله ما عندها قطع قير لسيارتي



السلام عليكمــــــ ...

بالنسبه لتوضيب القير فمن وجهة نظرى وهذا رأى شخصى لى يقبل النقاش ..

فأنا أعتقد أن التوضيب نادرا مايضبط ... وأن ضبط فلا يستمر تقريبا الا سنه واحده

أو أقل ويرجع يخبط مره أخرى ... والرأى هذا من واقع تجارب لى وتجارب الاخرين ..

ولكل قاعده شواذ ... فقد يضبط ويستمر سنوات اذا لقى الفنى المخلص وقطع الغيار

الأصليه ...!!!

بالنسبه لى أفضل شراء قير من التشليح . ولكن ....... فكه من سياره مصدووومه ...!!

وليس من القيرات المرميه على الأرض لأن أهل التشليح أذا أشتريت منهم قير أو مكينه

يطلبون منك قيرك القديم أو المكينه التالفه علشان يرقعونها أى كلام ويبيعونها مره ثانيه ..

عندى سياره خبط قيرها قبل حوالى اربع أو خمس سنوات ... ورحت التشليح ولقيت اختها

وبالصدفه كان صاحبها موجود ويتفاوض مع الأفغانى لبيعها ... سلمت عليه وقلت له

بصراحه أبى أسالك عن قيرها .... الرجل قال لى المكينه مخبطه ولكن القير شد بلاده

ومحافظ على زيته وفلتره وأنصحك فيه ... انتظرت الى تمت البيعه بينهم واشتريت القير

من الافغانى ... ولازال بسيارتى من خمس سنوات ولا اروع منه ..!!

هاذى تجربتى الشخصيه ... والقرار لك أستاذى ...

[جيب لكزس 2000]

طيب يصير تغيير الفلتر بدون ماتغير الزيت ؟ طبعا الزيت مافيه ريحه حرق او اي شي ؟

[ms662]

السلام عليكم الله يعوضك اخوي
القير دور لك من التشاليح ولا توضب
وفيه ورش في الصناعية القديمة عندهم مكاين باثفاندر يابانية قد يكون عندهم قيور

[ولد طويرق]

بيض الله وجيهكم جميعا
أنا دورت في الغربيه والقصيم ولقيتها غاليه جدا ومو مضمونه فقررت أجي الرياض أدور لي على قير تشليح وما أستغني عن فزعتكم معي يا أهل الرياض

[ولد طويرق]

السلام عليكم
من يوم طلبت الفزعه محد رد على موضوعي !!
أفاااا
راحوا الطيبين ما كان هذا عشمي فيكم يا أهل الرياض
المهم أنا جيت شارع في الصناعيه القديمه الظاهر إسمه شارع عويضه ولقيت قيور يابانيه على كلام أهل الورش
تبدأ أسعارهم من 2500 إلى 4500 فك وتركيب وضمان شهر وأنا ودي بأحد قد تعامل مع هذي الورش ويعلمني عن شغلهم وأمانتهم
الورشه الأولى (مركز الأماني) العماله (سوري) السعر (2500 ريال)
الورشه الثانيه (مركز الشملان)العماله(سوري) السعر (3500 ريال)
الورشه الثالثه نسيت إسمها العماله(سوداني) السعر(4500 ريال)
أعطوني معلومات عنهم الله يرفع قدركم ولا يوريكم مكروه

تم الإرسال من جهازي GT-I9000 بواسطة تاباتوك 2

[ابوسند9]

تبي النصيحه ركب قير من السيارات اليابانيه افضل وارخص وبعدين والله جديده انا اطلعت عليها في الامارات سيارات يا رجل ما مشت 20 الف مقصوصه ومشلحه ولو انت بالقصيم كان ارسلتك على تشليح الزمام عندهم قيور ومكائن جديده مع التركيب لو تبي موديل 2010 واذكر عندهم مكائن باثفندر 2010 ب 7000 الف ريال

[ولد طويرق]

الله يرفع قدرك يبو سند سيارتي موديلها 2003 وأخوي عندكم بالقصيم علمني بمكان التشليح ورقمك الله يرفع قدرك على الخاص لو تقدر

تم الإرسال من جهازي GT-I9000 بواسطة تاباتوك 2