مشروع محل قهوة عربية ( مشورتكم )

[علوش1]

السلام عليكم ورحمة الله وبركاتة

ناوي ان شاء الله افتح محل متخصص في القهوة العربية ..

وحبيت اللي عنده فكرة عن هالمشروع لا يبخل علي بالمشورة ..

من حيث الموقع المناسب وتكلفة الديكور ......الخ

وما هو المطلوب من استخراج رخصه وخلافها ..


افيدوني ولكم دعوات في ظهر الغيب ..

[راعي المطافيل]

الله يوفقك وتنجح بتجارتك
واول الخطوات اصعبهااااااااا
ويفيدونك الاخوان
لكن لا بد من دراسه جدوى
الله يجعلك من تجار السعوديه
لكن لا تصيرررررررررررر مصاص دماء
اتفقنااااا

[علوش1]

ولا يهمك انا قنوع من يومي ..

بس انت لاجيتني علمني انك راعي المطافيل

عشان اعطيك دله مجانية ..

[BDER-C1]

مسيت بالخير ..

1- استاجر المحل .
2- وضع اللوحه + الاسم رباعي
3- استخرج رخصة المحل من البلدية
4- تعطي اوراقك لمعقب لمكتب العمل من اجل العامل
5- الديكور طال عمرك على حسب الفخامه بالاضافة على كبر المساحه .
6- الموقع انت ابخص وهنا ياتي دورك .

نصائحي لك تفتح لك كفي شوف + تقديم القهوه
هنا اذا مامشى سوق القهوه يمشي سوق الكفي وهو عليه طلب وهكذا ...

ونصيحه لك لاتستعجل
ياكثر مانشوف محلات كثيرةاغلقت بعد فتره بسبب عدم التخطيط الجاد .

[أبوعابد 22]

الله يوفقك ويسهل امرك

[علوش1]

بدر

صبحك الله بالخير ..
وماقصرت ع النصيحة والمعلومات ..
بيض الله وجهك ..
وبالنسبة للعجله ماهنا عجلة ان شاء الله ..
اما العامل ماله لزمه ..
انا العامل وانا المدير ..
وعسى الله يوفقني واياك وكل مسلم لكل خير ..
:

:

ابوعابد22

الله يتقبل دعوتك ..

[ابولولو]

اخوى علوش الله يرزقك من حيث لاتحتسب


اخوى اهم شى زين نيتك وتوكل على واحد احد فردآ صمد


الموقع اهم شى
الديكور مهم
العامل انت تقول مانبي عامل وهذى غلط لان الزبون يبى خدمه ممتازه وسريعه انت تجهز القهوه او الشاهى او تقدم للزبائن او تمسح وتشيل عقب مايخلص الزبون او تغسل المعاميل او تنشفهن او او او او زبزن عطاك مبلغ ولا معك صرف تطر تخلي المحل وتروح تدور صرف المحل كذا يبى يصير فاضي


انا تراى مااعقد الشغله انا احط لك الامور وانت رجال عاقل وفاهم وتازآ الامور


وانا اخوك البدايه هى اصعب مرحله للمشروع وصبرك مهم على المحل وعلى الزبائن اللي تبى تلقى الوان واشكال


اخوى استخر وتوكل على خالقنا


ولا هو عيب انك تسئل احد فتح المشروع قبلك او اى راعى محل تراى فيه سعودين يفرحون ويرحبون انك تسئلهم


اتمنا انك ماتستاجر محل غالى يكسر ظهرك ويتعبك باالايجار


اتمنا من الله العزير القدير الرزاق ان يرزقك ويوفقك ويسخر لك خلقه للخيروالصلاح


محبك


ابومحمد