+الشرقـــــه شينـــــــــــه+

[راعي 505الدلة]

..بســــــــم الله الرحمـــــــــن الرحيـــــــــم..

مره كشتنا انا ويا ثنين من خوياي وعلى ذي الكشته اللي تبونها سوالف وتيس وعلوم طيبه

وفلة احجاج وزينا غدانا وتغدينا وعينا من الله خير وقعدنا انريح من التخمه :D:D:D:D

وجاء العصر وقلت يالربع قهوتكم علي وازين القهوه على جال الضو

وطرالي طاري جرة الصوت واجيكم بهاك الابيات

أمس الضحى عديت روس الطويلات

وهيضت في راس الحجى ما طرالي

وتسابقن دموع عيني غزيرات

وصفقت بالكف اليمن الشمالي
الا ويكمل خويي عبد الله وصوته خشن وجرع بزياده:(:(

وجريت من خافي المعاليق ونات

والقلب من بين الصناديق جالي

واخوي ياللي يم قاره خفا فات

وجاء يبي يكمل البيت الا ويشرق بريقه ويكح ويكح ويكح ويقوم صالح ويروح يجيب الماء

وجيته فازع واسمي عليه وجهه صار احمر ويكح ولاعاد تنفس وعيونه راحت فيها واقوم

اضربه على ظهره مدري وش الحكمه منها :):)

ويجيب صالح الماء ونشربه .. الحمد لله كنه هدى شوي ونقول اربك تشاليت

وينفجر من الضحك واعاين صالح واقوله الرجال صاحي ولالا

مدري ضحكه فشيله ولا فارح ان الحياه ارجعت له

الا ويحط عينه في عيني وقال الله لايعودك على العين بغيت اااامووووت

هههههههههههههههههههههه

وسلامتكـــــــــــــــم

[Al3rands]

ههههههه فكه الله

[عشق الجبل]

الحمد لله على السلامه

[ابو الشبرميات]

جبتوا خبره الضعيف
هذا وصوته شين
اجل لو انه عندليب والا ابو نورة على الفضلة
كان الله يرحمه شهيد الونات ومدفون جنب الفديع
مشكور راعي الدلة
...

[SAS2]

هههههه مشكور يالغالي سالفه ممتعة

[النبهاني]

حيا الله راعي الدله
ما شاء الله هواويه يجرون الصوت ويشرقو بالريق
بغيتوا تذبحون ابن الحلال الضربه مع الظهر للغصه ما هي للشرقه
يعطيك العافيه اخوي

[راعي 505الدلة]

AL3rands اي والله حمدلله فكه الله شاكــر مروركـ..


عشق الجبل:الله يسلمك^_^ اسعدني مرورك الكريــم..

[راعي 505الدلة]

أبوو الشبرميات..هههه بيض الله وجهك ..شاكــر مروركـــ، يالطيـــب

SAS2::الله يعافيكـ، شاكر مروركـ، يالنشمي

النبهانــي::هع ادري ان الظرب ع الظهر للغصه بس انا اختلفت*_*اسعدنــي مروركــ الكريــم

[النجم السراي]

ماشاء الله قصه جميله

واسلوب رائع

[راعي 505الدلة]

النجـم السراي .. الله يعطيك العافيه .. شاكـــــر مرورك