۞۞۞ ( تفاريخ العام وول العام واللي قبله وين راحت مالها ذكر )۞۞۞

[(هزاع)]

السلام عليكم ورحمة الله وبركاته
لاتعجبون من سؤالي
تفاريخ العام وول العام واللي قبله وين راحت مالها ذكر
اختلط الحابل بالنابل
الشباب مبتلشين بالسؤال عن فروخ التفريخ وما يجري لها من هك وتشميس وكبوس ومعالجة الذنيبه والليزر وتحريش الكفوف
كل ذا غش وتحايل مانختلف عليه
لاكن تفاريخ العام وول العام وراها تعرض على انها اصايل روسيه ولا باكستانيه ولا اي دوله كانت
ياللي تقول الكفوف الحرش والذنيبه وريش الظهر والدواغر وووو
قيض الطير وهل ريشه وجا رش جديد وقصصو جحول الشركه المنتجه
هل : بيصرفها قليل الذمه اعزكم الله على الغشيم المسكين ؟
وهل: لافراسة الصقار دور في اضهار قرناس التفريخ من الاصيل
وهل : لمشاهد طيار الطير وطريقة تعامل الطير مع الطريده دور في تبيين الاصيل
((ولاعلى كلام اهله الاولين)) ؟؟!!

[حريب الياس]

والله يا اخوك يا هزاع الظاهر الوحوش هي اللي قلة :) و الظاهر كل الموجود تفاريخ

[عنيد]

حبيبنا العزيز هزااع اريد ان اوضح لك فكرة يمكن انها غايبةً عليك
الا وهي من يود الشراء الوحوش من الدول مثل كازاخستان وغيرها فإنه يتم الغش في الاصل من التجار نفسهم بتلكم الدول ويوجبون عليك الشراء على طريقة شبات مثال ذلك 5 طيور او سته على شبه واحده ويكون مع الطيور تفاريخ ومقصوص الحجل ولكن تشرط من التاجر ضمن الشراء فمن الصعب اخراجها من المشتراء هذا والله أعلم
وأنا الللللللللللوووووووووم من يشتري ولا يخبر عن المغشوش والله المستعان

[(هزاع)]

كلامك يالعنيد للفروخ وجلبها
نعم يخلطون قليلين الذمه
لاكن تفاريخ العام وول العام اللي مقيضه هنا
هل يبي نزلوهن السوق اصايل
وهل بيطيحون باللغشما ويلعبون عليهم
وش النصيحه للي لمو التفاريخ على الفين والفين وخمسميه وقيضوهن وبيضهروهن من المربط ويقولون اصيل
الذمه الذمه يامسلمين يامسلمين اللي ماهو مصدق ان مال الحرام يتلف اهله
بيقنع من مال الحرام وجمعه ان لحقو عليه بالمستشفى ليته يرجع للناس حقوقها
من عاش بالحيله مات بالفقر
( اكبر فقر) فقر الحسنات ياخوان

[ابوعزيز2007]

الله المستعان واتوقع انه صعبه شوي تفرقه عقب القرنسه

[محمد النعيمي]

بيض الله وجهك موضوع رائع ومراقبة الله مهمه في هل الامور اومرد الانسان بيوقف بين يدالله وسوف يسال عن كل كبير وصغيره

[برق المغيب]

الا هل من مجيب ... ضربت وتر حساس ياهزاع وين صاحب الذمة اللي يخاف الله سبحانه ... جزاك الله خير على حرصك وابراء الذمة ... لكن نقول الطيبين واجد ان شاء الله

[راعي - عديم]

1- التفاريخ يوردها واحد ذمته وسيعه ويغش بها حديثي الصقاره وأستراحته مشهوره بس المشكله الناس ماخذين فيه مقلب .


والستر زين الله يعين


2- أما بالنسبه لتفريق بين التفريخ والأصيل واضح من الموراي وبرادة الوجه .


3- نعم يبين الفرق بينهن عند الطريده والأصيل مايختلف عليه أثنين خاصه بالطيار والمداوس وقضب الطريده .


ونترك المجال للأخوان يفيدونك أكثر

[بوخالدالمطيري]

الاخ هزاع ابو مشعل مساء الخير اتصلت عليك اكثر من مره ولم ترد عسى المانع خير اخوك ابو خالد من الكويت

[المضحي]

الله يبيض وجهك يابومشعل ويكثر من امثالك

صدقت من عاش حيلة مات فقر

ومن غش الناس ماقدر يغش رب الناس...

[(هزاع)]

1- التفاريخ يوردها واحد ذمته وسيعه ويغش بها حديثي الصقاره وأستراحته مشهوره بس المشكله الناس ماخذين فيه مقلب .


والستر زين الله يعين


2- أما بالنسبه لتفريق بين التفريخ والأصيل واضح من الموراي وبرادة الوجه .


3- نعم يبين الفرق بينهن عند الطريده والأصيل مايختلف عليه أثنين خاصه بالطيار والمداوس وقضب الطريده .



ونترك المجال للأخوان يفيدونك أكثر



الله يستر على من بغى الستر مالنا دعوه فيه
انافي مجال اللي يلمون التفريخ من السوق ويقيضونهن ويبيعونهن اصايل

الاخ هزاع ابو مشعل مساء الخير اتصلت عليك اكثر من مره ولم ترد عسى المانع خير اخوك ابو خالد من الكويت


بوخالد يمكن مانتبهت لاني مغير الشريحه وضاع علي ارقام واجد حياك الله بكل وقت

[عاذي]

كم واحد يقدر يميز بين الأصيل والتفريخ سواء فرخ او اذا قرنس على قولتك يابو مشعل .. لكن خلها على كلام هلة الأولين وفي ذمتهم .

[اقدم صقار]

الشق اكبر من الرقعه

ومحدن بداخل مع احد في قبره

الطير ان اعجبني شريته وماهمني تفريخ او اصيل اهم شي عندي ان الطير سليم من الامراض فقط

علومه ما علومه مابيها خلها عند اهله الاولين ، انا وحضي اشتري طير مجهول بس سليم ابرك لي من طير مشروط وهو مبووووووووووووووووووووج

وصدقني يا ابو مشعل التفاريخ بعضها ما يفك لو تعطي راعيه دبل قيمته والبوج بوج بتلقاه وبتعرفه من تقلبه

[الجره جديده]

لا والله القرناس خلاص انتهى موضوعه بالشكل ما فيه امل
يمكن في المطير وفي الارتفاع وفي الطبع وطريقة تعامله مع الطقوس
وشكلها على كلام اهله الاولين

[قنيص غبر]

سلام عليكم . . .

اخواني عندي مداخله بسيطه ..

هناك نوعين من الحرار غير الوحوش المتربيه في الخلا

اول نوع هو جني العش وهو اردا نوع : ينمسك في العش وهو بعده ما طار ويفكوه في اقفاص كبيره فتره حتى يتهربوا الى دول الخليج ونادر منهن ماينجح ..
النوع الثاني وهو التفريخ في مزارع اجنبيه ويكون تفريخ حر من حر : ويتميز هذا النوع باللون والحجم يجنك شعل وشقر ومقاسات 17 وحتى 18*18 . ونا حظرت على هدد لهذا النوع واتقارنه بالجيره ..
وفي الاونه الاخيره صار اسعار هذي الطيور غاليه جدا والسبب مزاينة الصقور في دولة قطر ..

وشكرا

[AL-NaDeR]

الشق اكبر من الرقعه

ومحدن بداخل مع احد في قبره

الطير ان اعجبني شريته وماهمني تفريخ او اصيل اهم شي عندي ان الطير سليم من الامراض فقط

علومه ما علومه مابيها خلها عند اهله الاولين ، انا وحضي اشتري طير مجهول بس سليم ابرك لي من طير مشروط وهو مبووووووووووووووووووووج

وصدقني يا ابو مشعل التفاريخ بعضها ما يفك لو تعطي راعيه دبل قيمته والبوج بوج بتلقاه وبتعرفه من تقلبه



اتفق معك بالراي ..
سلمت يـ هزاع . طرحك مفيد يابعدي "

[راعي مختار]

الله يجزاك خير ومراعاه الذمه شي اساسي ومطلب والحمدالله على نعمه الاسلام

[(هزاع)]

الطيرفعل
مانختلف على ذلك
تفريخ اوغير تفريخ مابه مشكله
مثل الجيره كثير من الصقاره تعلقت قلوبهم بهن من فعلهن
لاكن انا مقصدي
(احتيال ضعاف النفوس)
وش فرق الحرامي السروق عن المحتال
السروق يسرقك ونت ماشفته اشوى شوي والمحتال يسرقك ونت تشوف
كتبت الموضوع ماقدر اعدل بخلاق الحياله لانهم يعرفون الحلال والحرام ماهوغاويهم ذلك
لاكن ابي الحرص منهم (وحشرهم على مايكرهون)
على الثنتين
الفحص ومشاهد طيارالطير
ولو تفرق سعر الطير الفين او ثلاث الاف مانت بخاسر به اصيل اوتفريخ
لاكن لاقلت للمحتال على الفحص والمطير اختلق الاعذارمسافر مستعجل اي شي ؟؟!!
المهم بيع الوقت ذا على الذمه ونا مادخلت في قلوب الناس
لاكنها النصيحه / لاتشري الا طير رجال معروف وللللللا الفحص والمدعى وابقيم الطير يستاهل اشيله على كفي
(((ولللا كف غيري يشيله))))